Jos. 6:2 - BUKO SIPUNENAN

² Kuanagan si Tuhan ka tubut Josua, “Kineneiget Akuakean ka tubum laggai Jerikho pasamba rimatania samba sangamberi saladrunia simagege nenda.

Jos. 6:2 Iomraidhean Croise

2Sam. 5:19

Parerenangan si David katubut Tuhan, “Kusasaggangi pa tai Filistin nenda? Nuaake leu kamanangan katubukku?” Aleginangannia si Tuhan, “Kenan nusaggangi sia, aile Kuake kamanangan katubum.”

Neh. 9:24

Sapunuteteura masikudduiji laggai Kanaan, sipulaggai sedda nukalaake. PaamianNu nukau gege mugalai siobat bagania ka tubut bangsa-bangsa Kanaan samba tai rimatania.

Dan. 2:21

Nia le siteuake gogoi samba tetere, Nia le masibeleake samba masibujai sibara gege, pusikuat patuat Nia leu et masikakau, samba leu masipangunguruatnake puaagai kolou.

Dan. 2:44

Tapoi kateteret puparentaatda tai rimata nenda, Taikamanua ka manua masirioake geti sara purimataat simatom teret buruburu samba purimataatnia tamomoi raalania laggai bagei; purimataat nenda ipakatai le geti sangamberi purimataat samba isubuake, tapoi purimataat nenda mariuriu le geti teret buruburu.

Dan. 4:17

Nenda te siteuakenenmai samalaika samba nene leu iate tiboietda sirimanua sipunenan. Aitugalai nene bule sangamberi sirimanua raagainia, Sipulubeunan sibakkat teu ka purimataat sirimanua. Purimataat nenda kaunangannia ka sirimanua siobat bagaNia samba mandeat leu katubut sirimanua sitaiaddeakenen kaunangannia!”

Dan. 4:35

Sangamberi tai ka polak taanai paluluatnia. Malaika ka manua samba sipulaggai ka polak Taikamanua le sibakkatnia. Berisara sirimanua siooi masisaggangi siteuakekenNia, taanai simagege masiparereake apa galaiakenenNia.

Dan. 5:18

Oi tuanku Rimata, Taikamanua sipulubeunan, aikauan gege sibailiu rimata, puaabeu, pulatsanan samba pubebeunan katubut Nebukadenezar, ukkui Tuanku.

5Mos. 7:24

Iaake te sangamberi rimatadra ka tubumui. Mateiakemuian sia, bailiu kalipogidrangan oninda. Ta' anai simagege ka tubumui; sangamberidra mateiakemuian sia.

Jos. 12:9

Tai rimata aikalaake, sangamberinia telu pulu sara sia igitdra; iate sangamberi rimata sibara ka sangamberi laggai sipatutut nene: Jerikho, Ai (legret Betel),

Jos. 2:24

Lepa geti kuarangan, “Bulatnia iaake sangaliot tobbou laggai nenda ka tubutta si Tuhan; sangamberi sirimanua sikuddu sedda maloto sia ka tubutta.”

Jos. 2:9

samba kuanangan kamatadda, “Akuagaian aiakean si Tuhan laggai nene kakam. Sangamberi sirimanua sene maloto ka tubumui.

Jos. 20:1

Lepa geti koiniakenangan si Josua si Tuhan

Jos. 6:1

Ka laggai Jerikho sangamberi matat baliu gugurukat arajagongan samba arapatpatnakean simaron bule ta'ioi ratuguru' tai Israel. Ta'anai sia sara sirimanua momoi tuguru' ele bela ka laggai nenda.

Jos. 6:3

Ekeu samba saladrum bui ta mubaris masibokko laggai nenda sangaminca sangagogoi ujunia enem ngagogoi.

Jos. 8:1

Kuanangan si Tuhan kai Josua “Ruruake sangamberi saladrum, samba kenan kam simakere ka laggai Ai. Bui' numasedde samba numaloto! Kuaake te ka tubum kamanangan nusaggangi rimata laggai Ai. Sakalaggaijatnia, laggainia, samba tobbou laggainia te nuooppu.

Pas. 11:21

Tapoi si Tuhan, Taikamanuan Israel, masikau kamanangan ka paamian Israel arasaggangi tai Sihon samba sangamberi saladrunia. Kisedda arabakkati tai Israel sangamberi polakdra tai Amori sipulalaggai ka tobbou laggai nenda.

Pas. 11:24

Samba kineneiget taleu noba kam masiala minca? Polak siaket Kamos, sabulunganmui nenda, ka tubumui momoi ibailiunia bakkatmui. Tapoi apa siaket Tuhan, Taikamanumai ka tubumai ta kuobaake kai.