Jer. 9:23 - BUKO SIPUNENAN

²³ Kasenen le' ngangan Tuhan: “Bui' iumunake tubunia sirimanua simasiku paatuat kelulut sikut paatuatnia, bui iumunake tubunia sirimanua simagege ka lulut gegenia, bui iumunake tubunia sirimanua simakayo kalulut pukayoatnia,

Jer. 9:23 Iomraidhean Croise

Job 32:13

Bui' nupanibo kam kineneiget: Akusesengan kai sikut patuat, sarat Taikamanua le momoi masikalaakenia, ta sirimanua.

Job 41:15

Kele korobbi sipagalak simakolou, iate teiteinia tuettet sipatatabbra, kele kelat bukku.

PSALMEN 33:5

Ioba bagaNia ka puroipoat samba ka surukat; polak sun le nuntut bagat Tuhan.

PSALMEN 34:3

Kalulut Tuhan ketsatku masiumun tubu; eddangan raarepnia sangamberi sirimanua simaepe paatuat samba mugora baga.

PSALMEN 44:9

Kalulut Taikamanua uraiakemaian urai pasiumun ka sangantat gogoi, samba ka oniM segeakemaian pusurakat teret buruburu. S e l a

PSALMEN 62:10

Kele rusa le sirimanua loloiet, sara patajuat le sirimanua abeuakenen. Ka pasikilo tusakai le sia ka pata, sangamberitda manangka bele peile rusa.

Pangt. 11:4

Ka gogoi pasiukuman, taanai katukaunannia pukaioat, tapoi katubulanan masibelaake sirimanua ka kamateiat.

Pangt. 21:30

Taanai sikut patuat samba puagaijat, sioi masilawan si Tuhan.

Pangt. 3:5

Kau imatonem bagam katubut Tuhan ka muinet patuatnu, samba bui nukaroni puagaiatnu saram.

Sip. 2:19

Samba kasei pa masiaagai, sirimania nenda simasikupaatuat ele sitaiagai paatuat? Kenanen bai kisedda muririmate geti nia ka senen besiakenen sigalaiku ka tei matat sulu ka besit tubu pasamba pasipapakei pusikuat paatuat. Nene leuet siboboi le.

Sip. 9:11

Itcokungan minca ka tei matatsulu kamanangan patakaiat ta uktuk ka simaola, samba kamanangan pasaggangan ta uktuk simaron, kisedda leu roti ta uktuk simasiku patuat, pukaioat ta uktuk simaagai, samba panguruat ta uktuk simaagai, kalulut tetere samba enungan purimanuaiat rananam le sangamberitda.

Jes. 10:8

Kalulut aikua: “Ta pa sautet saladdukku nenda iate tai rimata.

Jes. 20:5

Iageti tugegerangan sirimanua samba maila kalulut Etiopia sibailiu karonietda, samba kalulut Misir abeuakenenda.

Jes. 47:10

Siboiki maarau ekeu kabagat pukakatainu, kuanungannia, “Taanai sipasiitco aku!” Sikut patuat samba puaagainu nenda sipepeake ekeu, bailiu kuanungan ka patuatnu: “Taanai sabagei kabebekku!”

Jes. 5:21

Matei le sia sikau tubunia simasiku patuat, samba sikau tubunia simaagai!

Jer. 31:34

Samba ta'an pangangatru sia ka pasasambatda, sasaraina ka sasaraina masikua: agai le' si Tuhan! Aipoi sangamberitra, sabeu taigoiso raagai le Aku, kise te' ngangan Tuhan, aipoi Kuaappeake le' seletra samba taan masirerepdep minca jotra.”

Jer. 48:14

Kipa iooi ramaeme taimanteu ka Moab masikua, “Kai saladdu, simaron silepa sibo' ka pasaggangan”

Jer. 48:7

Moab! Nukaroake le rontubu samba pukayoatnu. Tapoi kiniget tukalaake le ekeu. Kamos, sabulungannu, pasamba tai imam samba sipugagalainia tuaambi le ka pasiribbaiat.

