Jos. 1:5 - BUKO SIPUNENAN

⁵ Ta' anai berisara sia momoi masikalaake ekeu, Josua, ka burut purimanuaiatnu. Kalulut Aku masipaalei ekeu kele siboiki Aku paalei si Mose. Ta' Kukakaddiuake ekeu.

Jos. 1:5 Iomraidhean Croise

1Mos. 39:2

Si Tuhan masiropmake si Josep pat eddet igalaiake sangamberi galajetnia. Kudduatnia ka lalep tuannia, tai Misiri nenda.

1Rim. 1:37

Kele leuet si Tuhan masipaalei Tuanku, bule Nia leuet masipaalei si Salomo. Bule si Tuhan masigalai puparentaatnia sabeu peile sibara ka puparentaat Tuanku.

1Rim. 11:38

Kele paguguletKu si David bai ekeu, mareddet ka muinet paatuatnia katubukKu samba leu murimanua siripot sangamberi surukatKu, samba masiangkaake bagaKu ka pasigagalaiake sangamberi siparentaakenen katubum, iageti paaleikungan ekeu simariuriu. Bailiuakekungan ekeu geti rimata ka Israel samba Kubailiuake le geti sapunuteteunu ibailiu Rimata Israel masisailiake ekeu, kele sigalaiakenenKu katubut David.

1Rim. 6:13

Mukuddu le geti Aku ka bagat lalep sigalainu nene katalagat paamianKu Israel. Ta' kukakaddiuake sia.”

1Rim. 8:57

Bule Tuhan Taikamanuanta masipaalei sita kele ipaalei taikebbukatta buian ikaddiuake sita samba iribbaiake sita.

1Taw. 28:20

Lepa geti kuanangan Rimata David minca kai Salomo togania, “Buita matonem bagam samba magege ekeu. Tadda te galajet nenda samba bui' makarat bagam katubut apapa leu et. Tuhan Taikamanua panindogietku masirop ekeu geti. Ta' ikakaddiuake ekeu geti. Nia masipaalei ekeu geti teret kapplu sangamberi galajet nenda.

PSALMEN 46:11

Mengmengake kam samba agai kam, Aku te Taikamanua! Raabeuake le Aku sangamberi bangsa, tuabeuake ka polak!”

2Mos. 3:12

Aleginangan Taikamanua, “Aku masiropake ekeu. Ke anuambitan tai Israel bela ka Misir, panindoumuian geti katubukKu ka leleu nene. Iate toggaiat kokoiniakeKu ekeu.”

Jes. 42:16

Kuoba masipaneinei sangamberi sirimanua simapeset ka enungan sitaiagaietda, samba Kuoba masiambit sia muenung ka sangamberi enungan sitaiagaietda. Kuoba masibailiuake pugepgeman kamatatda ibailiunia simapato samba polak simaguluggu ibailiunia polak simagaktuk. Nenda te galaiakenenKu katubutda, bulatnia Kugagalaiake te geti.

Jer. 1:8

Bui numaloto katubutda, aipoi Kupaalei le geti ekeu addeat masibelaake ekeu, kise le' ngangan Tuhan.”

Dan. 11:16

Rimata laggai ka bare' nenda igalai le geti siobakat bagania, samba berisara simagege masisagganginia. Kudduijinangan leu Polak Simalainge samba sangamberinia ai kabagat kupkumennia.

Mat. 28:20

Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”

ROMA 8:31

Oto kipangan le takukua ka pagalaiat sangamberinia nene? Ke Taikamanua masipaalei sita, kaseian le sisaggangi sita?

ROMA 8:37

Tapoi ka bagat sangamberinia nene mamanang le sita simakope kalulut nia sipununtuki sita baga.

5Mos. 20:1

“Ke mei kam pasaggak masisaggangi saggakmui, bui' ibara lotomui nuitco kam kereta pasaggak samba kuro'ra simigi sambat saladdutdra sisaliu igimui. Kalulut Tuhan Taikamanuamui sibelaake kam ka Misir, Nia leu te iropmake kam.

5Mos. 20:4

Aile iropmake kam Tuhan Taikamanuamui, samba iaake kamanangan ka kam.”

5Mos. 31:23

Iageti panibonangan si Tuhan kai Josua, togat Nun, kuananganNia, “Kau imaron patuatnu samba numagege, Josua! Ekeu te geti masiuteake bangsa Israel masiguruki laggai sipalelekngakenenKu katubutda, samba Aku te masipaalei ekeu.”

5Mos. 4:31

Tuhan Taikamanuamui iate Taikamanua simakope nuntut baga. Ta' ikakaddiuake ele isusubuake kam, ele ikalipogi palelengan sigalaiNia pasamba taikebbukatmui.

5Mos. 7:24

Iaake te sangamberi rimatadra ka tubumui. Mateiakemuian sia, bailiu kalipogidrangan oninda. Ta' anai simagege ka tubumui; sangamberidra mateiakemuian sia.

2Tim. 4:17

Tapoi aipaaleian aku si Tuhan samba aiparonan aku, bule ioi kupaarep simasun Katuareman Simaeru samba sangamberi sipuarat sabulungan masiarep. Ia te akubela ka ngungun singa.

Ibr. 13:5

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jos. 1:17

Mareddet le kai ka tubum, kele riuriu reddetmai ka tubut Mose. Bule si Tuhan Taikamanuam masipaalei ekeu kele ipaalei si Mose!

Jos. 1:9

Repdem, Akuakean parenta ka tubum bule numatonem baga samba numagege! Bui numaloto ele numasaggo, kalulut Aku Tuhan Taikamanuam masipaalei ekeu ka senen eijanannu.”

Jos. 10:8

Kuanangan si Tuhan ka tubut Josua, “Bui numaloto kam ka tubudda. Akuakean ka tubum kamanangan, oto kalulut nenda ta'anai beri sia sara momoi masisaggangi kam.”

Jos. 21:44

Oto siripot kipa sipalelek Tuhan ka tubut taikebbukatdra, tobbou laggai nenda maaman kalulut si Tuhan poi masijago sia. Saggakdra ta'anai sia mande sara momoi masilawan sia, aipoi si Tuhan le amasikau kamanangan ka tai Israel masikalaake sangamberi saggakdra.

Jos. 3:7

Kuanangan ka tubut Josua si Tuhan, “Barania gogoi nene Kubailiuake ekeu siabeu tiboi tubu bailiunangan sangamberi paamian Israel masisuru ekeu samba bule raagai Aku masipaalei ekeu kele Kupaalei si Mose.

Jos. 6:27

Si Tuhan masipaalei si Josua, samba onin Josua ibailiu maagai ka sangaliot tobbou laggai nenda.

Pas. 2:18

Ke ikau si Tuhan sara saute katubutda bangsa Israel, mariuriu iropmake saute nenda si Tuhan. Samba burut ipurimanua saute nenda, sarat ibelaake le sia ka saggakdra. Manuntu bagania katubutda ke iarep rapangorik kalulut raokkip samba rapaoreiji sia.

Pas. 6:16

Kuanangan si Tuhan, “Tapoi Aku le masipaalei ekeu! Kalulut Aku le masiroropmake ekeu, momoi le numateiake tai Midian, kele nulaba sara sirimanua le.”

1Sam. 10:7

Ke sangamberinia nenda muaili, galaiake le apa le sibabagai bagam simaeru, kalulut Taikamanua masipaalei ekeu.