Jos. 3:5 - BUKO SIPUNENAN

⁵ Kuanangan ka paamian Israel si Josua, “Kau nupalina kam tubumui, kalulut mancep igagalaiake kiseiet si Tuhan ka talagamui.

Jos. 3:5 Iomraidhean Croise

Job 1:5

Senen ka lepat punen, si Job tusurunia senen simancep samba panguruatnakenangan buluakenen kele igitda tatogania bule iappeake sia si Tuhan. Kalulut ipaatu poi si Job, amajongan tatogania samba arapaloloian Taikamanua ta sipalit bagatda.

PSALMEN 77:15

Ekeu le Taikamanua sigalaiake pukekerek; Anupatoilaan gegem katalagat sangamberi bangsa.

PSALMEN 86:10

Abeu poi Ekeu samba nugalaiake kiseiet; sarat Ekeu le Taikamanua.

Jol. 2:16

Ruruake sangamberi siberikabaga, paipo' parurukat paamian. Koiniake' raoi sikebbukat, tatoga samba taigoiso'. Samba leu sipulalalep sibau bui tamoi sia. Koiniake' sia rakadiuake bili'ra.

3Mos. 10:3

Lepa kuanangan si Mose kai Aron, “Nene te sikuat Tuhan: Katubut sirimanua simalegere katubukKu Kupatoila le pusisipunenanKu, samba kamatatda sangamberi bangsa nenda Kupatoila le geti pulatsananKu.” Tapoi si Aron itangeu le tubunia.

3Mos. 20:7

Oto buita masipunenan kam, samba pusipunenan kam, kalulut Aku le Tuhan Taikamanuamui.

4Mos. 11:8

Bangsa nenda mubalau le' sia ka senen kudduat rapasiabbut, lepa gulutrangannia pasamba bukku pasigulut ele ratuddunia kabagat pasigulunan. Seurangannia kabagat pariok samba galairangannia bailiu roti simamuine; nanamnia kele kan sigoreng.

Joh. 17:19

Samba kupuneni tubuku katupunenanda, rapusipusinenan sibulatnia.

Jos. 3:13

Ke reretda tai imam sipasiakkatake peti pakerekat bagat Tuhan, Sebaot, muari kabagat oinan Jordan, oto matakkinangan geti oinan ka bagat oinan Jordan; puarinangan leu ipuguruk oinan sibara ka tirik bailiunangannia pangengkre.”

Jos. 3:15

Kele arasege sipasiakkatake peti nenda kabagat oinan Jordan, samba soneakerangan reretda tai imam sipasiakkatake peti nenda ka oinan ka tikrat oinan nenda – bagat oinan Jordan masutnangan pat pubuggranangan ka sanganantat bebet tikra kaburut gogoi pasimoneiat –

Jos. 3:4

tapoi bui makope leggremui ka peti nenda; tut kam ka teiteinia reunannia sangakoli meter, bule nuagai kam enungan ailiakenenmui, kalulut ta'pei nuagai enungan ka laggai nene.”

Jos. 3:6

Lepa geti masiparentaake tai imam si Josua bule raakkatnake Peti Pakerekat Baga lepa tuitui sia rapuboiki ka paamian Israel. Galaiakerangan leu kele siparentaakenen Josua.

Jos. 7:13

Kineneiget suruake ekeu, Josua! Palina paamian Israel samba koiniake sia ramatarek raoi manindou ka tubukKu. Parentaakenungan sia bule ramatarek mansep, kalulut Aku Tuhan Taikamanua Israel ai kuanenKu: “Ale kam tai Israel! Sangamberi bibilet siparentaakenenKu pakataiketmui, sangarubeiat ai ka tubumui. Ke ta'pei nuribbaiake kam bibilet nenda, ta'momoi nugalai kam tubumui nusaggangi kam tai saggak!”

1Sam. 16:5

Aleginangan si Samuel, “Oo, bulatnia. Akuoi nene iate masipanguruatnake buluakenen katubut Tuhan. Iageti puneni kam tubumui bule ioi nuoi kam ka punen pasibuluat nenda.” Si Isai samba tatognia leu et ikoiniake sia masipuneni tubutdra sene-senendra, samba sogainangan sia ka punen nenda.