Jer. 49:4

Ale kam sitaimatopit! Angoi nuabeuake kam su'su'mui simagabru? Apa lulunia nukakaroakekam pukakayomui? Kipa iooi nukuakam, berisara sirimanua simaeme masisaggangikam?

Jehz. 29:9

bailiunangan polak Misir simatangeu samba ibailiu siragatat. Samba Agairangan getnia Aku te Tuhan. Kalulut ekeu masikua: bagat oinan Nil aku sibakkatnia, aku le aigalainia,

Jehz. 7:19

Turibbaiake le perakra uja samba masra tuaddeake le simalolit. Ta iaarauake sia mas samba perakra ka gogoi pasiukuman Tuhan. Ta te maektek sia kalulutnia samba ta tuguguru kabagat balugura. Kalulut pagalaiat nenda ibailiu le katusoksonganda, sibeleake sia kabagat puseleat.

Dan. 3:15

Oto, kineneiget, nuoba leu kam murappo samba manindou ka tularat mas nenda kateteret ipunau sangamberi sipunanau? Kebai ta nuoba kam, turibbaiake le kam ka obengan sipujujulu. Samba taikamanuan kasei momoi masibelaake kam kakabeiku?”

Dan. 4:37

Oto kineneiget aku, Nebukadnezar, masiumun, masiabeuake samba masilatsatnake Rimata ka Manua. Sangamberi sigalaiNia sineseat samba maroipo, samba Nia momoi iepeake sirimanua sigalaiake pubuangan patuat.

Mik. 6:8

Ta! Aipatoilaan poi simaeru ka tubutta si Tuhan. BesiakenenNia ka tubutta geti iate bule tagalaiake simaroipo, masiparaboatnake pununtuat baga, puepekat paatuat, masisuraake puririmanua ka Taikamanuanta.

Zep. 1:18

Kagogoi pulotokat nenda ipatoila goluNia si Tuhan, iageti sangamberi mas samba perakdra tamomoi irimanuaake' sia. Sangalioat polak katai ilabonia oloi golut Tuhan. Sinulut alanangan geti si Tuhan engan sirimanua ka palak nene.

Mrk. 10:24

Kisei le ka bagada sipasiului araarep tiboiet Jesus nene. Tapoi kuanangan minca Jesus, “Ale tatogaku, bulat mabesi tuguru ka Purimataat Taikamanua.

ROMA 1:22

Ka bagada simasiku paatuatnan sia, oto si ta anai siagai.

1Kor. 1:31

Bule kele sitususurat ka Surat Sipunenan, “Kasei masiumun tubu, kau ipasiumun tubu ka bagat Tuhan.”

5Mos. 8:17

Oto, bui' nupaatu kam, kalulut sigalai samba ronmui le saramui anumakayo kam.

Plp. 3:10

Kiddiet bagaku ia te masiagai nia samba geget katusuruatnia samba musara ka pangoringannia, bailiu makere aku ka bagat kamateiatnia,

Plp. 3:8

Purugiatnan le kuaddeake sangamberinia, kalulut pasiaagai Kristus Jesus Tuhanku pei le malainge ka sangamberinia. Kalulut nia poi galakngakekungan sangamberinia nenda samba kuaddeake nia pora, bule kupuuktungi Kristus,

1Tim. 6:10

Alau baga ka bulagat poi ungat sangamberi pukataikat. Piga pa sia sialau bulagat, amapepengan sia rakaddiuake tonem bagada, oraknangan sia sene ngamata gejat baga masibesiki tubuda.

1Sam. 17:42

Tapoi kateteret aiitco si David samba aipuleleknia, pugaganangan si Goliat ipasiloloi kalulut si David makope peile bau tubunia samba malainge putubuatnia.