Jer. 9:10 - BUKO SIPUNENAN

¹⁰ Pusou samba pusiku le' kalulut sangamberi leleu, samba pusou geri kalulut su'su simaturuturu ka simatangu, aipoi sangamberinia amagarakngan samba ta'an beri sara sirimanua sisabauginia, samba sirimanua ta'an araarep ngangan tarimeu; sangamberi uma' katei manua samba sangamberi tarimeu, sangamberinia amutuituian samba amapepengan.

Jer. 9:10 Iomraidhean Croise

Jes. 41:15

Bulatnia te, Kubailiuake le ekeu lappri pasikuiluk simalauru samba sibau, sibara son, ra'ra rua; nukuiluk le geti sangamberi leleu samba pakatainungannia, sangamberi tinambu leu bailiuakenungannia kele pokkai.

Jes. 49:19

Kalulut sangamberi kudduatnu simagarak samba simatangeu samba laggainu simararagat, bulatnia, kineneiget makope okkip rakudduijinia sirimanua simigi samba sangamberi sirimanua sioba sikoilok ekeu raareuake le tubutda.

Jer. 12:10

Maigi le' sipasijago amasipakai monen anggurKu, masipaperaki sangamberi polakKu, samba ragalai le' polak simakiliu bagaKu bailiu su'su simatangeu.

Jer. 12:11

Bulatnia, arabailiuakeannia simatangeu, matangeu le' polak nenda mureureubaga kamataKu! Matangeu le' kineiget sangamberi laggai nenda, tapoi ta'anai sirimanua sipuletseinia.

Jer. 12:4

Pigangan le' ujunia imagarak laggai nene, samba imalaju se'senia ka sangamberi su'su'? Kalulut pukakatai sikudduijinia, sangamberi tarimeu samba sangamberi uma' tata, aipoi arapaatungan le': Ta'iitco galai tubutta!”

Jer. 14:6

Murio sangamberi kaliddei leleu ka uddut leleu simagarak, ipaengai le' nia kele lamusek, matania ibailiu le masulei, kalulut tatat parou.

Jer. 2:15

Murou le' sangamberi singa sibau tubu ka tubunia, nau ngangania iabeuake le'; ragalai le' sirimanua laggainia ibailiu magarak, sangamberi laggainia sabeu malabo', ta'ananai sikudduijinia.

Jer. 2:6

Samba ta'an aparere' sia minca: Kaipangan si Tuhan, sipalulu sita bela ka laggai Misir; samba masipaneinei sita ka simatangeu, ka polak simagarak samba sitaimagaktuk, ka polak simakope garak samba magepgep, ka polak taisasabauget sirimanua samba taikukudduijiet sirimanua?

Jer. 23:10

Laggai asun sangamberi sirimanua sipaelet; bulatnia, kalulut pateleiat nene garak le' laggai samba laju' le sangamberi se'se' ka su'su; apa le' rakukru iate pukakatai, samba ronda iate ta'katuroipoat.

Jer. 50:3

Sara taikauma sibara ka bare momoi geti masisaggang Babel samba masibailiuake laggai neda ibailiunia su'su simagarak. Sirimanua samba tarimeu mutuitui geti, samba beri sara geti sioba mikuddu sedda.”

Jer. 7:29

Sapu le alai ka utenu samba ribbaiake le'! “Pusoubaga ka uddut leleu sitaanai loina, aipoi aikeraakean si Tuhan samba airibbaiakean bangsa siorak goluNia!

Jer. 8:18

Pureugat baga siorak aku ta'moi tuale paatuatku mabesi maraka.

Sou. 1:16

Iate lulunia ipuguguruk elukku, taanai siake ron patuat samba pusuibiat; taan anai sibabara ka laggaiku, kalulut kopet geget saggakku.”

Sou. 2:11

Matakku mugo kalulut taipuaari musou, ketsatku mangorik simakope. Besi le patuatku masiitco karagatat laggai; masiitco tatoga samba leu toga simaruei mututumata ikalapui sia ka enungan laggai.

Sou. 5:18

kalulut leleu Sion simagarak, ka pugejengan jojot leleu.

Jehz. 14:15

Ke Kugalai ipugejek tarimeu simasabbak ka laggai nene, sisubuake silaggaijinia, pat bailiunangan simatangeu laggai nenda, samba berisara sirimanua simagege sisabaunia kalulut tarimeu simasabbak nenda,

Jehz. 27:2

“Ale togat sirimanua, tiboake sara sougeri pagalaiat Tirus,

Jehz. 29:11

Berisara sirimanua sienunginia, beringan leu sangamuneng tarimeu ta ienungi samba polak nenda ta tukukudduiji epat pulungarura burunia.

Jehz. 33:28

Kugalai le geti polak nene imasusu samba imatangeu, samba ukkat tubunia, sibaraake puroronnia, tulepaake le. Matatangeu te sangamberi leleu Israel, bailiu berisara sirimanua sienunginia.

Jehz. 6:6

Kaipa le nukuddu kam, sangamberi laggaimui ibailiu le geti karagatat samba sangamberi tinambu pasibuluijiatmui ibailiu le geti matangeu, bule sangamberi kudduat pasibuluajiatmui tupakatai samba tukaddiuake imatangeu, sangamberi bulungamui tububuake samba tutataake, sangamberi kumanyangmui tuanauake samba sangamberi sigalai kabeimui tusappruake.

Hos. 4:3

Kalulut nenda laggai nene ibabailiu le simagarak, samba matei le geti sangamberi sipuririmanua sedda. Sangamberei ngamatat tarimeu sitububurut samba sikuddu ka polak samba leu ka koat matei.

Jol. 1:13

Ale kam tai imam sipuuku kudduat pasibuluat, pakei kam komak goni samba pusoumuian. Guruake kam ka uman Tuhan, bule nupusou kam kabagat sangasoibo, aipoi taanai panguruat anggur samba gandum ka Taikamanua.

Jol. 1:19

Kutiddou le paroman katubum, oi Tuhan, aipoi su'su kudduat parou amagarakngan, paloina-loina leu amagarakan samba matei, kelean le silabokat obengan.

Ams. 5:1

Arepi le' tiboiet nene sikuaku pagalaiat kam sibailiu soibiet, ale paamian Israel:

Ams. 5:16

Bulatnia te', kasene le' ngangan Tuhan, Taikamanua Sebaot, Tuhanku: “Ka senen polak simalio babara geti sou geri samba ka senen polou enungan rakua geti sirimanua: Enaa'! Enaa'! Sipumomone rasosogai muleppei goni samba sangamberi sirimanua siagai musou geri, mugeri le'.

Mik. 2:4

Uktuk tubum rapakei le sirimanua sibailui pasailukat, samba leu ragalai urai pureureugat baga. Aialaan si Tuhan laggaimai nene samba aikauannia ketubutda sipasiuukumkai.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.