Jos. 4:12 - BUKO SIPUNENAN

¹² Siripot siparentaakenen Mose, sangamberi saladdu sibara ka suku Ruben, Gad samba iletalaga sibara ka suku Manasye, amuboikian sia masitalipoki bagat oinan.

Jos. 4:12 Iomraidhean Croise

2Mos. 13:18

Tapoi Taikamanua masipalulu sia masienungi enungan simabokko sienungi kudduat simatangeu siei ka Koat Tiberau. Kabagat tarek tubu pasaggak pusilarangan tai Israel baratda ka Misir.

4Mos. 1:24

Kateteret tiboi tubu suku Gad tugalai siripot muntogatda sibabara ka sukutda, oto suratrangan sangamberi oni da tatoga taimanteu sipurura rua puluh kapata, sangamberi sirimanua siooi pasaggak.

4Mos. 32:17

Iageti matarekmaian mei pasaggak sambamai sasarainamai. Kai masiuteake pasaggangan nenda samba masiabbit sia masiguruki kupkumen laggai sibailiu bakkatdra. Oto tatoga samba tainanalepmai momoi rakuddu sene, ka laggai sibara irip bukku, simaaman ka saggak sikuddu ka laggai nene.

5Mos. 3:18

Ka teteret nenda akukau parenta katubutda kele nene: Tuhan Taikamanuamui masiake ka kam kupkumen laggai saigit kabelaiat sulu bagat oinan Jordan bailiu pulaggaiatmui. Tapoi ka sia tai saladrumui bui'ta bara pamateira rapuboiki ka suku Israel bagei ratalipoki bagat oinan Jordan.

5Mos. 33:21

Alarangan polak simaeru bailiu bakkatda rubeiatdra saute tukau katubutda. Galaiakerangan sangamberi parenta samba surukat Tuhan ka teteret araparuru simakere sikebbukat laggai Israel.”

Jos. 1:14

Sangamberi tatoga samba tainanalepmui samba tarimeumui momoi rakuddu sene, tapoi sia tai saladdu bui ta matarek pasaggak samba muboiki ka tai Israel sabagei masitalipoki bagat oinan Jordan.

Jos. 4:11

Kele arasege sangamberidra ka sila' sia tai imam sipasibabairat Peti Pakerekat nenda muenung ka matadda.

Jos. 4:13

Sangamberidra epat pulu ribu sia sarat taimanteu sibara pamatei samba simatarek pasaggak ka matat Tuhan, putaliporangan masiailiake su'su ka legret Jerikho.