Jer. 7:23 - BUKO SIPUNENAN

²³ sarat nene le' Aku parentaake katubutda: Arepake le' ngangangKu, iageti bailiunangan Aku Taikamanuamui samba kam ibailiu geti paamianKu, samba tut le' sangamberi enungan siparentaakenenKu katubumui, bule imaangka bagamui!

Jer. 7:23 Iomraidhean Croise

Job 36:11

Ke raarepi samba rareddet tiboietgda, maerunangan purimanuaiatdra pat aili kalepakat purimanuaiatda samba masanang pat aili kalepakat ruratda.

PSALMEN 119:3

Ta ragalaiake sikatai, tapoi murimanua le siripot sangamberi enunganNia.

PSALMEN 40:6

Bulat maigi anugalaiake, ale Tuhan, Taikamanuangku, kerek sigalaiNu samba sipinatum addeatmai. Taanai momoi tupakereake kele Ekeu! Kuoba kupaagainia samba kukuania, tapoi bulat makope igi taddenia ituadde.

PSALMEN 81:13

Kalulut nenda obaakekungannia kabagat kelat patuatnia; eddangan ratutake siobat bagatda!

2Mos. 15:26

Kuanangan si Tuhan, “Reddet kam tiboieku sibulatnia, samba galaiake kam apa addeakenenKu simaeru, reddet kam sangamberi parentaKu. Ke kam masigalaiake kisedda, ta Kuukum kam ka sangamberi besi siorakngakenenKu ka tai Misir. Aku te Tuhan sialeake kam.”

2Mos. 16:32

Kuanangan si Mose, “Si Tuhan masikoiniake sita masiala rua ngaliter manna koiriakenen addeat sapunuteteuta, bule ioi raitco komen siaket Tuhan katubutta ka simatangeu, kateteret aiambit sita bela sibara ka Misir.”

Jes. 3:10

Segeake le, mauktuk te sirimanua simatopit! Kalulut rakokom te buat sigalaira.

Jer. 11:4

siparentaakenenKu taikebbukatmui kateteret Kuambit sia bela ka Misir, ka purusuat pasianaugat laba', pasamba masikua: Arepake le' ngangangKu samba galaiake le' sangamberi aponia siparentaakenenKu katubum, iageti bauliunangan kam paamianKu samba Aku ibailiu geti Taikamanuamui,

Jer. 11:7

Aipoi bulat sibulatnia Kuparepdep le' taikebbukatmui kateteret Akupalulu sia bela ka laggai Misir; pat aili kateteret nene Kuparepdep le' sia simariuriu: Arepake le' ngangangKu!

Jer. 13:11

Kalulut kele akkik tenga ituettet ka tengan sara sirimanua, kise te' sangamberi suku Israel samba sangamberi suku Jehuda Kuottotake ka tubuKu, kise te' ngangan Tuhan, bule sia nenda ibailiu paamian, onien, umunen samba abeuakenen kaKu. Tapoi sia nenda ta'raoba masiarepi.”

Jer. 22:21

Amanibongan Aku katubum aipeile ekeu maeru puririmanua, tapoi anukua le': Ta'kuoba masiarepmake!” Nenda te' galaitubum kateteret bau tubum, aipoi ta'anuoba masiarepi ngangangKu!

Jer. 22:3

Kasene le' ngangan Tuhan: Galaiake le' puroipoat samba pubulanan, obaake le' sirimanua siraurau kakabei sirimanua sipasirarauraunia, bui nuorei samba bui nugalai pugege katubut sirimanua siooiake, siputata' ina, samba sipululumang samba bui numateiake sirimanua sita'sele ka kudduat nene!

Jer. 24:7

Kukau geti ka sia paatuat addeat masiagai Aku, iate' Aku te Tuhan. Ibabailiu le' geti sia paamianKu, samba Aku nene ibailiu le' Taikamanunra, aipoi arabauake le' geti paatuatra toili katubukKu kamuinet paatuatnia.

Jer. 31:33

Tapoi kasenen le' palelenga sibaraakenenKu pasamba muntogat Israel pasat gogoi nenda, kise te' ngangan Tuhan: Kukakau le' surukatKu ka tubutra samba masisuratnakenia ka paatuatra; Iageti bailiunangan aku Taikamanuanra samba sia ibailiu geti paamianKu.

Jer. 32:23

Lepa geti gurukirangan samba kudduijirangannia, tapoi ta'araarepi ngangaM samba galai tubutra ta'siripokat surukatNu; ta'aragalaiake sangamberi aponia addeat tugalaiake. Lulut nenda Nukau le' katubutda senengamata pugejaatbaga nene.

Jer. 38:20

Aleginangannia si Jeremia, “Pagalaiat nenda ta'muaaili! Arepmake le' ngangan Tuhan kapagalaiat apa sikuakku katubum, iageti maerunangan puririmanuam samba engam leu tupasikeli.

Jer. 42:6

Simaeru samba sikatai, kuaarep le kai ngangan Tuhan, Taikamanuanta, katubuNia akukoiniake kai ekeu, bule imaeru puririmanuamai, kelulut akuarepikai ngangan Tuhan, Taikamanuanta.”

Zep. 3:2

Makatainangan te laggai sitaioba' masisilo' paasekat Tuhan, samba sitaimaletcei kapatekakatNia, sitai sege'ake' purimanuaiatnia kai Tuhan, samba sitaitiddou paroman katubuNia!

