Jer. 8:7 - BUKO SIPUNENAN

⁷ Beri uma' kailea katei manua iagai teteret gogoinia, limendeu, laggi-laggi samba seggu iagai teteret itoiliat, tapoi paamianKu, ta'raagai surukat Tuhan.

Jer. 8:7 Iomraidhean Croise

Ur.Sab. 2:12

Amatoilaan paogo-ogo ka mone, aiailingan gogoi pasigetaiat, nau pisaksak amaarepan ka polakta.

Jes. 1:3

Jaui iagai kasei sibakkatinia, tapoi Israel taiagai; kalidei iagai lulak sitarekakenen tuannia, tapoi paamianKu geti ta raagai kolou.”

Jes. 27:11

Ke amagarakngan sangamberi ran, oto tubakbakngake le; oirangan geti tainanalep samba laborangannia sibailiu loina paneu. Kalulut nene te sara bangsa sitaanai paatuat, niate lulunia sigalainia ta atupunutukinia baga, samba sibaraakenenia ta aipukatekinia baga.

Jes. 5:12

Kecapi, gambus, rebana samba suling, samba leu anggur ai kabagat punenda, tapoi sigalai Tuhan ta aisuru samba galajet Tuhan ta ailelekake.

Jer. 4:22

“Bulatnia, Sitaimaagai paatuat le paamianKu nenda, Taan raagai Aku! Tatoga sitaiagai paatuat le sia, samba taanai puaagai kolou! Masoppit le' sia mugalai sikatai, tapoi mugalai simaeru ta' raagai.”

Jer. 5:6

Lulut nenda singa sibara ka leleu pabobokinangan sia matei, samba jojot leleu sibara kasimatangeu pakatainangan sia. Macan simagurik itaiko le' bebet laggaira, senen sirimanua sibebela itarakup le sia. Aipoi pasisasabaura bulat maigingan, samba kapepeatnia bulat mabeu.

Hab. 1:4

Surukat ta'an atupuletsei samba puroipoat ta'an atuparon. Sirimanua sijongan le amuundutat ka tubut sirimanua simatopit, iageti pabailokrangan leuet puroipoat.

Zakh. 5:9

Teilakungan ka pata samba itcokungan rua sinanalep sitububurut ka ipoku. Ai kappora simaron kele kappot seggu. Alarangan karakjak siitcoku nenda, iageti ambitrangannia ratuburut.