Jer. 7:25 - BUKO SIPUNENAN

²⁵ Barania peile kateteret arabela taikebbukatmui ka Misir pat aili gogoi nene, Kukoiniake katubutda sapakoinienKu, tai nabi, gogoi ka gogoi, simariuriu,

Jer. 7:25 Iomraidhean Croise

2Taw. 24:19

Koiniakenangan tai nabi si Tuhan masipangantoman sia bule ratoili mupagugulet kai Tuhan, tapoi ta raoba masiarepi siberikabaga.

2Taw. 36:15

Si Tuhan, Taikamanuan taikebbukatda, amaolengan aikoiniake pakoinietNia masiparepdep paamianNia, kalulut manuntu bagaNia katubutda samba ka umaNia.

Ezra 9:7

Baranangan ka teteret ka taikebbukatmai aili kineneiget, majo kai ka tubum paamianNu. Iate lulunia tukalaake kai, tai rimata, samba leu tai imammai sia rimatadra bangsa bagei, tumateiake kai, turaurau samba tuabbit kai bailiu tangsiakenen. Atupaloloian kai simakope, kele sipuaaili ka gogoi nene.

Neh. 9:26

Tapoi paamianNu mugege samba ta'an arareddet ekeu, rapuarak ukum samba aturanNu, masimateiake tai nabi sipasirerepdepmake sia samba sikoiniake sia toili ka tubum, Taikamanuandra. Oi Tuhan, mareirei le rapaloloi ekeu.

Neh. 9:30

Senen rura nuommake le masiparepdep sia, ka tubut tai nabi, Ketsatnu manibo katubutdra. Tapoi paamianNu nenda rapetpet le talingandra, lepa kaunungan sia ka tai bangsa ka sangalio laggai.

Jes. 5:4

Apangan le tugagalaiake ka monen anggurKu nenda, sitapei Akugalaiake katubunia? Kungenaake bule ibaraake buat anggur simaeru, angoi bua simalaga le aibaraake?

Jer. 11:7

Aipoi bulat sibulatnia Kuparepdep le' taikebbukatmui kateteret Akupalulu sia bela ka laggai Misir; pat aili kateteret nene Kuparepdep le' sia simariuriu: Arepake le' ngangangKu!

Jer. 25:3

Barania ka rura sikapulutelu puparentaat Josia togat Amon, rimata Jehuda, teret gogoi nene, oto ruapulu telungarurangan ujunia, aioi tiboiet Tuhan katubukku samba mariuriu le' kutiboakenia katubum, tapoi ta'nuoba masiarepinia.

Jer. 25:4

Mariuriu leu et ikoiniake si Tuhan katubum sangamberi paguguletNia, iate tai nabi, tapoi ta'nuobamasiarepi samba masilelekngakenia.

Jer. 29:19

sibailiu ukuman taiaarepida tiboietKu, kise te' ngangan Tuhan, sinegeakenenKu katubutda simariuriu ka paneiteianda sapaguguletKu, iate tai nabi; tapoi taanuarepi kam, kise te' ngangan Tuhan.

Jer. 35:14

Kirenangan parentat Jonadab togat Rekhab nenda aipei le' tueenungake; aiparentaakean ka sapunuteteunia, bule bui ralo' anggur, samba teret kineneiget ta'ralolo' anggur, aipoi araarepi le' parentat taikebbukatda. Mariuriu le' kupanibo katubumui, tapoi ta'anuarepikam Aku.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 44:4

Mariuriu le Kuake ka kam sapaguguletKu, tai nabi sipasikekera sia masigalaiake pukakatai simalagabagaKu nenda.

Jer. 7:13

Oto kineiget, kalulut kam leu anugalaiankam sangamberinia galaitubu nenda, kisene te' ngangan Tuhan, samba kalulut ta'nuoba kam masiarepi, kenenen bai manibo Aku simariuriu katubumui, samba ta'nuobakam masialegi, kenanen bai mugerei Aku katubumui,

Jehz. 2:3

Kuanangan katubukku: “Ale togat sirimanua, Kukoniake ekeu ka tai Israel, ka bangsa simakela patuat sitaimareddet katubukKu. Sia samba taikebbukatda arakaddiuakean Aku pat aili gogoi kineiget.

Hos. 11:7

samba rabebesiake le addeat masikaddiuake aku. Iate tupaoreiji sia geti, tapoi ta'anai siujaake sia kenanen musosoga sia manindou paroman.”

Hos. 12:10

Tapoi aku Tuhan, Taikamanuamui, sipasiambit kam bela ka laggai Misir. Kuoba pei le' masikau kam mukuddu minca ka sapou kele siboiki kateteret Aku oi katubumui ka simatangeu.

Ams. 2:11

Akusuruakeaan sangarubeiat sibara ka tatogamui ibailiu nabi samba sangarubeiat sibau tubu ibailiu sapagugulet Tuhan Ta'pa bulatnia kasedda, ale kam tai Israel? Kisedda te ngangan Tuhan.

Malk. 3:7

Kele taikebbukatmui siburu, sangamberimui masipasabau surukatKu samba ta mariuriu topitmui. Toiliake kam katubukKu, iageti toili leu Aku ka tubumui. Tapoi parere' peile kam, “Aponia bulat galaiakenenmai bule kutoili kai ka tubum?”

Luk. 11:49

Ia te lulunia sikut paatuat Taikamanua masikua, ‘Kukoiniake tai nabi samba tai apostel ka sia, sabagei ramateiake, sabagei rapaoreji.’

5Mos. 9:7

Repdem kam kipa anubaraake kam pugolukat Tuhan Taikamanuamui ka simatangeu. Baranangan anukaddiuake kam Misir pat sege kam sene, aipeile nulawan kam si Tuhan.