Jer. 7:9 - BUKO SIPUNENAN

⁹ Kiangan le' manangkou ekeu, pamatei, paelet, pataju, masilabo buluakenen ka Baal samba masitut taikamanua bagei taiagaietnu,

Jer. 7:9 Iomraidhean Croise

1Rim. 18:21

Lepa legreakenangan tubunia si Elia ka siberikabaga nenda kuanangan, “Pigangan le burunia nuoba mariuriu murua paatuat? Ke Tuhan nenda bulat Taikamanua, panindogi kamnia! Ke sabulungan nenda bulat Taikamanua, panindogi kamnia!” Siberikabaga siparururu sedda tenan le sia mutangeu.

2Mos. 20:3

Bui' ibara taikamanuamui bagei kabebeKu.

Jes. 1:13

Buian nuabbit kam minca panguruatmui ta sibulatnia, kalulut singinnia iate kasitsitakenenKu. Ke nupunenake kam laggo sibau samba sabat ele nubaraake kam parurukat, ta Kuoba iitconia, kalulut punenmui nenda masun le pukakatai.

Jes. 58:2

Kirenangan senen gogoi ragaba Aku samba raoba raagai sangamberi enungaKu. Kele bangsa sigalaiake simaeru samba sitaikaddiuake surukat Taikamanuania rererangan Aku pagalaiat surukat sibulatnia raoba malegre katubut Taikamanua, parerenangan:

Jer. 1:16

Kubebeleake le geti ukumKu ka sia, kalulut sangamberi jotda, aipoi arakaddiuakean Aku, ka pasilalabora buluaken katubut taikamanau bagei samba manindou ka sigalai kabeinia.

Jer. 11:13

Aipoi kele iginia laggaimui, kise te' iginia taikamanuamui, ale Jehuda, samba kele iginia enungan ka Jerusalem kise te' iginia kudduat pasibuluat sirioakenenmui addeat masilabo buluakenen katubut Baal.

Jer. 11:17

Tuhan Sebaot, sigalai eku mutu'tu', aiteuakean pugejaat baga ka tubum kalulut pukakatai sigalai muntogat Israel samba muntogat Jehuda sibaraake besit paatuatKu pasamba masilabo buluakenen katubut Baal.”

Jer. 13:10

Bangsa sikakatai nene, sitaioba masiarepi sangamberi tiboietKu, sioba masitut kelat paatuatnia samba masitut taikamanua bagei addean masipuneni samba manindou ka tubutda, ibailiu le' geti kele akkik tenga nene ta'anai kautania aponia pa'.

Jer. 18:15

Tapoi paaminKu arakalipogingan Aku, aralabo' le' buluakenen katubut taikamanua pusiboboiat; atusoksokan sia bele' ka sangamberi enunganda, iate sangamberi enungan baranangan kasiburu pei le', samba tusoip ka enungan, iate enungan sitaigagaktukngakenen.

Jer. 19:4

Aipoi arakaddiuakean Aku, atukauan kudduat nene ka taikamanua siooiake samba atulaboan buluakenen sene' ka taikamanua siooiake sitaiaagaietda samba taikebbukatda samba tai rimata Jehuda. Aragalaian kudduat nene sun le' logau sirimanua sita'anai sele.

Jer. 32:29

Tai Kasdim sisaggangi laggai nene momoi le' geti sia masilabo samba masisapruakenia pasamba sangamberi lalep ka laprania sirimanua masilabo buluakenen ka Baal samba masipanguruatnake buluakenen siuruakenen ka taikamanua bagei addeat masibaraake besit paatuatKu.

Jer. 44:3

Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jer. 44:8

Angoi nuobakam masibaraake besit paatuatKu, kasigalai kabeimui, iate masilabo buluakenen ka taikamanua begei ka laggai Misir sigurukimui sibailiu kam siooiake sedda? Angoi nuoba ibailiu kam teleiet ka talagat siberikabaga ka polak?

Jer. 44:9

Anukalipogingan pa' kam pukakataira taikebbukatmui, tai rimata Jehuda, sikebbukat laggai, pukakataimui samba sinanalepmui sigalaira ka laggai Jehuda samba kasangamberi enungan ka Jerusalem?.

Jer. 48:35

Kuaariake le tai Moab masilabo buluakenen ka sangamberi kudduat panindogatra samba muari le rapanguruatnake buluakenen katubut taikamanuanra. Aku, Tuhan, amanibongan.

