Jer. 7:15 - BUKO SIPUNENAN

¹⁵ Kuriribbaiake le' geti kam ka matakKu kele sangamberi sasarainamui, iate sangamberi muntogat Efraim, Akuribbaiakean sia.

Jer. 7:15 Iomraidhean Croise

Jer. 15:1

Kuanangan si Tuhan katubukku: “Kenanen bai murio si Mose samba si Samuel ka mataKu, paatuatKu geti taiolei ka bangsa nene. Tuituiake' le' sia ka mataKu, eddangania raei!

Jer. 52:3

Aipoi kalulut golut Tuhan le aipuaili nenda ka Jerusalem samba Jehuda, iate pat ribbaiakenangan sia ka mataNia. Si Zedekia mugege katubut rimata Babel.

2Rim. 17:23

bailiu kalepakatnia taipuletseinangan sia si Tuhan, tapoi riribbaiake le' sia ka polak sikauNia katubutda. Aipuaili nene kele siripot sikuaNia katubutda tai Israel sisegeakenenNia kai tai nabi. Ambitrangan tai Israel ka kudduat katuribbaiatda ka Asyur samba sedda te arakuddu pat aili kineneiget.

Hos. 12:1

Kuanangan si Tuhan, “Aibokkoat aku boko samba pajoat bangsa Israel; bangsa Jehuda riuriu le rasaggangi aku, Taikamanua Sipunenan samba simatopit.

Hos. 9:9

Bulat makope katai galaiakenenmui kele sigalaiakenendra tai Gibea! Taikamanua geti masirepdep puseleatmui samba kalulut jomui ukumnangan kam.

Hos. 9:3

Kam ale bangsa Israel, ta'nukukudduiji kam geti polak siaket Tuhan kakam buita toili kam ka Misir samba buita nukom kam simaharam ka Asyur

Hos. 1:4

kuanangan si Tuhan katubukku, “Kau onin togam nendra Jizreel aipoi ta mabuburu minca Kuukum geti rimatdra tai Israel kalulut pamamatei sigalaiakenen Jehu, taikebbukatnia, ka Jizreel. Kutatataake le geti pupaparentaat montogat Jehu.

Jer. 23:39

iageti bulatnia te' Kulalaba' le' kam samba Kuribbaiake le' kam kamataKu, kam samba leu laggai siakeKu katubumui samba ketubutda taikebbukatmui nenda.

Jer. 3:8

Itconangannia, kalulut paelenannia Kupasaraake le' Israel, sinanalep sitaimatopit nenda, samba masikau katubunia surat pasaraat; tapoi Jehuda, sarainania sinanalep sitaimatopit nenda ta'molotonia, tapoi mei leuetnia muolop tubu.

2Taw. 15:9

Ruruakenangan sangamberi tai Jehuda samba tai Benjamin samba leu tai Efraim, Manasye samba Simeon sikuddu katalagatda sibailiu siooiake. Kalulut sibara ka tai Israel maigi siei katubunia kateteret araitco roropakenania si Tuhan Taikamanuania.

2Rim. 24:20

Bulat goluNia simakope katubutda sipulaggai ka Jerusalem samba ka Jehuda bailiu taipuletseinangan sia.

4Mos. 1:32

Pagalaiat muntogat Josep: kateteret tiboi tubu suku Efraim siripot muntogatda sibabara ka sukutda, oto suratrangan sangamberi oni da tatoga taimanteu sipurura rua puluh kapata, sangamberi sirimanua siooi pasaggak.

PSALMEN 51:11

Lipputake le pumataatNu ka joku, posa le senengamata puseleatku!

Jes. 7:16

aipoi kepei iagai masikeraake sikatai samba masipili simaeru toga nenda, iageti laggai uteakenenda karua rimata kalotoakenennu nenda tukaddiuake le imatangeu.

Jer. 9:19

Aipoi maarep le geri barania Sion: O, masusubungan te' sita. Aipoi bui ta'kukakaddiuake le' kai laggai nene, kalulut sangamberi lalep kudduatmai raragat le' sirimanua.”

Jehz. 23:31

Murimanua le ekeu masitut paraboat kebbunu, kalulut nenda Kuake le geti lo'nu sibara ka pulokatnia.

Hos. 7:13

Matei le sia, aipoi arakaddiuakean aku. Ipasasabau le sia geti kalulut arasaggangi aku.

Hos. 9:13

Tuhan, akuitco rakukru tatogadra samba ramateiake.

Jon. 2:4

Kuakkungan kapatuatku: Aituituiakean aku si Tuhan ka mataNia. Taan kuitco minca lalep kudduatNia sipunenan.

Jer. 23:33

Ke'bai bangsa nene – sara nabi ele imam – masiparere katubum: Aponia Patoneket bairanen aiake si Tuhan? iageti alegunungan sia: Kam te' bairanen nenda! Kalulut nenda Kuriribbaiake geti kam kamataKu, kise' te' ngangan Tuhan.

Jehz. 33:25

Kalulut nenda kua katubutda: Kise te tiboiet Tuhan Taikamanua: Nukom le kam akkula pasamba logaunia, itcomuian leu sabulunganmui samba piliakemuian logau, mariuriu pa ibailiu bakkatmui polak nene?