Mik. 4:1 - BUKO SIPUNENAN

¹ Ka gogoi sibabara, tinambu kudduat uman Tuhan, muririo simabuak sisaliu sangamberi leleu samba tinambu. Sangamberi paamian masiailiake sedda.

Mik. 4:1 Iomraidhean Croise

1Mos. 49:1

Lepa geti sogainangan si Jakob tatogania samba kuanangan, “Paruru kam sene, kabe'be'ku. Kupaagaiakenia katubumui aponia nuaili kam ka gogoi sibabara:

1Mos. 49:10

Si Jehuda masiukkaake geti tutura purimataat, reddenannia muparenta te geti teret buru-buru. Tai bangsa raambit le geti upeti, samba murappo sialei purereddet katubunia.

PSALMEN 110:3

Ka gogoi nupasaggak matarek le Taikaumam mei pasaggak kabagat pulaingean pusisipunenan, kateteret toro simansep aipeile kabagat suruket, tinobut pubabau tubum aibailiuan bakkatnu.

PSALMEN 22:27

Sirimanua simageba geti mokom le pat ektek; sirimanua siooi kai Tuhan masiuumun geti Nia. Bule masun geti puririmanuam teret buruburu!

PSALMEN 48:1

Urai. Psalmen muntogat Korah.

PSALMEN 86:9

Sangamberi bangsa sibaraakenenNu momoi sia murekkuk murappo ka matam, ale Tuhan, samba ralalatsatnake onim.

Jes. 27:13

Ka tetere nenda tunauake geti pipiau sabeu, samba oirangan geti simapepepe ka laggai Asyur samba leu siribbaiakenen ka laggai Misir murekkuk katubut Tuhan ka leleu sipunenan, ka Jerusalem.

Jes. 43:6

Aku masikua geti katubut bare: Akean le! samba katubut kaiaman: Baan kekera! Abbit le tatogakKu taimanteu sibara ka sareunan, samba tatogakKu tainanalep sibara ka tu'tut polak,

Jes. 49:6

“Makopean le tata kekeu, sibailiu paguguletKu, iate masironake sangamberi muntogat Jakob samba masitoiliake sangamberi tai Israel siturerere tupasikeli. Tapoi Kugalaiake le ekeu geti ibailiu pato ka sangamberi bangsa bule puaraugat sibara katubukKu iaili ka tu'tut polak.”

Jes. 54:2

Lioake kudduat sapounu, samba nganangake sapou kudduatnu, bui' nungoinia; nantaake sangamberi apprat sapounu samba ibbiake simaron sangamberi turiknu!

Jes. 56:7

Kuabbit le sia geti ka leleuKu sipunenan samba kaukungan leu angkat baga ka uma panindogat katubukKu. Silokungan leu sangamberi buluakenen rarangen samba buluakenen jajaketda sipanguruatakenenda ka uddut pasibuluat katubukKu, kalulut tuoniake le geti umang-ku uma panindogatda sangamberi bangsa.

Jer. 16:19

Ale Tuhan, puronanku samba iripku, kudduat katuituiatku ka gogoi pusaggoat! KatubuM le' geti raoi sangamberi bangsa sibara katutut polak masikua: “Bulatnia, taikebbukatmai sarat masibakkati sabulungan sipatataju sabulungan siboboi berisara ta'anai paluluatnia.

Jer. 26:18

“Si Mikha, tai Moresyet nenda, aipoiliatnan ka teteret Hizkia, rimata Jehuda. Aikuangan katubut sangamberi bangsa Jehuda: Kasene' le; ngangan Tuhan Sebaot: Sion tupapakru le' geti kele mone samba Jerusalem ibailiu le' parurukat siragatat samba leleu Uman Sipunenan ibailiu le' geti tinambu simaigi loina.

Jer. 3:17

Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 31:12

Momoi te' geti sia musoga angkatbaga ka uddut leleu Sion, pumataatda malatsat kalulut pusisikut patuat Tuhan, kalulut gandum, anggur samba tula, kalulut sangamberi togat biribiri samba jaui; puririmanuanda geti kele mone sisuaiji simakolou, ta'an geti mululu'baga sia minca.

Jer. 48:47

Tapoi kasara tetere, Kutotoiliake le minca pagalaiat laggai Moab. Aku, Tuhan, amanibongan!” Nenda te igagalai si Tuhan katai Moab.

Jehz. 38:16

Tusuru le' Ekeu masisaggangi paamianKu Israel kele tanai rusa sisakkeri sanganberi polak. Ka gogoi sibabara muaili le pagalaiat nenda. Kuambit le' geti ekeu masisaggangi polakKu, bule sangamberi bangsa masiagai Aku, kateteret Akupakoinong pusisipunenanKu katubum ka matatda, ale Gog.

Jehz. 40:2

kabagat sangamberi pasiitco sibara kai Tuhan ka polak Israel samba kudduakenangan aku ka uddut sara leleu simakope buak. Ka uddut leleu nenda ka matakku ai simakere kele laggai.

Jehz. 43:12

Nene te siteuakenen pagalaiat Uma Sipunenan nenda: sangamberi kupkumen ka tu'tut leleu nenda iate bulat sipunenan. Bulatnia, nene te' siteuakenen pagalaiat Uma Sipunenan nenda.”

Dan. 10:14

Lepa oi aku masiropmake ekeu nuagai sibabara geti ka laggainu ka kalepakat gogoi, kalulut itcot mata nenda leu pagalaiat gogoi sibabara nenda.”

