Jer. 7:19 - BUKO SIPUNENAN

¹⁹ PaatuaKu pa' sibulatnia arabesiki, kisedda te' ngangan Tuhan, ta' pa' patuatda le', bailiu maailarangan?

Jer. 7:19 Iomraidhean Croise

1Kor. 10:22

Ele taoba pa tangoingoiake bagat Tuhan? Sita pei le pa maron ka Taikamanua?

Jer. 20:11

Tapoi ipaalei le' aku si Tuhan kele saladdu simagege, kalulut nenda sangamberi sirimanua sipasikukukru aku tusoksok bele le' samba ta'momoi ragalai aponia pa'. Bulat makope le' ailatda, aipoi ta'mariuriu pinaatutda, sara lolit teret buruburu tatukakalipogi!

Jer. 9:19

Aipoi maarep le geri barania Sion: O, masusubungan te' sita. Aipoi bui ta'kukakaddiuake le' kai laggai nene, kalulut sangamberi lalep kudduatmai raragat le' sirimanua.”

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jes. 45:16

Tapoi sangamberi sipasigalai tularat bulungan buita tusoksok ka sut puailaat samba iorak leu sia paloloiat.

Jes. 1:24

Kalulut nenda, kise te ngangan Tuhan, Tuhan Sebaot, Sipulugege, sipasijago Israel; “Kuala te lumun katubutda saggakKu, samba masigalaiake lumun katubutda tai saggakKu.

Jes. 1:20

Tapoi ke nusaggangi samba ta mareddet kam Aku, matei le kam geti ka lanjau.” Bulatnia te, Aku, Tuhan amasikua.

Job 35:6

Ke nugalai jo, aponia nugagalai katubuNia? Ke maigi puseleatnu, aponia nugagalai katubuNia?

Ezra 9:7

Baranangan ka teteret ka taikebbukatmai aili kineneiget, majo kai ka tubum paamianNu. Iate lulunia tukalaake kai, tai rimata, samba leu tai imammai sia rimatadra bangsa bagei, tumateiake kai, turaurau samba tuabbit kai bailiu tangsiakenen. Atupaloloian kai simakope, kele sipuaaili ka gogoi nene.

5Mos. 32:16

Buluijirangan sabulungan, bailiu magolunangan bagat Tuhan, bara goluNia kalulut pukakatai sigalaiakenendra.

Jer. 2:17

Ta' leu pa' ekeu le' amasigalai nene katubum, kalulut kakaddiuakenu, Tuhan Taikamanuam kateteret Ipalulu ekeu ka enungan.

Jer. 8:19

Arep! soga okkot bangsaku masitiddou paroman barania ka laggai simareunan: “Ta'anai pa' si Tuhan ka Sion” Ta'anai pa' Rimatania ka bagania?” – Angoi pa' rabaraake le' besit paatuatKu pasamba sangamberi tularat buluijietda pasamba sangamberi taikamanua bagei sita'katukolobat?” –

Jer. 15:9

Iageti mangorik le' sinanalep sipususuruket pitungaminca engania soak, ka sia sulu abelan le' kenanen matago pei le', ibailiu le' imaila samba tupakaila. Sia sipulelegei Kukau le' sia ka lanjau ka matatda tai saggakda, kise te' ngangan Tuhan.”

Jer. 22:22

Sangamberi sirimanua sipasijago kam itataake geti rusa simapiret, samba sangamberi simanuntubagam tuambit geti itukabe'. Kateteret nenda geti ibailiu le' ekeu maaila samba malolit kalulut sibara kasangamberi pukakatainu.

Jer. 25:7

Tapoi ta'nuarepikam Aku, kise te' ngangan Tuhan, bailiu baraakemuian besit paatuatKu pasamba sigalai kabeimui addeat pugejaatbagamui saramui.

Jer. 44:3

Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jehz. 16:26

Paolopnungan tubum ka tai Misir, pabebeakenennu lalep, sabeu keikeiet nenda, bailiu tuppainangan puoloman tubum, sibaraake besit patuatKu.

Jer. 3:25

Oto, eddangan taparep ka bagat aila, samba eddangania isobbeji sita lolitta, aipoi amajongan sita kai Tuhan, Taikamanuanta, iate sita samba taikebbukatta barania ka bau tubutta teret ka gogoi kineneiget; samba ta'an ataarep ngangan Tuhan, Taikamanuanta.”