Mik. 2:1 - BUKO SIPUNENAN

¹ Paan te kakam siisiake sikatai, kenanen ai kam memerep sinoibo, lepa galaiakerangannia simanceman aipoi aironda masigalaiakenia.

Mik. 2:1 Iomraidhean Croise

1Mos. 31:29

Maron le aku masigalai katai katubum, tapoi kasoibo silelepa Taikamanua panindogiet ukkuinu masiparepdep aku bule bui' kubesiki ekeu.

1Rim. 21:7

Aleginangan si Izebel, “Rimata ka Israel ekeu le! Suruakean ekeu kineneiget samba pukomman. Angkaake bagam, aipoi aku masiake geti monen anggur Nabot tai Jizreel nenda katubum!”

Est. 3:8

Iageti kuanangan si Haman ka tubut rimata, “Tuanku, ai sara bangsa simasasaragai samba siooiake ka senen provinsi purimataat nene. Katukelat puririmanuandra bulat mabaggei ka sangamberi bangsa bagei. Sangamberi surukat purimataat ta Rimatatutnake. Oto, Tuanku simaerunia bui' nuobaake ragalai siobat bagadra.

Est. 5:14

Masiarep nenda sinanalepnia samba sangamberi saaleinia masikua kele kisene, “Koiniake le sirimanua ragalai arigit paninggotat buaknia lima pulu eto. Lepa mancepnia, simanceman tiddou le ka tubut rimata iobaake bule tutiggotnake si Mordekhai ka arigi nenda. Kele kiseddangan bai oinangan nuei ka punen nenda ka angkat baga.” Pinaatu nenda bulat maeru ipaatunia si Haman, kalulut nenda koiniakenangan ragalai simaola arigit paninggotat.

Est. 9:25

Tapoi amurio le si Ester ka matat rimata, samba rimata masikau parenta sitususurat sibailiuake pinaatu sikatai sigalai Haman siorak tubunia sarania, bailiunangannia samba tatogania tutoakngake ka arigi paninggotat

Job 15:35

Sia te siisiake pukakatai samba sigalaiakenia, sarat patajuat le ka patuatda.”

Job 24:14

Ka kapatokat matareknangan sipamamatei, mateiakenangan sirimanua sipangongorik samba simageba, samba kateteret sinoibo kaunangan tubunia kele sipananangkou.

PSALMEN 36:4

Titiboat sibara ka ngungunia sarat sikatai samba patajuat, taan igagalaiake sikut patuat samba masigalai simaeru.

PSALMEN 36:5

Pukakatai iisiake ka peremannia, nia masitut enungan sitaimaeru; aponia sikatai ta ikekeraake.

PSALMEN 58:3

Ekeu leu masigalaiake sikatai ka patuatmui, kabeimui, masipatarek enungan masigalai sikatai ka polak.

Pangt. 12:2

Ioba bagaNia si Tuhan ka sirimanua simatopit, tapoi sipatataju iukumake le.

Pangt. 14:22

Kasei siisiake sikatai ai le nia ka enungan pupepeat, tapoi kasei siisiake simaeru, isese le katet baga.

Pangt. 3:27

Bui nukera simaeru katubut sirimanua simateu masisilo, ke moi nugalainia.

Pangt. 4:16

Kalulut ta memerep sia, ke tapei ragalaiake sikatai; tata le laulaura, ke tapei ramateiake sirimanua;

Jes. 29:20

Kalulut sappru le geti sirimanua simagege simabuak patuat samba sipalololoi, samba tusubuake le geti sangamberi sirimanua siisiake sikatai,

Jes. 3:14

Si Tuhan le mugalai sibailiu sipasiukum ka sikebbukat laggai samba ka sangamberi sipaneinei paamianNia: “Kam te aisubuake monen anggur nenda, bibilet siraurau sibara ka sirimanua situoorei masun kabagat lalepmui.

