Jos. 1:9 - BUKO SIPUNENAN

⁹ Repdem, Akuakean parenta ka tubum bule numatonem baga samba numagege! Bui numaloto ele numasaggo, kalulut Aku Tuhan Taikamanuam masipaalei ekeu ka senen eijanannu.”

Jos. 1:9 Iomraidhean Croise

1Mos. 28:15

Repdem, Kuropmake samba kusakkeri le geti ekeu, senen kaipa nuei, samba Kuambit geti ekeu toili ka kupkumen laggai nene. Ta' Kukakaddiuake geti teret Kugalai sangamberi sipalelekKu katubum.”

1Mos. 39:2

Si Tuhan masiropmake si Josep pat eddet igalaiake sangamberi galajetnia. Kudduatnia ka lalep tuannia, tai Misiri nenda.

1Mos. 39:3

Si tuannia masiitco, si Tuhan masirop si Josep samba lulut nenda tueddet simakolou igalaiake sangamberi galajetnia si Josep.

2Sam. 13:28

Lepa parentaakenangan sapaguguletnia si Absalom, “Lelekake kam simakolou, ke aipuinengan si Amnon ilo anggur, aile kukua kamatamui, “Mateiake kamnia. Bui numaloto kam. Aku le amasikoiniake kam. Oto ronake kam patuatmui samba patoila kam tubumui sibailiu sirimanua simagege!”

1Taw. 28:20

Lepa geti kuanangan Rimata David minca kai Salomo togania, “Buita matonem bagam samba magege ekeu. Tadda te galajet nenda samba bui' makarat bagam katubut apapa leu et. Tuhan Taikamanua panindogietku masirop ekeu geti. Ta' ikakaddiuake ekeu geti. Nia masipaalei ekeu geti teret kapplu sangamberi galajet nenda.

2Taw. 15:7

Tapoi kau imaom bagamui samba numagege kam. Mariuriu le geti galaiakenenmui

PSALMEN 46:7

Sangamberi bangsa mulamau, sangamberi purimataat ipaukjak, Ipaarep le ngangaNia, samba polak leu mugeret.

Jes. 41:10

bui' numaloto, kalulut Aku masipaalei ekeu, bui'numakarat baga, aipoi Aku nene Taikamanuam; Aku le geti masiroronake samba leu masiroromake ekeu; Aku le geti masiukkaake ekeu pasamba kabeiKu sikattoet sibaraake kamanangan.

Jes. 43:1

Tapoi kineneiget, kise te tiboiet Tuhan sibaraake ekeu, ale Jakob, sigalai ekeu, ale Israel “Bui' numaloto, kalulut Akutebuian ekeu, Akusogaian ekeu iate onim, ekeu nene bakkatKu.

Jes. 43:5

Bui' numaloto, kalulut Kupaalei le ekeu, Kuake le geti sateteunu sibara ka kabelaiat sulu, samba Kururuake geti ekeu sibara ka kabelekat sulu.

Jes. 8:12

“Bui nuoniakenia pukerekat baga senengamata kuanen paamian nene pukerekat baga, samba aponia kalotoakenenda bui nukalotoakenia samba bui ipugeret tubumui nuitco kamnia.

Dan. 10:19

Kuanangan malaika, “Ale ekeu kilibet bagat Taikamanua, bui numaloto, kau matarek bagam samba ronnake le ekeu!” Ainia maninibo katubukku, againangan tubuku ron tubu minca, samba kuakungan: “Panibongan, Tuanku, aipoi anuakean ron tubuku.”

Hag. 2:4

Kenanen kisedda, bui imakarat bagamui, ale kam sangamberimui! Riuriuake kam mugalai, ai leu kuropmake kam simariuriu.

Hag. 2:5

Kateteret anubela kam ka Misir, Akumunengakean palelenganKu masipaalei kam simariuriu. Kineneiget leu ai pei le Kupaalei kam. Oto, bui imakarat bagamui.

Pugap. 4:19

Kuana le si Petrus samba si Johannes masialegi sia, “Kam le ipaatu nia, ele mateu pa ka matat Taikamanua, kureddet kai kam bele pei Taikamanua?

5Mos. 1:21

Itco kam, ka matamui aitunganang polak nenda. Kenan kam nukudduiji kamnia kele siparentaakenen Tuhan, Taikamanuanda taikebbukatmui. Bui' numaloto kam samba bui imakaratbagamui.

5Mos. 20:1

“Ke mei kam pasaggak masisaggangi saggakmui, bui' ibara lotomui nuitco kam kereta pasaggak samba kuro'ra simigi sambat saladdutdra sisaliu igimui. Kalulut Tuhan Taikamanuamui sibelaake kam ka Misir, Nia leu te iropmake kam.

5Mos. 31:23

Iageti panibonangan si Tuhan kai Josua, togat Nun, kuananganNia, “Kau imaron patuatnu samba numagege, Josua! Ekeu te geti masiuteake bangsa Israel masiguruki laggai sipalelekngakenenKu katubutda, samba Aku te masipaalei ekeu.”

5Mos. 31:28

Kineneiget koiniake sangamberi sikebbukat laggai samba siuteake saladdu raparuru ka mataku, bule kusegeake pagalaiat nene katubutda. Kusogai manua samba polak sibailiu sipasimuneng katubutda.

Jos. 1:10

Iageti parentaakenangan sangamberi siuteake paamian Israel si Josua

Jos. 1:17

Mareddet le kai ka tubum, kele riuriu reddetmai ka tubut Mose. Bule si Tuhan Taikamanuam masipaalei ekeu kele ipaalei si Mose!

Jos. 1:18

Senen sirimanua sitaioba masitut parenta samba tiboietnu, tuukumake le nia ukum simateiakenen. Kau le matonem bagam samba numagege!”

Jos. 10:25

Kele ai lepa nenda, kuanangan si Josua katubutda sia tai utet saladdunia, “Bui numasedde samba bui numaloto kam. Kau le matonem bagamui samba numagege kam, kalulut kele kise te igagalaiake si Tuhan ka sangamberi saggakmui.”

Jos. 10:8

Kuanangan si Tuhan ka tubut Josua, “Bui numaloto kam ka tubudda. Akuakean ka tubum kamanangan, oto kalulut nenda ta'anai beri sia sara momoi masisaggangi kam.”

Jos. 3:7

Kuanangan ka tubut Josua si Tuhan, “Barania gogoi nene Kubailiuake ekeu siabeu tiboi tubu bailiunangan sangamberi paamian Israel masisuru ekeu samba bule raagai Aku masipaalei ekeu kele Kupaalei si Mose.

Jos. 6:27

Si Tuhan masipaalei si Josua, samba onin Josua ibailiu maagai ka sangaliot tobbou laggai nenda.

Jos. 8:1

Kuanangan si Tuhan kai Josua “Ruruake sangamberi saladrum, samba kenan kam simakere ka laggai Ai. Bui' numasedde samba numaloto! Kuaake te ka tubum kamanangan nusaggangi rimata laggai Ai. Sakalaggaijatnia, laggainia, samba tobbou laggainia te nuooppu.

Pas. 6:14

Lepa geti kaunangan si Tuhan parenta nene kai Gideon, “Ka bagat sangamberi ron tubum kenan le nubelaake tai Israel ka paoreijatda tai Midian. Aku te masikoiniake ekeu.”

1Sam. 10:7

Ke sangamberinia nenda muaili, galaiake le apa le sibabagai bagam simaeru, kalulut Taikamanua masipaalei ekeu.