Jer. 5:2

Kenanen bai rakua: “Ka onin Tuhan sipuririmanua,” tapoi musuppa le sia ta'kasibulatnia.

Jer. 5:7

Kipa, ke' kasedda, momoi pa' Kuappeakeu? Tatogam arakaddiuakean Aku, samba musuppa ta' ka Taikamanua. Lepat Akupaektek sia, paeletrangan, samba paaili ka lalep puoloman.

Jer. 7:6

ta'masiorei sirimanua siooiake, siputataina samba silumang, ta'masimateiake sirimanua sitasele ka kudduat nene samba ta'masitut taikamanua bagei, sibailiu sipakatai ekeu saram,

Jehz. 18:18

Ukkuinia, sigalaiake parauraugat, iparauraugi aponia pa, samba masigalaiake pagalaiat sitaimaeru katalagat bangsania, bulatnia, matei le nia kalulut puseleatnia.

Jehz. 20:30

Kalulut nenda kua ka muntogat Israel: Kise te tiboiet Tuhan Taikamanua: Taleu anupalolit leuet kam tubumui ka enungan puririmanuanda taikebbukatmui samba paelet kabagat masitut sabulungannia kasitsitakenen?

Jehz. 23:39

Raja'ja le tatogatda uktuk sabulunganda, moi le sia ka gogoi nenda ka kudduat sipunenanKu samba masipasabau pusisipunenannia. Bulatnia, nene te aragalaiake kabagat lalepKu.

Jehz. 5:11

Kalulut nenda, Aku sipuririmanua, kise te tiboiet Tuhan Taikamanua, bulatnia te, kalulut anupalolit poi kudduat sipunenanKu kabagat sangamberi bulungannu kasitsitakenen samba sangamberi sigalaiakenennu sikatai, Aku le geti masibubukkatake ekeu. Ta te Kupunununtuki ekeu baga samba ta Kuagai katet baga.

Hos. 2:13

Ukumkungannia geti kalulut sangamberi gogoi sipakeinia masilabo kemenyan ka tubut Baal, samba leu masipakei pulaingeannia, bulet ikukru sangamberi paumunakenennia, iageti bulat kalipoginangan Aku. Kisedda te ngangan Tuhan.”

Hos. 6:9

Tai Imam ka laggai nenda makere le mungkuat sipasiraraurau sikrekreake sirimanua situsasabau. Ka enungan masiailiake kudduat sipunenan ka Sikhem leuet ragalaiake pamamatei! Sangamberi pukakatai nenda sipali' le ragalaiakenia.

Ams. 4:5

Labo le' buluakenen pusurakat sibara ka roti sibara sioman samba paarepmake sangamberi panguruat kateubaga; paagaiake le nenda! Aipoi ta'pa kise siobat bagamui, ale tai Israel?” kise te' ngangan Tuhan Taikamanua.

Zep. 1:5

Kusappruake le kasei pa situsasakai ka teitei lalep sipanindogi sulu, laggo samba panyanyat. Kutataake leu sia sipanindogi Aku samba sipususuppa sim ariuriu katubukku, tapoi musuppa leunia ka onin bulungan Milkon.

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

ROMA 2:2

Tapoi taagai kam, ukuman Taikamanua ka tubuda sipasigagalaiake kele nene, maroipo le.

5Mos. 32:17

Panguruatnakerangan buluakenen ka sangamberi ketsat sikatai ta Taikamanua, ka taikamanua sitaiagaietdra, taikamanua sibau sitaipulotokietdra taikebbukatdra.

Pamoil. 21:8

Ka sia simaloto geti, sitaimatonem baga, simalolit, sipamamatei, sipaeelet, sipukekerei, sipanindogi buluat, samba sangamberi sipaboboko, rubeiatda ia te ka koat api samba belerang sipujujuluu; nene te kamateiat sikarua.”

Pamoil. 22:15

Tapoi sajojo geti, sipukekerei, sipaeelet, sipamamatei, sipanindogi buluat, samba sioba samba sigalaiake pabokoat, ka ulau kota le kudduatda.

Pas. 5:8

Kateteret arataddaake tai Israel masipanindogi sabulungan, bara pasaggangan ka laggaira katalagat si epat pulu ribu saladdutda tai bangsa simagege, ta anai beri sia sara sipasiangkatnake pamatei.