Jer. 7:3 - BUKO SIPUNENAN

³ Kasene le' tiboiet Tuhan sebaot, Taikamanuan Israel: Paeru le' paraboatmui samba galai tubumui, oto Kuoba le' mukuddu pasamba kam ka kudduat nene.

Jer. 7:3 Iomraidhean Croise

2Rim. 17:13

Aikoiniakean pakoiniet samba tai nabiNia ka paamian Israel samba ka tai Jehuda masikua patonekat nene “Ariake kam mugalai sikatai samba reddet kam sangamberi parenta samba surukat siakeKu ka taikebbukatmui samba ka tubumui sisegeakenenKu ka tai nabi sapaguguletKu.”

Ezra 10:11

Lulut nenda, seseake kam jomui ka tubut Tuhan, Taikamanua panindogietdra taikebbukatta samba galaiake kam apa siangkaake bagaNia. Reunannake kam sia sirimanua sabagei sikuddu ka tobbou laggaita samba tuituiake kam sangamberi sinanalepmui sibara ka bangsa bagei nenda.”

Pangt. 28:13

Kasei silipputake jonia ta mauktuknia, tapoi kasei sipoiliat samba sikaddiuake jonia, tupununtuki le nia baga.

Jes. 55:7

Eddangan sirimanua sikatai rakaddiuake enunganda, samba sirimanua sikatai rakaddiuake siisiakenenda; eddangan itoili katubut Tuhan, oto pununtukinangannia baga, samba ka Taikamanuanta, kalulut iake le katuappekat kabagat anggai baga.

Jer. 17:25

iageti ka matat baliu gugurukat laggai nene tuguguru geti sipumumungkuat tai rimata samba sangamberi sikebbukat laggaira, sikukuddu geti ka kudduat purimataat David, pasamba mukereta samba mukuro': sia samba sikebbukat laggaira, tai Jehuda samba sipulalaggai ka Jerusalem. Samba laggai nene geti rakuddiji le' sirimanua teret buruburu.

Jer. 18:11

Kalulut nenda, kua le katubudra tai Jahuda samba katubut sipulalaggai ka Jerusalem: Kasene le ngangan Tuhan: Bulatnia te', Aku nene aikupatatarek pugejaatbaga katubumui samba masiisiake pinaatu katubumui. Kauan senemui masibauake puparaboananmui sikatai, samba paerukam pubaraboananmui samba galaitubumui!

Jer. 18:8

Tapoi ke'bai bangsa katubut kasei pa' Kukua kise aibauakean paatuatnia ka katainia, iageti oleinanganbagaKu, kalulut Aku pugejaatbaga sipinaatuaKu nenda katubutda.

Jer. 26:13

Kalulut nenda, paerukam paraboatmui samba galaitubumui, samba arepikam ngangan Tuhan Taikamanuamui, bailiu oleinanganbagania si Tuhan pagalaiat pugejaatbaga akenenNia katubumui.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 35:16

Bulatnia, muntogat Jonadab togat Rekhab masireddet parenta sikaura taikebbukatda, tapoi bangsa nene ta'raoba' masiarepi Aku!

Jer. 4:1

“Ke' nuoba taoili, ale Israel, kise te ngangan Tuhan, toiliake' le' ekeu katubukKu; samba ke' nuoba nuareuake sabulungannu ka sitsitnakenen, ta'an leu mututitui ekeu kamataKu!

Jer. 6:16

Kasene le' ngangan Tuhan: “Ala le' kudduatnu ka sangamberi enungan, samba itco le' Pare're' le' sangamberi enungan siburu, kaipangannia enungan simaeru, enungi nenda, kise te' ibara kasasanang ketsatnu. Tapoi rakua le': Ta'kuobakai masienunginia!

Jak. 4:8

Legeri le kam Taikamanua, legerinangan leu kam. Linaake kam kabeimui, kam sirimanua sijo! Linaake kam paatuatmui, kam simarua paatuat!