Jos. 9:3 - BUKO SIPUNENAN

³ Tapoi tai Gibeon sibara ka bangsa Hewi araarepman pagalaiat sigalaiakenen Josua ka tai Jerikho samba ka tai Ai.

Jos. 9:3 Iomraidhean Croise

2Sam. 2:12

Ka sara gogoi tuitui si Abner barania ka Mahanaim iei ka Gibeon sambatda saladdut Isyboset.

1Taw. 12:4

Jismaya tai Gibeon, simagege simaagai sibailiu sara sirimanua siuteake mungkuat “Telu pulu saladdu.” Jeremia, Jehaziel, Johanan samba Jozabad tai Gedera,

2Taw. 1:3

Lepa ei si Salomo pasamba sangamberi paamian Israel ka leleu kudduat panindogat ka Gibeon, kalulut sedda te kudduat Sapou Tuhan sigalai Mose, pagugulet Tuhan, ka kudduat simatangeu.

Jer. 28:1

Ka rura nenda leuet, ka panandaat puparentaat Zedekia, rimata Jehuda, ka laggo sikalima rura sikaepat, kuanangan nabi Hananya togat Azur sibara ka Gibeon nenda katubuku ka uman Tuhan, kamatadda tai imam samba sangamberi taikauma:

Jos. 10:1

Adoni-Zedek, rimata ka Jerusalem, masiarep aioppu samba aipakatai sangamberinia laggai Ai si Josua, samba leu masimateiake rimatania kele sigalaiakenennia ka Jerikho samba rimatania. Aiarepman leu et aragalai palelengan pasuruangandra tai Israel ka tai Gibeon samba kukudduda ka talagadra.

Jos. 10:2

Bulat maloto sia sipulaggai ka Jerusalem, kalulut Gibeon iate laggai sabeu; makere le beunannia laggai-laggai sibara rimata, bele pei beunan laggai Ai. Sirimanua leu et simaagai enungan pasaggak.

Jos. 10:28

Gogoi nenda sagganginangan si Josua laggai Makeda, samba kalaakenangan laggai nenda samba leu rimatania. Sangamberi sikuddu ka laggai nenda mateiakenangannia; ta'anai sia aiobaake murimanua. Galaiakenangan ka tubut rimata Makeda si Josua masigalaiake kele sigalaiakenennia ka rimata Jerikho.

Jos. 10:30

Kaunangan leu et kamanangan ka tai Israel si Tuhan arasaggangi laggai nene samba rimatania. Ta'anai sia sara leu raobaake murimanua, sangamberi sirimanua ka bagat laggai nenda mateiakerangan sia. Galaiakenangan ka tubut rimata laggai nenda si Josua kele sigalaiakenennia ka rimata Jerikho.

Jos. 11:19

Ka sangamberi laggai ka sangalio kupkumen laggai nenda, ta'anai sara laggai sigalai palelengan paaleijat ka tai Israel, sarat Gibeon le, laggai bangsa Hewi. Sangamberi laggai bagei ikalaake ka bagat pasaggangan.

Jos. 18:25

-28 Ja leu et pulu epat laggai nene tutnia pasamba laggai sigoiso ka be'benia: Gibeon, Rama, Beerot,

Jos. 21:17

Sangamberi mone samba desa-desa laggai nene atukauan katubut Kaleb togat Jefune addeat ibailiu polak bakkatdra.

Jos. 9:17

Oto iapeite ai maagai kudduadra ta mareunannia ka Gilgal.

Jos. 9:22

Iageti sogairangan tai Gibeon nenda raei kai Josua. Kuanangan si Josua, “Angoi anupataju kam kai samba nukua kam bulat mareunan laggaimui, oto malegre le sene!

Jos. 9:4

Lepa teuakerangan ragalai masipataju si Josua rakau ka uddut kaliddeira: goni simaburu, samba kudduat anggur simakatai sigalai ka kulit. Samba sibailiu balut, patarekrangan sarat roti simagarak samba aitabbuilukingan.