Jes. 32:7

Ke simapatajuet, sangamberi patuatnia iate sikatai, masipaatu sangamberi galaiakenen sikatai imateiake sirimanua sipangongorik itiboake tiboiet patajuat, kenanen simageba nenda ibesiake isilo simateu siloketnia.

Jes. 5:8

Matei le sia sipasiraurau senen lalep samba sipasiala senen mone, bailiu taibaranangan kudduatda sabagei samba ekeuan le saram mukuddu kabagat laggai!

Jes. 59:3

Kalulut kabeinu malolit kalulut logau samba singongainu kalulut pukakatai; ngungum masikua pabokoat, jalainu masikua patajuat.

Jer. 18:18

Kuarangan: “Konan le' tagalaikam pukerekatbaga katubut Jeremia, aipoi imam ta'sasapru gelaiakenennia, sirimanua simasiku paatuat ta'sasapru nganturatnia samba nabi ta'sasapru tiboiet. Konan le' tabo'bo'kamnia pasamba ngangania samba bui tulelekngake senen sukuania!”

Jehz. 11:2

Kuanangan katubukku: “Ale togat sirimanua, nene te sirimanua siisiake pukakatai samba sikarapake nganturat sikatai ka laggai nene,

Jehz. 33:26

Mukaronan le kam ka lanjaumui, nugalai kam sikatai samba senesenemui masipalolit sinanalepda saleimui, mariuriu pa ibailiunia bakkkatmui polak nene?

Jehz. 38:10

Kasene le' tiboiet Tuhan Taikamanua: Ka gogoi nenda bara ka paatuatnu samba galainungan pinatu sikatai.

Jehz. 46:18

Bui iala rimata nenda sara sibara ka bakkat ikemenda taikauma, bailiu tuareurangan ka bakkatda, sarat sibara ka bakkatnia le momoi ipaikep ka tatogania bule bui berisara ka sapaamianKu tuareuake ka bakkatnia.”

Mik. 6:12

Simakayo ka laggainu masiorei simageba, samba kam sangamberimui simaboko.

Nah. 1:11

Sibara ka tubum, ale Niniwe, abarangan sara sirimanua siisiake' sikatai. Igalai le' isiat masisaggangi si Tuhan.

Zakh. 7:10

Bui'an nuorei tailumang, siputataina, sirimanua sioiake siturere ka talagamui, ele kasei paai kabagat okkip puririmanua. Samba bui leu “nuisiake kam sikatai ka pasasambamui.”

Mrk. 15:1

Mamancep pei le purapatrangan tai imam sabeu, tai bajara tai Jahudi samba siagaisurat. Kaberangan Jesus, ambitrangan nia rasegeake nia kai Pilatus.

Luk. 20:19

Ia geti gelerangan siagaisurat samba tai imam sabeu masilaba Jesus ka jam nenda leu et, raagai poi sia le isasailu ka pasikat nene, tapoi maloto le sia ka sirimanua simigi.

Joh. 19:11

Aleginangan nia Jesus, “Ta anai gegem ka tubuku, ke ta tuake kekeu gege sibara ka pata. Ia te lulunia sipasisesegeake aku kekeu, nia pei le abeu jo.”

Pugap. 23:12

Kele aimapato pukererangan baga piga pa tai Jahudi, supparangan tubuda ta mukom, ta mulo, ke tapei ramateiake si Paulus.

Pugap. 23:15

Oto kineneiget tiddou kam sangamberimui sipurarapat ka utera tai saladdu, bule iambit si Paulus mancep ka matamui, kuamui le bule nulelekngake kam pakaronia bulat sipulelelek; oto kai amatarekngan kai kumateiake kai nia enan tapei sesege nia se.”

ROMA 1:30

samba masipaloloi sabagei, sipulagaki baga Taikamanua, taiagai arat, simabuak paatuat, simaoddoi, maagai ka sikatai, sipuarak eppu;

5Mos. 28:32

Ka matamui leu tukau le geti tatogamui sibailiu pagugulet ka tai bangsa bagei. Senen gogoi muraka matamui nugaba kam tatogamui, tapoi siboboi le, kalulut ta'an totoili sia.