Dan. 2:28

Tapoi ka manua ai Taikamanua sipatoila sangamberi keleat, samba aipaagaian katubut tuanku apa sipuaaili ka gogoi sibabara. Kineiget obaake le kukolouake pangamutet samba siitcot tuanku ka pereman.

Dan. 2:35

Kateteret nenda leu et mabukkatnangan samba magatcanangan sangamberi tularat sigalai sibara ka laba, polak ottot, tembaga, perak samba mas samba sangamberinia nenda bailiunangannia kele abut polak ka pamerakat kateteret legeu. Lepa burutakenangannia rusa, pat berisara sipulelegei. Tapoi bukku sisaksak tularat nenda bailiunangannia leleu sabeu samba sun sangaliot polak.

Dan. 2:44

Tapoi kateteret puparentaatda tai rimata nenda, Taikamanua ka manua masirioake geti sara purimataat simatom teret buruburu samba purimataatnia tamomoi raalania laggai bagei; purimataat nenda ipakatai le geti sangamberi purimataat samba isubuake, tapoi purimataat nenda mariuriu le geti teret buruburu.

Dan. 7:14

Lepa kaunangan katubunia gege samba pubebeunan sibailiu rimata, bailiu sangamberi sirimanua ka sangamberi laggai, suku samba nganga mupagugulet katubunia. Gegenia iate pubebeunan simatom samba sitaitatata. Purimataatnia iate sitaisasappru.

Dan. 7:18

lepa nenda sangamberi paamian Taikamanua Sipulubeunan rasilo le geti puparentaat samba puparentarangan teret buruburu tatatata.”

Dan. 7:22

Iageti oi Nia sipuririmanua teret buruburu nenda, sineseatakenangan paamian Taikamanua Sipulubeunan. Ailinangan teterenia paamian Taikamanua rasilo gege rapuparenta.

Dan. 7:27

Puparentaat, gege, pubebeunan samba puaabeu sibara ka sangamberi purimataat ka polak tukau le geti ka paamian Taikamanua Sipulubeunan. Puparentaatda iate puparentaat simatom, samba sangamberi sibara gege rapaguguletake le geti tubutda ka paamian Taikamanua sipulubeunan.”

Hos. 3:5

Tapoi babara te teterenia ratoili minca tai Israel katubut Tuhan Taikamanuandra, samba ka rimatadra sibara ka muntogat David. Malotorangan geti samba masururangan kai Tuhan, samba leu silorangan panukananNia.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Zakh. 14:10

Sangalio tobbou laggai barania ka Geba ka bare teret ka Rimon ka kaiaman ibailiu le geti simagaktuk. Tapoi Jerusalem musubbulat geti, sisaliu buak polak ka bebenia. Laggai nenda malilio geti barania ka matatbaliu Benjamin teret ka matatbaliu Sudut, iate kudduat gugurukat siboiki samba barania ka Menara Hananel teret ka kudduat pasipionan anggur bakkat rimata.

Zakh. 2:11

Kateteret nenda maigi le bangsa siooi ka tubut Tuhan addeat ibailiu paamianNia. Mukuddu le Nia geti ka talagamui, samba agaimuian si Tuhan le amasikoiniake aku ka tubumui.

Zakh. 8:3

Toili le geti Aku minca ka Jerusalem, laggaiKu nenda samba mukuddu sedda. Agairangan te geti Jerusalem sibailiu laggai simariuriu mutopit, samba leleu Tuhan Sipulugege kuarangannia geti Leleu Sipunenan.

Malk. 1:11

Rasuru' le Aku tai bangsa ka sangaliot polak. Ka senen kudduat ralabo' le pusinginan kalulut rasuru oningKu samba raake buluaakenen simaeru, kalulut suru'ra tai bangsa ka tubukKu.

Pugap. 2:17

‘Babara te ka gogoi sialu – ngangan Taikamanua – kuuruake Ketsatku ka sangamberi tubu; pasipoiliatrangan tatogamui taimanteu samba tatogamui tainanalep. Samba tailaingemui raitco taiitcoket, samba taibajamui rapangamutnake pangamutet.

Ibr. 1:2

Tapoi ka tetere sikateitei nene, patiboakenangan sita ka bagat Togania, sikokoiakenennia bailiu sipasiikep sangamberi sibabara. Kalulut nia leu aibaraake polak nene Taikamanua.

2Ptr. 3:3

Agaietmui siboiki ia te ka gogoi kalepakat momoi te sipagegegei masiake pagegeiatda, ia te sipasitututnake pubotbonanda.

Pamoil. 11:15

Lepa piaunangan pipiaunia malaika sikapitu; maarepnangan nganga sabeu ka sorga masikua, “Purimataat polak nene aian ka kabei Tuhanta samba Rimata Sinulajinia, purimatanangan teret buruburu.”

Pamoil. 15:4

Kasei te ta masikakalotoake ekeu, Tuhan, samba sitailatsatnake onim? Sarat ekeu le poi sipunenan; sangamberi bangsa le momoi samba murappo ka matam, amatoilaan poi roiponia pasiuukumnu!”

Pamoil. 20:4

Lepa itcokungan maigi uddenan purimataat samba sia sikudduji nia; ka tubuda sikudduji uddenan purimataat tukau gege masiukum. Kuitco leu ketsatda simateiakenen kalulut pasimunengan pagalaiat Jesus samba kalulut tiboiet Taikamanua, samba sitaipanindogi tarimeu samba tularatnia samba sitaisilo toggaiat ka bukku samba ka kabeira; purimanuarangan minca samba murimata pasamba Kristus saribu ngarura.