Jer. 7:6 - BUKO SIPUNENAN

⁶ ta'masiorei sirimanua siooiake, siputataina samba silumang, ta'masimateiake sirimanua sitasele ka kudduat nene samba ta'masitut taikamanua bagei, sibailiu sipakatai ekeu saram,

Jer. 7:6 Iomraidhean Croise

2Rim. 21:6

Panguruatakenangan togania sibailiu buluakenen. Si Manasye leu et masigalaiake galajet pukekerei, putatawa, jagot tubu, samba masitiddou enungan ka ketsat sirimanua simamatei. Maigi aigalaiake jo ka matat Tuhan bailiu bara goluNia si Tuhan.

2Rim. 24:4

bulat siboiki iate kalulut mamateiakena sirimanua sitaimasele. Ta ioba si Tuhan masiappeake jot Manasye kalulut katai sigalainia.

PSALMEN 106:38

samba piliakearangan logaura sitasele, logaura tatogatda simanteu samba tatogatda sinanalep, sibuluakenenda ka sangamberi bulungan Kanaan, bailiu palolitrangan laggai nenda kalulut utak logau.

Pangt. 23:10

Bui nuparitci song polak siikepakenen ele nuala polak bakkatda sitaina samba sita'ukkui.

Jes. 59:7

Maruei ragalai sikatai, samba maruei ramateiake sirimanua sitaimasele; isiatda iate isiat patajuat, samba kaipa le raei ragalakake le katusubuat samba karagatat.

Jer. 13:10

Bangsa sikakatai nene, sitaioba masiarepi sangamberi tiboietKu, sioba masitut kelat paatuatnia samba masitut taikamanua bagei addean masipuneni samba manindou ka tubutda, ibailiu le' geti kele akkik tenga nene ta'anai kautania aponia pa'.

Jer. 19:4

Aipoi arakaddiuakean Aku, atukauan kudduat nene ka taikamanua siooiake samba atulaboan buluakenen sene' ka taikamanua siooiake sitaiaagaietda samba taikebbukatda samba tai rimata Jehuda. Aragalaian kudduat nene sun le' logau sirimanua sita'anai sele.

Jer. 2:30

Siboboi le' Aku paboboki tatogamui, nganturat ta'arasilo': lanjaumui aipamateian tai nabimui kele singa sibau tubu ipasipakatai.

Jer. 2:34

Pat bara ka leppeinu logau sangamberi sirimanua simageba sita' sele; ta' kateteret arapasiragat rapanangkou anusese sia! Kenanen bai sangamberinia nenda kise',

Jer. 26:15

Sarat agai le' kam sibulatnia, ke'bai numateiake kam aku, oto kam le' sibaraake logau sirimanua sita'sele ka tubumui samba ka laggai nene samba ka silaggaijinia, aipoi sibulatnia si Tuhan le' masikoiniake aku mesisegeake sangamberi tiboiet nene katubumui.”

Jer. 26:23

Alarangan si Uria ka Misir samba ambinrangannia kai rimata Joyakim. Rimata masikoiniake masimateiakenia pasamba lanjau samba masiribbaiake tubunia simamatei ka rateira taikauma simaturere.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 5:28

sirimanua simabeu tubu samba simamo'mo. Aipei bagei raobaake le' itusabau sangamberi pukakatai, ta'rapuletsei ukum ta'aramanangake pakarora tatoga sita'eppu, samba ta'raropmake bakkatda simageba.

Jer. 7:5

tapoi ke' sibulatnia bai nupaerukam puparoboatmui samba galai tubumui, kalau bulat sibulatnia nugalaiake kam puroipoat katalagamui senesemui,

Jer. 7:9

Kiangan le' manangkou ekeu, pamatei, paelet, pataju, masilabo buluakenen ka Baal samba masitut taikamanua bagei taiagaietnu,

Sou. 4:13

Tapoi pagalaiat nenda amuailingan, kalulut jotda tai imam samba tai nabi. Apamateian sia, ramateiake sirimanua sitasele.

Jehz. 18:6

samba ta aikom akkula sipanguruatakenen ka uddut leleu ele ta aimattai ka sabulunganda samuntogat Israel, ta aigalaiake jo ka sikalalepda saaleinia samba ta aipaperepake tainanalep kateteret ai kabagat suat tubu,

Jehz. 22:7

Ukkui samba ina katubum tupaloloi samba katalagamui sirimanua masigalaiake pasirauraugat ka sirimanua siooiake, sitaukkui samba tai lusai katubum tupaorei.

3Mos. 19:33

Ke mukuddu sara sirimanua siooiake katubum ka laggainu, bui nupaoreijinia.

3Mos. 25:17

Bui' nupataju pasasambamui, tapoi buita maloto kam ka Taikamanuamui, kalulut Aku te Tuhan, Taikamanuamui.

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

Mat. 27:25

Alegirangan nia sangamberida, “Kaian le masioorik logaunia samba tatogamai!”

Mat. 27:4

Kuanangan, “Amajongan aku akusegeake sirimanua si ta jo.” Alegida le nia, “Apananmai te nenda, ekeuan le ipagaba nia!”

5Mos. 11:28

Tapoi ipateleiji le kam ke ta mareddet kam ka sangamberi parentat Tuhan Taikamanuamui, samba nupitca kam teiteimui masipanindogi taikamanua bagei sitaipaninindogietmui.

5Mos. 24:17

Bui' nuraurau kam bakkatda tai toi samba siputata' ina, samba bui' nuala kam bibiletda tai lumang sibailiu kele sara sili.

5Mos. 27:19

‘Tutelei le sia sipasiraraurau bakkatda tai toi, siputata'ina samba tai lumang.’ ‘Amen!’

5Mos. 8:19

Bui' nukalipogi kam Tuhan Taikamanuamui samba bui' nutut kam taikamanua bagei masibuluiji samba masipaguguletnake tubumui katubutda. Gogoi nene kuparepdem kam, ke nugalaiake kam, bulat mateiakenangan kam si Tuhan.

Jak. 1:27

Puaarat simalina samba si ta loloiet ka matat Taikamanua Ukkuita, ia te: masibalou sipululusai siputataina samba sipululumang ka bagat gejat bagada, samba masijago tubu bui ilolitnake nia polak nene.