Jos. 12:1 - BUKO SIPUNENAN

¹ Kupkumen laggai ka isit kabelaat sulu Jordan, barania su'su bagat oinan Arnon teret sakai ka su'sut Jordan sege ka leleu Hermon ka isit ka bare', araoppungan samba arakudduijingan tai Israel. Ai rua sia rimata arakalaake.

Jos. 12:1 Iomraidhean Croise

1Rim. 4:19

Geber togat Uri ka laggai Gilead masikupkuake laggai Sihon, rimatatda tai Amori, samba laggai Og, rimatatda tai Basan; samba sarania utet laggai ka polak nenda.

PSALMEN 133:3

Kele lolot leleu Hermon situgogorosot ka sangamberi leleu Sion. Aipoi sedda te' iparentaake si Tuhan panukanan, purimanuaiat teret buruburu.

PSALMEN 136:21

samba masikau polakda bailiunia bakkat ikemen; bulatnia teret buruburu le katet bagaNia.

PSALMEN 89:12

BakkatNu le manua, bakkatNu leuet polak, polak samba kabagania Ekeu le aibonganakenia.

Jes. 16:2

Kele uma' ituitui ituburut, samba situusi kabagat rumunnia, kisedda tatoga tainanalep ka Moab ka sangamberi kudduat putalipokat bagat oinan Arnon.

4Mos. 21:13

Baradda sedda tuitui sia minca samba musapou ka silat bagat oinan Arnon, ka simatangeu simalio ka kupkumenda tai Amori. Bagat oinan Arnon nenda sibailiu song ka kupkumen laggaira tai Moab pasamba kupkumen laggaira tai Amori.

4Mos. 21:21

Iageti kauarangan tai Israel punutubu ka tubut Sihon, rimata Amori, addeat masisegeake patonekat nene,

4Mos. 21:24

Tapoi ka pasaggangan nenda maigi saladdu Amori aramateiake sia tai Israel. Lepa kudduijirangan tai Israel kupkumen laggaira barania ka bagat oinan Arnon teret bagat oinan Jabok, iate pasonganda kupkumen laggaira tai Amon, kalulut pasongan nenda pasiddonannia bulat maron.

4Mos. 32:19

Ta' koba kai masisilo beri goiso polakdra ka silat bagat oinan Jordan, kalulut akusiloan kai rubeiatmai sene, ka isit ka belayat sulu bagat oinan Jordan.”

4Mos. 32:32

Ka bagat paneineiat Tuhan talipokimaian kupkumen laggai Kanaan samba ei kai pasaggak, tapoi polak ka isit kabelaiat sulu bagat oinan Jordan buita ibailiunia bakkatmai.”

4Mos. 32:33

Iageti kaunangan si Mose ka sangamberi suku Gad samba suku Ruben samba ka sitenga suku Manasye sangalio kupkumen Sihon, rimatatdra tai Amori, samba kupkumen Og, rimatadra tai Basan, kisedda leu sangamberi laggai samba polak ka be'benia.

5Mos. 2:24

“Lepa ataenungi laggai Moab, Kunangan si Tuhan katubutta, ‘Kenan kam masitalipoki bagat oinan Arnon. Ai leu kuake sia kakabeimui tai Sihon, rimatadra tai Amori, siuteake Hesibon, sambat laggainia. Saggangi kam sia, lepa kudduijimuian laggaira.

5Mos. 2:32

Iagei oi si Sihon samba sangamberi saladdunia masisaggangi sita ka be'bet laggai Jahas.

5Mos. 3:1

“Lepa tuitui sita ka saigit bare ka laggai Basan. Ka sia si Og, rimata Basan oi nia sambatda sangamberi saladdunia masisaggangi sita ka be'bet laggai Edrei.

5Mos. 4:44

Lepa kaunangan si Mose surukat samba siteukenen Taikamanua katubutda tai Israel.

5Mos. 4:46

samba ai sia ka peleu ka saigit kabelajat sulu bagat oinan Jordan, sipamamatai ka laggai Bet-Peor ka laggai Sihon. Kupkumen laggai nenda legei laggai Sihon, rimatadda tai Amori, sipuute siburu ka laggai Hesybon. Si Mose samba bangsa Israel masikalaake sia ka teteret arabela ka laggai Misir.

5Mos. 4:48

Polak nenda ai murikdingan barania ka laggai Aroër ka be'bet bagat oinan Arnon, riuriu ka bare' pat aili ka leleu Siryon, iate leleu Hermon,

Jos. 1:15

Sangamberimui bui' ta nuropmake kam sia teret rakudduiji polak ka isit kabelekat sulu bagat oinan Jordan nene akenen Tuhan Taikamanuamui ka tubutdra. Aiakean geti si Tuhan puaaman ka sangalio bangsa Israel, momoian nutoili kam minca ka laggaimui ka isit kabelaiat sulu bagat oinan Jordan nene, siaket Mose pagugulet Tuhan nenda ka tubumui.”

Jos. 11:17

Kupkumen laggai nenda lionia barania ka simaleleu Gundul ka isit ka kaiaman legret Edom, sege ka isit ka bare' sege ka Baal-Gad ka su'su Hermon.

Jos. 11:3

Nia leu et masikoiniake sia ka tubudda tai Kanaan ka isit kabelekat sulu samba ka isit kabelaiat sulu Jordan, katubudda tai Amori, Het, Feris samba tai Jebus ka kupkumen laggai simaleleu, samba leu tai Hewi ka gilak leleu Hermon ka kupkumen laggai Mizpa.

Jos. 13:8

Suku Ruben samba Gad samba leu iletalaga suku Manasye arasiloan rubeiat polak sibara kai Mose, pagugulet Tuhan nenda; iate polak ka isit kabelaiat sulu bagat oinan Jordan.

Jos. 22:4

Oto siripot palelenganNia, si Tuhan Taikamanuamui aiakean puaragat katubutda sasarainamui, tai Israel sabagei. Oto, toiliake le kam kineneiget ka kupkumen ka isit kabelaiat sulu bagat oinan Jordan nenda siaket Mose ka tubumui siburu.

Pas. 11:18

Lepa geti riuriuakerangan pusilaijatdra masienungi polak simangai, tapoi ta araenungi tobbou laggaira tai Edom samba tai Moab, tapoi arabokko le pat sege ka isit kabelaiat sulu Moab, ka silat bagat oinan Arnon. Pusapourangan sedda, tapoi ta aratalipoki bagat oinan nenda, kalulut tobbou laggai nenda ai ka kupkumen Moab.