Jer. 9:11 - BUKO SIPUNENAN

¹¹ Jerusalem Kubailiuake le geti siragarat kudduat pulippunan jojot leleu; Kugalai le' geti sangamberi laggai Jehuda ibailiu matangeu, ta'an anai sikudduijinia.”

Jer. 9:11 Iomraidhean Croise

Neh. 4:2

Ka matat saaleinia samba saladdudra tai Samaria, kuanangan, “Aponia ragagalaiake tai Jahudi simabesi' purimanuaiat nenda” Raoba leu pa' minca masigalai laggai nene? Rapaatu le te galajet nenda momoi ilepa ka bagat sangagogoi, kenanen sarat kapasipangunguruatnake buluakenen? Momoi leu pa' rapakei bukku simakakasak nenda rabailiuakenia rupit lalep?

PSALMEN 107:43

Kasei sibara sikut patuat? Eddangan ipuaddai ka sangamberinia nenda, samba masilelekake sangamberi riuriu katet bagat Tuhan.

PSALMEN 44:19

Ta makela paatuatmai samba bakkoumai ta atusoip ka enunganNu,

PSALMEN 79:1

Psalmen Asaf. Ale Taikamanua, sangamberi bangsa arasaggangingan bakkatNu, arapololitan uma sipunenanNu, aragalaian Jerusalem ibailiu rurukat simararagat.

Jes. 13:22

murou le jojo simaliak ka purimataatia, samba tarimeu simasabbak kabagat uma purimataat pusanangan. Iailingan le teterenia, samba rurania taan tututuppai.

Jes. 25:2

Kalulut anugalaian laggai nenda ibailiunia parurukat bukku; samba laggai sipukekere baga nenda bailiu karagatat; bailiu iripra siooiake taan amurio sibailiu sara laggai, samba taan tugagalai minca teret buruburu.

Jes. 34:13

Mututu' le geti rui ka kudduat purimataat, turuturu samba bekbek kurut ka sangamberi kudduat pujagoat simaron, pat bailiunangannia kudduat jojot leleu, samba pumonean uma unta.

Jes. 44:26

Aku te amasironake tiboietda sapaguguletKu samba amasigalaiake sangamberi siteuakenen sipakakratda sapakoinietKu; sipasikua pagalaiat Jerusalem: Eddangan itukudduijinia! samba pagalaiat sangamberi laggai Jehuda: Eddangan itugalainia, Kuoba masigalai minca karagatatnia!

Jer. 1:15

Aipoi bulatnia te, Kusogai le' sangamberi purimataan ka isit ka bare, kise te' tiboiet Tuhan, momoi te' geti sia samba rioakerangan purimataatda senen senenda ka ngungun sangamberi matatbaliu gugurukat Jerusalem, kalegeret sangamberi iripnia sigoiliknia samba kalegeret sangamberi laggai ka Jehuda.

Jer. 10:22

Maarep le' sara katuareman, ngangania: Babara te' geti pulamaugat sabeu sibara ka polak ka isit ka bare', addeat masibailiuake sangamberi laggai Jehuda ibailiu matangeu, ibailiu le' kudduat pulippunan sangamberi jo'jot leleu.

Jer. 16:10

Ke'bai nusegeake sangamberi tiboiet nenda katubut bangsa nene samba kuarangan katubum: Angoi iloto' kai si Tuhan pasamba sangamberi pugejaat baga nene “Apoinia puseleatmai samba aponia jo sigalaiamai katubut Tuhan, Taikamanuamai?

Jer. 25:11

Iageti sangaliot laggai nene ibailiu geti siragatat samba magarak, samba sangamberi bangsa nene ibailiu geti pagugulet katubut rimata Babel pitu pulungarura ujunia.

Jer. 25:18

iate katubut Jerusalem samba ka sangamberi laggai Jehuda pasamba sangamberi rimatania samba sangamberi sautet laggaira, addeat masigalai sangamberinia nenda ibailiu siragatat, pugarangan samba paloloiat samba telei kele pagalaiat ka gogoi nene;

Jer. 26:18

“Si Mikha, tai Moresyet nenda, aipoiliatnan ka teteret Hizkia, rimata Jehuda. Aikuangan katubut sangamberi bangsa Jehuda: Kasene' le; ngangan Tuhan Sebaot: Sion tupapakru le' geti kele mone samba Jerusalem ibailiu le' parurukat siragatat samba leleu Uman Sipunenan ibailiu le' geti tinambu simaigi loina.

