Jos. 3:1 - BUKO SIPUNENAN

¹ Ka mansepnia, mamansep peile suru si Josua samba sangamberi paamian Israel, lepa kaddiuakerangan pusapougatdra ka Sitim, samba ei sia ka bagat oinan Jordan. Pusapourangan sedda pangenaan teterenia raputalipo.

Jos. 3:1 Iomraidhean Croise

1Mos. 21:14

Mansep simansep, kaunangan si Abraham kai Hagar kan samba lo panarengannia ka enungan. Galakngakenangan toga nenda kateitei Hagar, samba koiniakenangan sinanalep nenda ituitui. Lepa tuitui si Hagar samba mujaujau ka simatangeu Bersyeba.

1Mos. 22:3

Kele aimapato simanseman, pokpoknangan loina si Abraham addeat buluakenan silabo samba apraakenangan loina nenda ka uddut kalideinia. Tuituinia pasamba si ishak samba rua sapaguguletnia nenda kakudduat sikuat Taikamanau katubunia.

PSALMEN 119:60

Kuolaake le samba ta kupabuburu masiukkaake sangamberi surukatNu.

Jer. 25:3

Barania ka rura sikapulutelu puparentaat Josia togat Amon, rimata Jehuda, teret gogoi nene, oto ruapulu telungarurangan ujunia, aioi tiboiet Tuhan katubukku samba mariuriu le' kutiboakenia katubum, tapoi ta'nuoba masiarepinia.

Jer. 26:5

samba ta'nuoba' masiarepi tiboietda sapaguguletKu, tai nabi simariuriu Kukoiniake katubum – tapoi ta'nuoba'kam masiarepi –

Jer. 7:13

Oto kineiget, kalulut kam leu anugalaiankam sangamberinia galaitubu nenda, kisene te' ngangan Tuhan, samba kalulut ta'nuoba kam masiarepi, kenenen bai manibo Aku simariuriu katubumui, samba ta'nuobakam masialegi, kenanen bai mugerei Aku katubumui,

Mik. 6:5

SapaamianKu, repdep kam siisiakenen Balak rimatadra tai Moab ka tubumui, samba apania aialegi si Bileam, togat Beor ka tubunia. Repdepkam aponia sipuaaili kapuenunganan kapaoggangan pusapougat ka Sitim samba ka Gilgat. Ke nurepdep bai kam sangamberinia nenda, agaimuan sigalaiku masipaarau kam.

4Mos. 25:1

Ai bangsa Israel mukuddu ka Su'sut Sitim, sangamberi sirimanua taimanteu taddaakerangan masigalai paelenan pasamba sangamberi tainanalep Moab sibara sedda.

Mrk. 1:35

Simancep, magepgep pei le, suru Jesus bela nia kal lalep, ei nia ka kudduat simatangeu manindou.

Jos. 2:1

Iageti sibara ka pusapougat ka Sitim, koiniakenangan rua sia si Josua masitaiko laggai Kanaan. Ruadda nenda iparentaake bule ralelekngake laggai Kanaan samba laggai Jerikho. Iageti eirangan leu et ka laggai nenda, samba pugogoirangan ka sara sinanalep simaolop tubu, sipuoni Rahab.

Jos. 6:12

Kele aimapato, masggeipeile suru si Josua, lepa akkatakerangan tai imam peti pakerekat bagat Tuhan.

Jos. 6:15

Ka gogoi sikapitunia mamancep peile iapei itatadda ibela sulu tusururangan, samba masibokko laggai Jerikho pitu ngaminca.

Jos. 7:16

Mancepnia le, bulat simancep, koiniakenangan paamian Israel si Josua raei ka mata, senen suku, iageti aiorak iate suku Jehuda.

Jos. 8:10

Mamancep peile tusurunangan si Josua samba masiparentaake saladrunia bule raparuru'. Iageti si Josua samba sia saute' paamian Israel masiabbit saladru ka Ai.

Pas. 20:19

Mancep simanceman tuitui sia samba pusapourangan ka bebet laggai Gibea.

1Sam. 17:20

Ka gogoinia imapato, simanseman suru si David. Lepa patareknangan tubunia. Kaddiuakenangan biribirinia samba segeakenangannia katubut sara sipasijago bule ijagonia, lepa geti alanangan abbinennia lepa tuituinia, siripot parentat ukkuinia. Segenia ka pusapougat kateteret tai Israel bela mei ka pasaggak sialei masigereiake gerei pasaggangan.