Jer. 8:13 - BUKO SIPUNENAN

¹³ Kuoba le' masiruruake buat monenda, kisene te' ngangan Tuhan, tapoi taanai buat anggur ka loinat anggur, taanai buat sileu ka loinat sileu, samba pabulu buluk simalaju; kalulut nenda Kuteteuake le ka sia sangamberi sirimanua siorei sia.”

Jer. 8:13 Iomraidhean Croise

Jes. 5:10

Kalulut monen anggur lionia pulu ngagogoi itukuilu sarat pulu ngaliter le suania babara; samba sangotu ngaliter uremen, sarat pulu ngaliter gandum le babara.”

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 14:15

Kalulut nenda kasenen le' ngangan Tuhan pagalaiat tai nabi sipamomoiliat ka oningKu, tapoi ta' Akukoiniake sia, samba masikua: Pasaggangan samba pulajeat ta' iorak laggai nene –: Tai nabi nenda geti matei sapru le' kalulut pasaggangan samba pulajeat!

Jer. 17:8

Makere le' geti nia kele loina siurep ka bebet tikra oinan, sangamberi ungatnia mulalak ka bebet tikrat bagat oinan, samba ta'iagai ioi oloi rakat sulu, buluknia mariuriu le' ipulimun, sitaimakarat baga kabagat rurat legeu, samba taipuaari ibelaake buania.

Jer. 5:17

Rasapruake le' geti buat siuremanmui samba komenmui, rapakomi le' geti tatogamui simanteu samba sinanalep, Rapakomi le jaui samba biribirimui sapru, rapakomi le' geti loinat anggurmui samba sangamberi loinat sileumui, rapakatai le geti pasamba lanjau sangamberi laggaimui sibara irip, acciakenenmui.”

Jer. 7:20

Kalulut nenda kasenen le' tiboiet Tuhan Taikamanua: Bulatnia, goluKu samba oloi guluKu mapili ka kudduat nene, ka sirimanua, ka tarimeu, samba ka sangamberi loina ka su'su' samba ka buania siureman; golu' nenda mujulu le' samba ta'mamatei.”

Jehz. 22:31

Oto belaakekungan ngoingoi bagaKu katubutda samba masisubuake sia pasamba obengan goluKu; paraboatda Kuorakngake ka utera, kise te tiboiet Tuhan Taikamanua.”

Hos. 2:12

Kupakakatai te sangambei loinat anggur samba loinat sileu, kuanennia iate upa aipasikeli sangamberi paumunakenennia. Kubabailiuake te sangamberi monen anggur samba sangamberi monen sileu ibailiu leleu simaparou; pakatainangannia sangamberi tarimeu simasabbak.

Jol. 1:7

Pakaitairangan loinat anggurta, samba loinat sileu, legeina le turonia. Pagutgutirangan leu et kulitnia, pat bulau ratnia.

3Mos. 26:20

Sangamberi besit tubumui taanai lulunia, aipoi polakmui taan ibebelaake bua samba sangamberi siuremanmui taan mububua.

Hab. 3:17

Kenanen loina sileu ta'anai buania samba loinat anggur ta'anai anggurnia, kenanen pasimoneiat loinat zaitun ta'abara samba buat gandum ka mone ta' aisiripoki, kenanen matei sangamberinia biribiri samba gelit tarimeu ta'anai ka bagania.

Hag. 1:11

Akubailiuakean imagarak sangalio polak, samba ka sangamberi tinambu, ka monen gandum samba ka sangamberi monen anggur samba leu et ka sangamberi monen zaitun, samba ka sangamberi siputututu ka polak nene, samba leu et ka tubut sirimanua samba ka tarimeu samba leu ka sangamberi besiakenenmui.”

Hag. 2:17

Akuakean rusa simaoloi samba urat bukku bule ipakatai sangamberi buat monemui, tapoi kam leu tanuoba kam toili katubukKu.

Malk. 3:11

Ta' Kuoobaake leiti ipakatai puuktungan ka polakmui; sangamberi loinat anggurmui pubuanangan leu simigi.

Mat. 21:19

Kele aiitco sangaloina sileu ka bebet enungan ei nia ka bakkatnia, tapoi ta anai aisese buania sarat buluk le. Kuanangan Jesus ka sileu, “Buian nupubua teret buruburu!” Malajunangan leu et.

Jak. 1:11

Aipoi bela ibela sulu iake oloi simaraka, malajunangan turuturu, ragatnangan botcoketnia, tata itata latsatnia. Kisedda leu te simakayo; tatata le nia ka talagat aieenungake pukayoatnia.