Biblia Todo Logo
Bìoball air-loidhne

- Sanasan -




Jos. 2:9 - BUKO SIPUNENAN

9 samba kuanangan kamatadda, “Akuagaian aiakean si Tuhan laggai nene kakam. Sangamberi sirimanua sene maloto ka tubumui.

Faic an caibideil Dèan lethbhreac




Jos. 2:9
39 Iomraidhean Croise  

Kateteret aituitui si Jakob samba mungkuat keluargania, puloloto ka Taikamanua ilakup sipulalaggai ka bebet laggai, pat taikukrurangan si Jakob samba mungkuatnia.


Oto beringan sirimanua simakope gege kele singa leu malotorangan. Kalulut araagaian sangamberitda tai Israel, ukkuinu iate sara simagege samba sipasitututnia iate sirimanua simagege.


Lepa toilinia sambatda saladdunia katubut Elisa. Kuanangan si Naaman kai Elisa, “Kineneiget akuagaian, ka sangaliot polak sara le Taikamanua, iate Taikamanua panindogietda tai Israel. Oto bule nusilo siakeku nene!”


Kalulut aigalai si Tuhan raarep tai Siria kele sara pasaggangan sara saladdu sabeu sipukukuro samba sipukekereta. Rakua poi tai Siria, tai Israel masibulagani rimata Het samba tai Misir samba leu saladdunia rasaggangi sia.


Ka teteret saggakmai masiarep pagalaiat nenda, maloto ele mailarangan, aipoi sangamberi sirimanua raagai galajet sigalaimai nenda sialei paroman Taikamanua le.


Ia leu et ka senen laggai samba provinsi, ka senen kudduat tubasaake surat parentat rimata, sangamberi tai Jehudi mugora baga, muangka baga samba mupunen. Beringan sibara ka sipulalaggai sedda maigi sibailiu sikauman bangsa Jehudi, kalulut loto'ra ka bangsa nenda.


Tapoi kuagai: Aimuririmanua Sipanebuiku, samba kalepakatnia tusurunangan ka uddut abu.


Itcorangannia sirimanua sikatai, lepa mabesinangan patuatda, tangatakenangan sotnia, lepa mutete patuat; obaket bagat sirimanua sikatai siailiake ka katusubuat.


Manua nenda manuan Tuhan, polak ikau ka tatogat sirimanua.


Kineneiget akuagaian, si Tuhan peile sabeu ka sangamberi taikamanua bagei, kalulut aigalaiake sangamberi nenda, kateteret tai Misir ragalai siobat bagadda katubutda tai Israel.”


Sangamberi laggai ailiakenenmui Kugalai le geti ramaloto katubukKu, bailiuakekungan rapusabu, sangamberi saggakmui masisoksok sipababalau.


Kenanen sirimanua sijo samba sigalaiake sikatai sangotungaminca murimanua simaburu, tapoi kiuagai, sirimanua sikalotoake Taikamanua rasilo le geti puuktungan, kalulut maloto sia ka purimataatNia.


Nene te tiboiet Tuhan pagalaiat Misir. Itco, mei le si Tuhan simaola kabagat tanai rusa samba meiNia ka Misir, oto sangamberi bulunganda tai Misir mugeret tubu ka mataNia, samba maneleinangan bagatda tai Misir.


Kateteret aimaarep pat aili ka Misir, malotorangan geti kele kateteret araarep katuagaiat pagalaiat Tirus.


Aku le' aibaraakei polak, sirimanua samba tarimeu sibabara ka uddut polak pasamba ronKu sabeu samba parakku sipurerepa, samba Kukau le' ka sirimanua simaroipo kamataKu.


Amakataian te Niniwe, matangeuan samba amagarakngan! Aipulouan sipulaggai sedda kalulut loto. Boklodra ibailiu masaggo samba mugeret. Pumataatdra bailiu mamusi.


Iageti kaunangan pakoiniet si Mose sibara ka Kadesh katubut rimata Edom masisesegeake patonekat: “Kise te sikuat sarainam Israel: Anuagaian sangamberi pangoringan siorak kai,


“Si Aron tururuake le nia geti ka taikebbukatnia, kalulut ta tugugunia ka laggai kaunenKu katubutda tai Israel, kalulut ruamui ta mareddet kam ka parentaKu kabebet bubuakat oinan Meriba.


Ta pa momoi kugalai siobaku ka bakkatku? Ele maoro matam kalulut anggaiku?’


Ka sangalionia kupkumen laggai nenda ibabaraake te Tuhan Taikamanuamui loto'ra ka tubumui kele sipalelekNia, bailiu ta anai beri sia sara sisaila kam.


Barania kineneiget kubailiake kam kalotoakenendra senen bangsa. Senen sirimanua mugeret tubu kalulut loto ke' raarep pagalaiat kam.’ ”


Iageti itcorangan kam sangamberi bangsa ka polak, kam nene iate sipilit Tuhan, bailiu mailarangan ka tubumui.


Ka teteret airubeiake polak Sipulubeunan, senen bangsa tuteuake laggai kupkumennia ka bagat sara bulungan sibailiu ute.


Kalulut tonem baga, si Rahab, sinanalep sijo, ta amasubu nia pasamba sia simakela paatuat, aisilo poi tai Israel sipananaiko ka bagat aban.


Kele akuarep kai pumumuan nenda, malotomaian simakope. Sangamberi sirimanua tata' gegedra kalulut kam. Tuhan Taikamanuamui bulat Taikamanua Sipulubeunan ka manua samba ka polak.


Lepa geti kuarangan, “Bulatnia iaake sangaliot tobbou laggai nenda ka tubutta si Tuhan; sangamberi sirimanua sikuddu sedda maloto sia ka tubutta.”


Soibo nenda kepei merep sia sipananaiko nenda, ei si Rahab ka lappra,


Sangamberi rimatadra tai Amori ka isit kabelekat sulu bagat oinan Jordan, samba sangamberi rimatadra tai Kanaan ka be'bet Koat Tenga masiarep aigarakngake bagat oinan Jordan si Tuhan ka burut aratalipoki bagat oinan nenda. Oto bailiu malotorangan samba mugeret tubu kalulut tai Israel.


Kuanagan si Tuhan ka tubut Josua, “Kineneiget Akuakean ka tubum laggai Jerikho pasamba rimatania samba sangamberi saladrunia simagege nenda.


samba pagalaiat apa sigalaiakenenNia ka tubut rua rimata Amori ka isit kabelaiat sulu Jordan, iate Sihon rimata Hesybon samba leu Og rimata Basan sikuddu ka Asytarot.


Alegirangania, “Akugalaiake kai kele nene kalulut akuarep poi kai Tuhan Taikamanua panindogietmui nenda aikoiniakean si Mose paguguletNia nenda, iake ka tubutmui sangaliot tobbo laggai nene samba masipamatei sangamberi sipulalaggai ka teteret nuala kam polak nene. Bulat makope lotomai ke numateiake kam kai, nenda te lulunia akugalaiake kai kele kisene.


Alegirangannia, “Amoi kai baramai ka laggai simakope reunan, Tuan, kalulut akuarep kai pagalaiat Tuhan Taikamanua panindogietmui. Akuarep kai pagalaiat sangamberi sigalaiakenenNia ka Misir,


Aleginangan aleinia, “Bulatnia, nene ta' anai bagei bulat lanjau Gideon togat Joas, tai Israel nenda! Katukolobatnia aikauan ka tubunia kamanangan ka sia tai Midian samba sangaliot pusapougat nene ka kabeinia.”


Lean sinn:

Sanasan


Sanasan