Jos. 1:6 - BUKO SIPUNENAN

⁶ Kau le matonem bagam samba numagege, kalulut ekeu te masiuute'ake bangsa nene teteret rakudduiji tobbou laggai sipinalelekKu ka taikebukatdra.

Jos. 1:6 Iomraidhean Croise

1Mos. 12:7

Patoilanangan tubunia si Tuhan kai Abram samba kuanangan katubunia, “Nene te laggai akenenKu geti kasapunuteteunu.” Lepa rio'akenangan si Abram sara kudduat pasibuluat sedda addeat Tuhan sipasitotoilaake tubu ka tubunia.

1Mos. 26:3

Kusakkeri samba Kusukanake le ekeu geti. Sangamberi kupkumen laggai nene Kuaake te geti katubum samba katubut sapunuteteunu. Kusunnake le geti palelengan siakeKu kai Abraham ukkuinu.

2Sam. 10:12

Ronnake patuatnu, kau tamagege pasaggak addeat laggai samba laggai Taikamanuanta. Bule si Tuhan masigalaiake apa siteuakenenNia.”

1Rim. 2:2

“Iaailingan le teterenia ilango aku, oto kau imatonem bagam samba kau numagege.

1Taw. 22:13

Ke nureddet sangamberi surukat sikau Tuhan kai Mose addeat bangsa Israel, mauktuknungan geti. Buita matonem baga samba magege ekeu. Bui' maloto masiaili apapa leu et.

1Taw. 28:10

Repdep te sipulelelek aipoi si Tuhan aipilingan ekeu addeat masirioake uma sikokoi addeatNia. Nah, kineneiget galaiake te nenda ronnake paatuatnu.”

1Taw. 28:20

Lepa geti kuanangan Rimata David minca kai Salomo togania, “Buita matonem bagam samba magege ekeu. Tadda te galajet nenda samba bui' makarat bagam katubut apapa leu et. Tuhan Taikamanua panindogietku masirop ekeu geti. Ta' ikakaddiuake ekeu geti. Nia masipaalei ekeu geti teret kapplu sangamberi galajet nenda.

2Taw. 15:7

Tapoi kau imaom bagamui samba numagege kam. Mariuriu le geti galaiakenenmui

2Taw. 20:11

Kineneiget, kise te aragalaiake tai Amon, Moab, samba Edom katubumai. Raoba masikekle kai ka laggai siakeNu katubumai.

2Taw. 20:7

Ekeu le Taikamanuamai. Kateteret akuoi kai ka laggai nene, keklenungan sangamberi sirimanua sikudduiji laggai nene. Lepa kaunungan laggai nene ka muntogat Abraham, suruakNu nenda, ibailiunia bakkatda teret buruburu.

PSALMEN 27:14

Ngenaake kam si Tuhan! ronake samba bui ipaguilak paatuatnu! Ngenaake le si Tuhan!

Dan. 10:19

Kuanangan malaika, “Ale ekeu kilibet bagat Taikamanua, bui numaloto, kau matarek bagam samba ronnake le ekeu!” Ainia maninibo katubukku, againangan tubuku ron tubu minca, samba kuakungan: “Panibongan, Tuanku, aipoi anuakean ron tubuku.”

Hag. 2:4

Kenanen kisedda, bui imakarat bagamui, ale kam sangamberimui! Riuriuake kam mugalai, ai leu kuropmake kam simariuriu.

Zakh. 8:9

Kuanangan si Tuhan ka tubut paamianNia, “Ronake kam paatuatmui, bule ioi nugalai kam minca UmangKu!” Tiboiet siarepmui nene iate tiboiet sitiboakenendra tai nabi sipuboiki kateteret aitugalakngake bongen Uman Tuhan.

4Mos. 26:53

“Rubeiake polak nenda ka sangamberi suku bangsa Israel siripot beunan senen sukutdra.

4Mos. 33:53

Polak nenda buita nuala samba nukudduiji kam, kalulut Aku masiake ka tubumui.

1Kor. 16:13

Pumata kam, murio simaron ka bagat tonem baga, magege samba riuriu ron!

