Jos. 9:1 - BUKO SIPUNENAN

¹ Katuareman pagalaiat kamamanangdra tai Israel amaliongan katuaremannia pat sege ka sangamberi rimata ka isit kabelekat sulu bagat oinan Jordan – ka simaleleu, ka simatinambu samba ka gattuk sanganantat be'bet Koat Tenga kele reunan leleu Libanon ka isit ka bare'; iate sangamberi rimata Het, Amori, Kanaan, Feris, Hewi samba Jebus.

Jos. 9:1 Iomraidhean Croise

2Sam. 24:7

Iageti sege sia ka Tirus laggai simaron, samba ka sangamberi laggaira tai Hewi samba tai Kanaan, kalepakatnia sege sia ka Bersyeba, ka rubeiat ka kaiaman Jehuda.

2Mos. 23:23

MalaikatKu muboiki geti ka kam samba masiambit kam ka laggaira tai Amori, Het, Feris, Kanaan, Hewi samba Jebus, samba Kususubuake geti sia.

2Mos. 23:31

Sangamberi song laggaimui Kuteteuake geti barania ka Gukguk Akaba teret ka bagat oinan Efrat, samba barania ka Koat Katalaga teret ka simatangeu. Kuaake te geti gegemui katubutda silaggaiji laggai nenda, bailiu oinangan nukekle kam sia kateteret nubela kam masioppu laggai nenda.

2Mos. 3:17

Akuteuakean Kuambit sia bela sibara ka Misir, kudduatda paoreiat, samba masitaroake sia ka sara tobbou laggai simakayo samba simagabru, tobbou laggai Kanaan, bangsa Het, Amori, Feris, Hewi samba Jebus.

2Mos. 34:11

Reddet kam sangamberi surukat siakeKu katubumui gogoi nene. Kututuituiake te geti tai Amori, Kanaan, Het, Feris, Hewi samba tai Jebus ka matamui.

4Mos. 13:29

Tai Amalek ka mukuddu ka Polak Negeb, tai Het, tai Jebus samba tai Amori mukuddu ka paleleuleleu, tai Kanaan mukuddu ka sanganantat koat samba ka sanganantat bebet bagat oinan Jordan.”

4Mos. 34:6

Koat Tenga iate pasongan kupkumen laggaimui ka isit sikalelelu.

5Mos. 1:7

Oto kineneiget ragatnan kam sapoumui samba kenan kam ka laggai simatinambu ka Amori, samba ka sangaliot laggai simalegre sedda, iate ka peleu leleu Jordan, ka laggai simatinambu samba laggai simagaktuk simaepe, laggai Negeb samba be'bet Koat Tenga. Kenan kam nukuidduiji kam laggai Kanaan samba peleleu-leleu Libanon, pat aili ka Oinan Efrat sabeu.

5Mos. 3:25

Obaake le kutalipoki bagat oinan Jordan, ale Tuhan, addeat masiitco kupkumen laggai polaknia simagabru ka sila', kupkumen laggai ka simaleleu simalainge samba Paleleu-leleu Libanon.

5Mos. 4:49

samba sangamberi kupkumen laggai ka saigit kabelaiat sulu bagat oinan Jordan ka kaiaman pat aili ka Koat Simamatei ka reret leleu Pisga.

5Mos. 7:1

Iaambit te kam si Tuhan Taikamanuamui ka kupkumen laggai kudduijietmui, samba maigi bangsa tukekekle sedda, ka matamui leu keklenangan pitu bangsa bulat sabeu samba simaron bele peile ronmui, iate tai Het, Girgasi, Amori, Kanaan, Feris, Hewi samba Jebus.

Jos. 1:15

Sangamberimui bui' ta nuropmake kam sia teret rakudduiji polak ka isit kabelekat sulu bagat oinan Jordan nene akenen Tuhan Taikamanuamui ka tubutdra. Aiakean geti si Tuhan puaaman ka sangalio bangsa Israel, momoian nutoili kam minca ka laggaimui ka isit kabelaiat sulu bagat oinan Jordan nene, siaket Mose pagugulet Tuhan nenda ka tubumui.”

