Jos. 16:10 - BUKO SIPUNENAN

¹⁰ Tapoi suku Efraim ta aratuituiake tai Kanaan ka kupkumen laggai Gezer iate lulunia pat aili kineneiget tai Kanaan ai peile sia mulaggai ka Gezer simakere pasamba tai Efraim, tapoi rakau le sia mugalai sibailiu paguguletdra tai Efraim.

Jos. 16:10 Iomraidhean Croise

1Rim. 9:15

Rimata Salomo masipakei enungan pugagalai siubbuakenen masigalai Uman Tuhan, kudduat purimataat rimata, irip Jerusalem samba addeat masitabbui polak ka isit ka kaiaman Uman Tuhan. Kisedda leu aigalaiake minca laggai Hazor, Megido samba Gezer.

1Rim. 9:16

Laggai Gezer iate laggai sisagganginda siboiki samba sikalaakenennia rimata Misir, lepa sikudduiji laggai nenda tumateiake samba laggaira tulabo. Lepa geti laggai nenda kaunangannia rimata Misir katubut Salomo.

1Rim. 9:21

Sangamberi sirimanua sikuddu sedda iate sapunuteteu tai Kanaan sitaioi ramateiake tai Israel, siate aibailiuake si Salomo sipugagalai siubbuakenen. Pat aili ineneiget sapunuteteura aipeile ibabailiu sia pagugulet.

2Taw. 8:8

iate muntogat sipukukuddu peile ka laggai nenda sitaimamateiakenenda tai Israel, sia te aikau si Salomo sibailiu sipugagalai simasane, kiseddda te sia teret kineneiget.

Jos. 10:33

Horam, rimata Gezer oi nia masiropmake tai Lakhis, tapoi si Josua masikalaakenia samba saladrunia; ta'anai sara sipulelegei, sangamberidra matei.

Jos. 15:63

Laggai Jerusalem bakkadda leu et tai Jehuda, tapoi tai Jehuda ta amoi aratuituiake tai Jebus sikuddu sedda. Teret kineneiget tai Jebus ai peile sia mukuddu simakere ka laggai nenda.

Jos. 16:9

ai piga laggai-laggai sigoiso sikuddu ka bagat laggai kupkumen Manasye.

Jos. 17:12

Tapoi suku Manasye, ta amoi aratuituiake sikudduiji laggai nenda; nenda te lulunia tai Kanaan aipei le sia mulalaggai sedda.

Jos. 17:13

Sarapei ka gogoi sibabara aramaron simakope tai Israel, ta aratuituiake sangamberi tai Kanaan, sarat arakau le sia mugalai ka tubudda.

Pas. 1:29

Ka laggai Gezer, suku Efraim ta' arakekle tai Kanaan, sikudduiji laggai nenda. Oto tai Kanaan ai peile sia mulalaggai sedda simakere sambatda suku Efraim.