EPESUS 6:10

Pasilepania, kau numaron kam ka bagat Tuhan, samba ka bagat ron gegenia.

5Mos. 1:21

Itco kam, ka matamui aitunganang polak nenda. Kenan kam nukudduiji kamnia kele siparentaakenen Tuhan, Taikamanuanda taikebbukatmui. Bui' numaloto kam samba bui imakaratbagamui.

5Mos. 1:8

Aku, Tuhan, amasipalelekngake sangamberi polak taikebbukatmui si Abraham, Ishak samba Jakob samba leu sapunuteteura. Oto kenan kam nukudduiji kam polak nenda.”

5Mos. 11:8

“Kau nureddet kam sangamberi surukat siakeku ka tubumui gogoi nene, iageti oinangan leu nutalipoki kam bagat oinan samba nuguruki kam kupkumen laggai tat mauju nukudduiji kamnia.

5Mos. 31:23

Iageti panibonangan si Tuhan kai Josua, togat Nun, kuananganNia, “Kau imaron patuatnu samba numagege, Josua! Ekeu te geti masiuteake bangsa Israel masiguruki laggai sipalelekngakenenKu katubutda, samba Aku te masipaalei ekeu.”

2Tim. 2:1

Oto ale togaku, kau numaron kalulut kiliu baga sibara ka Kristus Jesus.

Jos. 1:18

Senen sirimanua sitaioba masitut parenta samba tiboietnu, tuukumake le nia ukum simateiakenen. Kau le matonem bagam samba numagege!”

Jos. 1:7

Sarat kau le matonem bagam samba numagege. Bui ta nujago bule nureddet sangamberi surukat siaket Mose ka tubum paguguletKu nenda, bui nupasabaunia beri goiso, bule numauktuk.

Jos. 1:9

Repdem, Akuakean parenta ka tubum bule numatonem baga samba numagege! Bui numaloto ele numasaggo, kalulut Aku Tuhan Taikamanuam masipaalei ekeu ka senen eijanannu.”

Jos. 10:25

Kele ai lepa nenda, kuanangan si Josua katubutda sia tai utet saladdunia, “Bui numasedde samba bui numaloto kam. Kau le matonem bagamui samba numagege kam, kalulut kele kise te igagalaiake si Tuhan ka sangamberi saggakmui.”

Jos. 13:6

Ia leu et sangaliot kupkumen laggaira tai Sidon, sikuddu ka kupkumen laggai simaleleu oggak sangamberi leleu Libanon samba Misrefot-Maim.” “Sangamberi bangsa nenda te Kututuituiake, ka teteret rasaggangi sia paamian Israel.” Kuanangan minca kai Josua si Tuhan. Polak nenda bui ta nuparubei ka tubudda paamian Israel bule ibailiunia polak bakkatdra, kele siparentaakenenKu ka tubum.

Jos. 18:3

Oto, kuanangan ka paamian Israel si Josua, “Teret kipangan le nuoba kam burunia nupasingena kam, nuei kam masikuduiji kupkumen laggai siaket Tuhan, Taikamanuanda taikebbukatmui ka tubumui?

Jos. 21:43

Kele kisedda te si Tuhan masikau ka pamian Israel sangamberi polak sipalelekNia ka tubut taikebbukatdra. Kele arakuduuiji tobbou laggai nenda, paamian Israel pulaggairangan sedda.

Jos. 5:6

Kalulut epat pulungarura burunia tai Israel arapuenung ka kudduat simatangeu, pat sappru ramatei sangamberi bangsa nenda, iate tentera sibebela ka Misir, sitaipasiaarep tiboiet Tuhan. Amusuppangan si Tuhan katubutda, ta'iobaake sia raitco laggai sipalelekngakenen Tuhan pasamba suppa ka taikebbukatda akenennia katubutta, sara laggai sipususukra susu samba suat mani.

1Sam. 4:9

Ronnake kam patuatmui, ale kam tai Filistin! Pasaggak kam kele taimanteu, ke ta kisedda, bailiunangan kam geti paguguletda tai Ibrani nenda, kele sia siburu ibailiu paguguletmui. Kalulut nenda pasaggak le kam kele taimanteu!”