Zakh. 6:15

Sangamberi sirimanua moi te geti sibara ka kudduat ka sareunan addeat masiropmake masigalai UmangKu. Ke alepaan itugalai nenda, agairangan geti, Aku Tuhan Sipulugege amasikoiniake ekeu katubutda. Sangamberinia nenda muaaili te geti kebai bulatnia rareddet sangamberi parentaKu, Tuhan Taikamanuandra.”

Zakh. 7:7

Iate nenda sikuat Tuhan sisege'akenendra tai nabi ka teteret siburu ai pei le rakukudduji Jerusalem samba silaggaijinia taanai simagulai. Kateteret nenda sirimanua tasarat ka laggai sigoiso ka legret Jerusalem rapukuddu tapoi pat aili isit ka kaiaman samba ka senen leleu isit sikaleleu.

ROMA 16:26

tapoi kineneiget atupatoilaan samba siripot parentat Taikamanua sitaitatata, aisegeakean bukoda tai nabi ka sangamberi bangsa, masipalulu sia rareddet mutonem baga.

2Kor. 10:5

Kuragatnake kai senen isiat paatuat sikatai samba kubukkatnake kai pubuangan paatuat sisaggangi pasiagaiat Taikamanua; samba kuappara kai sangamberi paatuat sirimanua masikau nia mureddet ka Kristus.

5Mos. 11:27

Isusukatnake te kam ke mareddet kam ka sangamberi parentat Tuhan Taikamanuamui, sisegeakenenku ka tubumui gogoi nene.

5Mos. 13:4

Si Tuhan, Taikamanuamui, buita nutut kam samba buita nukalotoake kamNia, buita nuungkaake kam surukatNia, ngangaNia buita nuarepi kam, katubuNia bui tamupagugulet samba mutopit.

5Mos. 13:5

Nabi ele saute nenda bui' ta tuukum matei le', kalulut ainanaan mujo kai Tuhan Taikamanuam, sibelaake kam ka laggai Misir samba sitebui ekeu ka lalep paoreat – ioba ipepeake kam ka enungan siparentaakenen Tuhan Taikamanuamui, ka tubumui bule tuenung. Kisedda te' bui'tanutataake sikatai nenda ka talagamui.

5Mos. 30:2

Ke noba kam samba sapunuteteumui toili ka tubut Tuhan Taikamanuamui, samba ka bagat muinet patuat nureddet kam parentaNia sisegeakenenku ka tubumui gogoi nene,

5Mos. 30:20

Kau nupununtuki kam baga Tuhan Taikamanuamui, kau mareddet kam ka tubuNia samba kau mariuriu topitmui ka tubuNia. Iageti manantanangan ruramui samba ruratdra sapunuteteumui ka laggai sipalelekngakenen Tuhan katubutda taikebbukatmui, si Abraham, Ishak samba si Jakob.”

5Mos. 30:8

Mareddetmuian minca ka tubut Tuhan samba enungakemuian sangamberi parentaNia sisegeakenenku ka tubumui gogoi nene.

5Mos. 4:10

pagalaiat gogoi nenda, ka teteret anupurio kam ka matat Tuhan Taikamanuamui ka leleu Sinai. Ka teteret nenda kuanangan ka matamui, “Ruruake kam bangsa nene. Kuoba raarep aponia segeakenenKu, bule ragelai mureddet ka tubuKu ka sanganantat purimanuaiatdra, samba bule ragelaiake tatogatdra mureddet ka tubuKu.”

5Mos. 4:40

Reddet kam sangamberi surukat siakeku ka tubumui kineneiget, bailiu maleleknangan puririmanuamui samba sapunuteteumui, samba riuriu nupurimanua kam ka laggai akenen Tuhan Taikamanuamui sibailiu ikepmakenenmui teret buru-buru.”

5Mos. 5:16

Suru' samba pasikeli kam sia saukkui samba sainamui. Iate parentaKu, Tuhan Taikamanuamui, bule imaeru puririmanuamui samba imananta puririmanuamui ka kupkumen laggai akenenKu katubumui.

5Mos. 5:29

Ke' kele kasedda bai rapupaatuat! Mariuriu rasuru' Aku samba rareddet parentaKu, maerunangan puririmanuandra samba purimanuaiatdra sapunuteteura teret buru-buru!

5Mos. 5:33

Galaiake kam sangamberi siparentaakenen Tuhan Taikamanuamui ka tubumui bule imaeru puririmanuamui samba ioi nukuddu kam simariuriu ka kupkumen laggai kuddujietmui.”

5Mos. 6:3

Kalulut nene arepi kam sasaraina, galaiake kam ka bagat riuriu topit, bule imaeru puririmanuamui samba ibailiu kam bangsa sabeu ka laggai simakayo samba simaeru, kele sipalelekngakenen Tuhan Taikamanuamui ka taikebbukatta.

Ibr. 5:9

samba kele aikappuluake sangamberinia, bailiu nia bakkat puaragat sitaitatata ka sangamberi simareddet ka tubunia,

1Sam. 15:22

Tapoi kuanangan si Samuel, “Kaipa bulat makope ioba si Tuhan, purereddet ele panguruat buluakenen? Maeru peile mureddet katubut Tuhan bele peile masipanguruatake buluakenen. Maeru peile mureddet bele peile tabet biribiri simanteu.