Jer. 8:19 - BUKO SIPUNENAN

¹⁹ Arep! soga okkot bangsaku masitiddou paroman barania ka laggai simareunan: “Ta'anai pa' si Tuhan ka Sion” Ta'anai pa' Rimatania ka bagania?” – Angoi pa' rabaraake le' besit paatuatKu pasamba sangamberi tularat buluijietda pasamba sangamberi taikamanua bagei sita'katukolobat?” –

Jer. 8:19 Iomraidhean Croise

PSALMEN 135:21

Tuumun le si Tuhan barania ka Sion, Nia sikuddu ka Jerusalem! Haleluya!

PSALMEN 137:1

Ka bebet bagat oinan Babel, sedda te' takuddu kam sialei musou, ke' tarepdep kam Sion.

PSALMEN 146:10

Muparenta le si Tuhan, Taikamanuam, ale Sion, mupaninikat! Haleluya!

PSALMEN 149:2

Kau le ipuangka baga Israel kalulut Sipasigagalainia, eddangania rapugora baga tatogat Sion kalulut rimatatda!

PSALMEN 31:6

Ka kabeiNu le kusegeake engangku; Tebui le aku, oi Tuhan, Taikamanua simariuriu topit.

Jes. 1:4

Matei le laggai sijo, muntogat simasun puseleat, reddenen sirimanua sikatai, tatoga sikatai paraboat! Arakaddiuakean si Tuhan, masipaloloi Sipunenan, Taikamanuan Israel, samba rakateiteiakeNia.

Jes. 12:6

Pusoga samba pugora baga ale sipulaggai ka Sion aipoi Sipululatsat Taikamanuan Israel, abeu katalagamui.”

Jes. 13:5

Moi sia sibara ka laggai ka sareunan, sibara ka tu'tut manua, iate Tuhan samba leu sipasigagalaiake goluNia bule rapakatai polak.

Jes. 33:22

Kalulut si Tuhan iate Rimatatta. Tuhan iate sipasiake surukat ka sita; Tuhan iate Rimatatta, Nia te masiarauake sita.

Jes. 39:3

Iageti nabi Jesaya mei kai Rimata Hizkia samba parerenangan katubunia, “Aponia arakua sirimanua nene” Kaipa arabara sirimanua nenda?” Aleginangannia si Hizkia, “Sia nene sibara ka laggai ka sareunan, ka Babel!”

Jes. 52:1

Suruake kam, suruake kam! Pakei kam rnmui kele nupakei kam leppeimui, ale Sion! Pakei kam leppei puaabeumui, ale Jerusalem, laggai sipunenan! Kalulut taanai berisara sirimanua sitaipususunat ele kasitsitakenen situguguru minca katubum.

Jer. 10:15

Sangamberinia iate siboboi, galaiet sibailiu gegeiet le', samba mamatei geti kateteret tuukum.

Jer. 14:19

Anukeraakean pa' Jehuda? Amasitsinan pa' Ekau ka Sion? Angoi Nulippat kai makope ron, pat taibaranangan katualeat ka kai? Kukaroni le' kai aban, tapoi ta'amoi sara simaeru; masikaroni tetere katualeat, tapoi ai sarat polotokat le!

Jer. 14:9

Angoi kele simaingo le' Ekeu, kele pahlawan sitaiom parop? Tapoi ai Ekeu katalagamai, ale Tuhan, samba oniM tusogaake ka tubumai; ba' kaddiuake kai!”

Jer. 2:5

Kise' le' tiboiet Tuhan: Aponia pa' pajoat arasese taikebbukatmui katubukKu pat tuareurangan katubukKu? Ratutnake' le' sabulungan siboboi, pat ibailiu le' sia siboboi?

Jer. 27:10

Aipoi sia masisibalaake patajua le' katubumui bule nutuareukam ka polakmui, bailiunangan Kupasaragai kam samba masubumuian.

Jer. 31:6

Bulatnia, babara geti gogonia, sipujajago mugegerei geti ka leleu Efraim: Kauan, konan tapanatra ka Sion, kai Tuhan Taikamanuanta!

Jer. 32:30

Aipoi tai Israel samba tai Jehuda sarat masigalaiake sikatai kamataKu le sia kateteret sibau tubunia; bulatnia, tai israel sarat masibaraake besit paatuatKu pasamba sigalai kabeira, kise te' ngangan Tuhan.

Jer. 7:19

PaatuaKu pa' sibulatnia arabesiki, kisedda te' ngangan Tuhan, ta' pa' patuatda le', bailiu maailarangan?

Jer. 8:20

Atusabauan tetere pasimoneiat, atukapplungan teteret legeu, tapoi ta'pei leuet tupaarau kai.”

Jer. 9:16

Kukakau le geti sia katalagat sangamberi bangsa taiaagaietda ele taiaagaiet taikebbukatda, samba Kuobaake le' geti lanjau ikukru sia teret Kusubuake sia.”

Jehz. 48:35

Oto sangalio kupkumen laggai nenda iate pulu balu ribu ngaeto. Barania ka gogoi nenda onin kupkumen laggai nenda iate: Tuhan MOI SEDDA.”

Jol. 2:32

Tapoi kasei sitiddou paroman Tuhan arauakenangan leu geti sia. Kuanangan Tuhan, “Sirimanua ka Jerusalem sipiliKu geti, Kupaarau le sia.”

Jol. 3:21

Kululumunake le geti logaura sitapei akulumnake, Tuhan mukuddu le ka Sion simariuriu.

Obj. 1:17

“Tapoi ka leleu Sion, babara te simaarau, samba leleu nenda bailiu kudduat simakokoi addeatKu. Iageti sapunuteteu Jakob bakkatirangan geti minca' polak taikebbukadra.

Mik. 4:9

Angoi makope nupusou? Angoi nupangorik kele tainanalep sipususule? Tapa kalulut tatania Rimatam samba sipangantoman kam atataan?

Zep. 3:15

Kalulut aiariake'an si Tuhan masiukum kam; Aituituiake'an sangamberi saggakmui. Aipasisikeli kam rimata Israel, Taikamanuamui. Kineneiget buian numaloto' kam.

Zakh. 2:9

“Sarania si Tuhan le masisaggangi geti kam! Sia paguguletmui siboiki sipususum ka tubumui bailiu geti sipasirarau kam. Ke amuailingan sangamberi nenda, agaimuian te geti Tuhan Sipulugege le amasikoiniake aku.”

Pugap. 14:15

“Ale, angoi nugagalai kam nene? Sirimanua le kai kele kam. Masipaarep Katuareman Simaeru ka kam le akuoi kai se, bule nugalakngake kam galajet siboboi nutoili kam ka Taikamanua sipuririmanua sibaraake manua samba polak, koat samba sangamberi sibabara ka bagania.

5Mos. 31:17

Ke muaili nenda, bara goluKu simakope katubutda. Kaddiuakekungan geti samba mateiakekungan sia. Maiginangan gejat baga sabeu siorak sia, lepa seseakerangannia aipuaili sangamberinia nene kalulut Aku, Taikamanuandra, ta'an masipaalei sia.

Pamoil. 2:1

“Suratnake ka malaikat paamian ka Epesus: Nene le aikua sipasiuukka sipitu panyanyat ka kabeinia sikattoet samba sipueenung ka talagat sipitu pualitoat mas.