Jer. 7:13 - BUKO SIPUNENAN

¹³ Oto kineiget, kalulut kam leu anugalaiankam sangamberinia galaitubu nenda, kisene te' ngangan Tuhan, samba kalulut ta'nuoba kam masiarepi, kenenen bai manibo Aku simariuriu katubumui, samba ta'nuobakam masialegi, kenanen bai mugerei Aku katubumui,

Jer. 7:13 Iomraidhean Croise

Pangt. 1:24

Kalulut nukeraake kateteret kupusoga, samba taanai sipuukunia kateteret akutotoiake kabeiku,

Jes. 50:2

Angoi kateteret Akuoi taanai sirimanua, samba kateteret Akupasogai taanai sialeginia? Ele mateteat le pa kabeiKu masiarauake ele taanai pa ronKu Kupasibelaake? Bulatnia te, kalulut paasekatKu le Kugarakake koat, Kugalai sangamberi bagat oinan ibailiu polak simatangeu sangamberi iba bailiu mabelet kalulut taanai oinan samba matei kalulut oggou.

Jes. 65:12

Kuteuake le geti numatei kam ka lanjau, samba sangamberimui mulukkuk bule tuja'ja! Kalulut kateteret Akupusoga, ta anualegi kam, kateteret Akupanibo, ta anuarep kam, tapoi anugalaiake le kam sikatai ka matakKu samba noba peile kam sitaiobaket bagakKu.”

Jes. 66:4

Kisedda te kopenia obaKu masigalai siobat bagakKu katubutda samba masibaraake katubutda kalotoakenenda; kalulut ke musoga Aku, taanai sipasialegi, ke manibo Aku, ta raarepi, tapoi ragalaiake le sikatai ka matakKu samba makope peile obara ka sitaiobaket bagakKu.

Jer. 11:7

Aipoi bulat sibulatnia Kuparepdep le' taikebbukatmui kateteret Akupalulu sia bela ka laggai Misir; pat aili kateteret nene Kuparepdep le' sia simariuriu: Arepake le' ngangangKu!

Jer. 11:8

Tapoi ta'raoba masiarepake ele masilelekake, tapoi senenda ratutake le' kelat paatuatda sikatai: iageti Akubaraakean katubutda sangamberi nganga palelengan nene, siparentaakenKu tuukkaake, tapoi ta'araukkaake.”

Jer. 13:10

Bangsa sikakatai nene, sitaioba masiarepi sangamberi tiboietKu, sioba masitut kelat paatuatnia samba masitut taikamanua bagei addean masipuneni samba manindou ka tubutda, ibailiu le' geti kele akkik tenga nene ta'anai kautania aponia pa'.

Jer. 13:11

Kalulut kele akkik tenga ituettet ka tengan sara sirimanua, kise te' sangamberi suku Israel samba sangamberi suku Jehuda Kuottotake ka tubuKu, kise te' ngangan Tuhan, bule sia nenda ibailiu paamian, onien, umunen samba abeuakenen kaKu. Tapoi sia nenda ta'raoba masiarepi.”

Jer. 25:3

Barania ka rura sikapulutelu puparentaat Josia togat Amon, rimata Jehuda, teret gogoi nene, oto ruapulu telungarurangan ujunia, aioi tiboiet Tuhan katubukku samba mariuriu le' kutiboakenia katubum, tapoi ta'nuoba masiarepinia.

Jer. 26:5

samba ta'nuoba' masiarepi tiboietda sapaguguletKu, tai nabi simariuriu Kukoiniake katubum – tapoi ta'nuoba'kam masiarepi –

Jer. 29:19

sibailiu ukuman taiaarepida tiboietKu, kise te' ngangan Tuhan, sinegeakenenKu katubutda simariuriu ka paneiteianda sapaguguletKu, iate tai nabi; tapoi taanuarepi kam, kise te' ngangan Tuhan.

Jer. 32:33

Arakateiteiakeaan Aku samba ta'an momoi sia masialiake Aku, samba kenanen bai Kugelaiake sia, simariuriu, ta'raoba masiarepi ele masisilo ukuman.

Jer. 35:14

Kirenangan parentat Jonadab togat Rekhab nenda aipei le' tueenungake; aiparentaakean ka sapunuteteunia, bule bui ralo' anggur, samba teret kineneiget ta'ralolo' anggur, aipoi araarepi le' parentat taikebbukatda. Mariuriu le' kupanibo katubumui, tapoi ta'anuarepikam Aku.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 35:17

Kalulut nenda kise' le' ngangan Tuhan, Taikamanu Sebaot, Taikamanuan Israel: Bulatnia te', Kubaraake le' senengamata pasisiboat siteuakenKu ka tai Jehuda samba kasangamberi sipulaggai ka Jerusalem; kalulut amanibongan Aku katubutda, tapoi ta'raoba masiarepi, samba amusogangan Aku katubutda, tapoi ta'raoba' masialegi.”

Jer. 44:23

Anulaboaan kam buluakenen samba amajongan kam kai Tuhan. Ta'nuoba kam masiarepi ngangan Tuhan samba masitut surukatNia, SiteuakenenNia samba Enungan sigalaiNia, nenda te' lulunia iorak kam paoreat, kele simakokoinong kineneiget.”

Jer. 44:4

Mariuriu le Kuake ka kam sapaguguletKu, tai nabi sipasikekera sia masigalaiake pukakatai simalagabagaKu nenda.

Jer. 5:21

“Arepmake kam nene, ale bangsa sitaiagai paatuat samba sita'anai paatuat, sibara mata, tapoi ta'masiitco, sibara talinga, tapoi ta'masiarep!

Jer. 6:10

Kasei katubu pa' kupaninibo samba kupasipopoiliat, bule raoba masilelekake? Bulatnia, piura ta'amusunat, ta' momoi rapasiarep! Bulatnia, tiboiet Tuhan ibailiu le' gegeietda, ta'raobania!

Jer. 7:25

Barania peile kateteret arabela taikebbukatmui ka Misir pat aili gogoi nene, Kukoiniake katubutda sapakoinienKu, tai nabi, gogoi ka gogoi, simariuriu,

Hos. 11:2

Tapoi iapei kusogai togakku nenda iapei imareunan katubukku. Iambit le buluakenen samba ilabo le dupa Addeat Baal samba taikamanua sabagei.

Hos. 11:7

samba rabebesiake le addeat masikaddiuake aku. Iate tupaoreiji sia geti, tapoi ta'anai siujaake sia kenanen musosoga sia manindou paroman.”

Hos. 9:17

Taikamanua reddenenku nenda geti masituituiake paamiannia, kalulut ta'raoba masiarepakenia pueppakrangan geti ka bangsa-bangsa bagei.

Zakh. 7:13

Kalulut nenda, taakualegi panindogatdra, aipoi taraarepmake Kupanibo.

Mat. 23:37

“Jerusalem, Jerusalem! Simateiake tai nabi samba sipasibabaijuk sikoiniakenen kekeu! Piga ngamincaan akusibo masiruruake tatogam kele iruruake togania gougou ka tei kapponia, tapoi ta anoba kam.