Jos. 1:4

Malionangan te geti kupkumen laggaimui barania ka simatangeu isit ka kaiaman sege ka simaleleu Libanon ka isit ka bare samba barania bagat oinan Efrat sabeu nenda isit kabelaiat sulu kupkupnangan tobbou laggai bangsa Het sege ka Laut Tengah ka isit kabelekat sulu.

Jos. 10:23

Bukarangan ngaliu nenda, iageti sia rimata Jerusalem, Hebron, Jarmut, Lakhis samba Eglon ambitrangan sia ka uja,

Jos. 11:17

Kupkumen laggai nenda lionia barania ka simaleleu Gundul ka isit ka kaiaman legret Edom, sege ka isit ka bare' sege ka Baal-Gad ka su'su Hermon.

Jos. 13:5

ia leu et minca kupkumen laggai bangsa Gebal, samba sangamberi kupkumen laggai Libanon ka ipot kabelaiat sulu, sibara ka Baal-Gad ka isit ka kaiaman leleu Hermon teret sege ka enungan sieei ka Hamat.

Jos. 15:12

sibailiu pasongan isit kabelekat sulu laggai kupkumen suku Jehuda. Ka bagat kupkumen laggai nenda kuddu sia sipulalalep sibara ka suku Jehuda.

Jos. 22:4

Oto siripot palelenganNia, si Tuhan Taikamanuamui aiakean puaragat katubutda sasarainamui, tai Israel sabagei. Oto, toiliake le kam kineneiget ka kupkumen ka isit kabelaiat sulu bagat oinan Jordan nenda siaket Mose ka tubumui siburu.

Jos. 22:7

Ka suku Manasye siiretalaga nenda aikau si Mose rubeiatda ka Basan; samba leu kasara suku iretalaga minca aikauan si Josua rubeiatda katalagat sasarainanda ka isit ka belekat sulu oinan Jordan. Samba lauet kateteret aiobaake sia si Josua raei ka sapoura kalepat aisukatnake sia,

Jos. 23:4

Polakdra tai bangsa sipulelegei, kisedda leu et polak sangamberi bangsa sikalaakenenku, iate polak simalio barania ka isit kabelaiat sulu bagat oinan Jordan pat aili kabelekat sulu sege ka Koat Tenga sangamberinia nenda akuparubeian ka tubumui ibailiunia bakkatmui.

Jos. 24:11

Lepa geti talipokimuian bagat oinan Jordan, samba sege ka Jerikho. Saggangirangan kam tai Jerikho, kisedda leu et sia tai Amori, Feris, Kanaan, Het, Girgasi, Hewi samba tai Jebus. Tapoi Aku masiake ka tubumui kamanangan ka sangamberidra.

Jos. 3:10

Kuangan minca si Josua: Barania kapagalaiat nene te' geti nuagaikamnia, Taikamanua sipuririmanua ai ka talagamui samba bulat sibulatnia Ialou geti tai Kanaan, tai Het, tai Hewi, tai Feris, tai Gergasi, tai Amori samba tai Jebus nenda sibara ka iponu:

Jos. 3:17

Tapoi tai imam sipasiakkatake peti pakerekat bagat Tuhan nenda mariuriu le rapurio ka polak simagarak, katalagat bagat oinan Jordan, oto sangamberi bangsa Israel mutalipo ka polak simagarak, pat lepa ratalipoki bagat oinan Jordan nenda.

Jos. 5:1

Sangamberi rimatadra tai Amori ka isit kabelekat sulu bagat oinan Jordan, samba sangamberi rimatadra tai Kanaan ka be'bet Koat Tenga masiarep aigarakngake bagat oinan Jordan si Tuhan ka burut aratalipoki bagat oinan nenda. Oto bailiu malotorangan samba mugeret tubu kalulut tai Israel.

Jos. 6:27

Si Tuhan masipaalei si Josua, samba onin Josua ibailiu maagai ka sangaliot tobbou laggai nenda.

Jos. 9:7

Tapoi kuarangan tai Israel, “Aponia lulunia kugalai kai palelengan pasamba kam? Kupaatu kudduatmui malegre le sene!”