Jer. 26:9

Angoi nupupatonekat ka onin Tuhan pasamba masikua: Uma nene makere le' geti kele Silo, samba laggai nene ibailiu le' geti siragatat, pat taibaranangan minca sikudduijinia?” Samba sangamberi taikauma paruru masipurut si Jeremia ka uman Tuhan.

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 4:27

Aipoi kise le' ngangan Tuhan: “Sangalio laggai nene ibailiu geti simatangeu, tapoi ta'Kubabailiuakenia isapru.

Jer. 44:2

Kise le' ngangan Tuhan Sebaot, Taikamanuan Israel: Anuorikngan kam sangamberi paoreat sibaraakenenKu ka Jerusalem samba ka sangamberi laggai Jehuda; bulatnia, sangamberinia nenda aibailiuan siragatat samba beri sara sia sikukuddu sedda.

Jer. 49:33

Hazor geti malilimai le teret buruburu samba ibailiu le kuddut jo'jot leleu. Berisara leu sirimanua sikukuddu minca sedda. Aku, Tuhan, amanibongan.”

Jer. 50:3

Sara taikauma sibara ka bare momoi geti masisaggang Babel samba masibailiuake laggai neda ibailiunia su'su simagarak. Sirimanua samba tarimeu mutuitui geti, samba beri sara geti sioba mikuddu sedda.”

Jer. 51:37

Babel ibailiu le geti panambui siragata, kudduat pulippunan sirigala, kudduat pulotoket samba beri sara sirimanua sioba mukuddu sedda.

Jer. 8:22

Ta'anai balsem ka Gilead, Ta'anai sikerei sedda? Angoi ta' pei amoi katualeat maujut okkot bangsaku?

Sou. 1:4

Ka senen punen sabeu berisara sia sioi ka Uman Taikamanua. Sangamberi taiokko sipuurai mangorik sedda, samba sangamberi tai imam muhoihoi le sia. Taanai sirimanua ka sangamberi matatbaliu gugurukat, laggai Sion ilakkup le nia reureubaga.

Sou. 2:2

Senen polak simaturuturu ka laggai Jehuda, pakatainangannia kabagat tatat katet baga. Kabagat goluNia tukkluakenangan imabukkat sangamberi irip bukku kekret laggai nenda. Purimataat nenda pasamba siuteakenia beleakenanganNia pat bailiunangan katuloloiat.

Sou. 3:47

oraknangan kai pugejaat baga samba katusubuat, murimanua kai kabagat karat baga samba pulotokat.

3Mos. 26:32

Kupkumen laggaimui Kupakakatai le geti, pat sangamberi saggakmui sikudduijinia tuge'ge' masiitco kakataikat nenda.

Mik. 1:6

Nene te lulunia ikua si Tuhan, “Samaria Kubailiuakenia pasitabbui ka mone, samba kudduat pasiureman anggur. Siraganan laggai nene kuribbaiake' ka simapeleu, samba bongennia Kugaugau.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Mik. 6:16

Aibara nenda sangamberinia Kalulut tututnu katai sigalai rimata Omri samba togania iate rimata Ahab. Anututnan poi enunganda kalulut nenda pakataikungan ekeu samba geigeirangan ekeu samba teleirangan ekeu samberi bangsa.

5Mos. 29:23

Sangamberi monemui bailiunangannia polak simagarak, tabbonangannia belerang samba garam. Polaknia ta an momoi itupauremi samba puo ta mututu'tu sedda. Laggaimui bailiunangannia geti kele Sodom samba Gomora, Adma samba Zeboim sisubuakenen Tuhan ka teteret aibara golunia simakope.

Pamoil. 18:2

Ia geti pugereinangan sabeu nganga, kuanangan, “Amabukkatnan, amabukkatnan Babel, kota sabeu, aibailiuan nia kudduatda ketsat sikatai samba kudduat pulippunanda ketsat simalolit samba pulippunan paumauma simalolit samba kasitsitnakenen.