Jos. 17:4 - BUKO SIPUNENAN

⁴ Ei sia kai imam Eliezer, Josua togat Nun samba leu sia saute, samba kuarangan: “Aikuangan si Tuhan kai Mose bui ta bara polakmai simakere kele ka sasarainamai taimanteu.” Kalulut nenda siripot parentat Tuhan, tatogat Zelafehad tainanalep nenda tukau polak simakere kele ka sasarainanda taimanteu.

Jos. 17:4 Iomraidhean Croise

4Mos. 27:1

Si Zelafehad ai lima tatogania tainanalep, iate Mahla, Noa, Hogla, Milka samba Tirza. Ukkui Zelafehad iate si Hefer, ukkui Hefer iate si Gilead. Ukkui Gilead iate si Makhir, ukkui Makhir iate si Manasye, samba ukkui Manasye iate si Josep.

4Mos. 27:4

Tapoi angoi aitata oninia ka bangsa Israel, kalulut ta anai togania simanteu? Ake le kam ikepmakenenmai polak bakkatdra ka talagat sasarinan ukkuimai.”

4Mos. 36:10

Oto siripot parentat Tuhan kai Mose, ka lima tainanalep tatogat Zelafehad nenda,

Gal. 3:28

Ka bagat nene taan anai pabaggeiatnia Jahudi ele Grika, pagugulet ele sipuuja, simanteu ele sinanalep; sarangan le poi kam sangamberimui ka bagat Kristus Jesus.

Jos. 14:1

Nene iate pagalaiat kipa araparubei tobbou laggai Kanaan katubutda paamian Israel ka isit kabelekat sulu bagat oinan Jordan. Amasiparubei polak nenda katubutda paamian Israel iate imam Eleazar, Josua togat Nun, samba ukkui ka sipulalalep ka bagat sangamberi suku bangsa Israel.

Jos. 17:5

Kisedda te' aitukau pulungamata polak ka suku Manasye, ai leuet polak Gilead samba Basan ka silat bagat oinan Jordan,

Jos. 21:1

Ka sara gogoi sia saute ka muntogat suku Lewi ei sia ka Silo ka tobbou laggai Kanaan, masipatiboake imam Eleazar, Josua togat Nun, samba sia saute senen muntogat ka sangamberi suku bangsa Israel.