Jos. 4:3 - BUKO SIPUNENAN

³ Parentaakenangan sia bule raala bukku pulu rua ka talagat bagat oinan Jordan ipot ka puriokatdra sia tai imam. Sangamberidra masibairat bukku nenda pat aili ka kudduat pusapougatmui ka teteret imasoibo geti.”

Jos. 4:3 Iomraidhean Croise

1Mos. 28:22

Samba bukku sirioakenenku ibailiu geti kudduat panindogat kai Tuhan. Kasangamberi siakeNu katubukku mariuriu le kupanguruatnake seperpulu katubuM.”

PSALMEN 103:2

Umun si Tuhan, ale ketcaku, samba bui nukalipogi simaeru sigalaiNia!

PSALMEN 11:4

Ai si Tuhan ka umaNia sipunenan; kudduat purimataatNia ai ka manua; mataNia masikinere sirimanua Iagai sangamberi galai tubutda.

Luk. 19:40

Aleginangan nia Jesus, “Kukua nia ka matamui: Ke mumengmeng bai tainene, bukku nene mugegerei.”

Jos. 24:27

Kele ailepa nenda kuanangan si Josua ka tubutdra sangamberi sirimanua nenda, “Bukku nene ibailiu sipasimuneng ka sita. Sangamberi tiboiet sisegeakenen Tuhan ka tubutta, aitiboian ka bukku nene. Bailiu, bukku nene te sipasimuneng ka tubumui masiparepdem kam bule ta nulawan kam Taikamanuamui.”

Jos. 3:13

Ke reretda tai imam sipasiakkatake peti pakerekat bagat Tuhan, Sebaot, muari kabagat oinan Jordan, oto matakkinangan geti oinan ka bagat oinan Jordan; puarinangan leu ipuguruk oinan sibara ka tirik bailiunangannia pangengkre.”

Jos. 4:4

Iageti sogainangan sipulu rua sirimanua sipili nenda si Josua,

Jos. 4:8

Si pulu rua sirimanua nenda leu et galaiakerangan parentat Josua. Siripot sikuat Tuhan ka tubut Josua, ala'rangan pulu rua bukku sibara ka bagat oinan Jordan taddeania siripot taddet suku ka bangsa Israel lepa ambitrangannia ka kudduat pusapougatdra.

1Sam. 7:12

Kapplu nenda rioakenangan sara bukku si Samuel, ka pasongan Mizpa samba Sen. Oniakenangannia Eben-Haezer, Kuanangannia, “Teret sene iropmake sita si Tuhan.”