Jer. 7:10 - BUKO SIPUNENAN

¹⁰ Lepat oi kam murio kamataKu ka uma pasisogaiat oningKu, sialei masikua: Maarauan sita, bule ioi leuet tugalaiake sangamberi galaitubu kasitsitnakenen nene!

Jer. 7:10 Iomraidhean Croise

1Rim. 9:3

Kuanangan si Tuhan katubunia, “Akuarepingan panindogatnu, samba uma sigalainu nene Kubailiuakenia kudduat sipunenan kudduat panindogat katubukKu teret buru-buru. Mariuriu le geti kupasikeli samba Kujago kudduat nene.

2Rim. 21:4

Aikuangan si Tuhan, Jerusalem iate kudduat kaoijananNia samba kudduat panindogat katubuNia, tapoi ka Uman Tuhan, si Manasye masigalai kudduat pasibuluat sabulungan.

2Taw. 33:4

Aikuangan si Tuhan, Jerusalem iate kudduat panindogat katubuNia, tapoi ka Uman Tuhan, si Manasye masigalai kudduat pasibuluat sabulungan.

2Taw. 33:7

Kaunangan tularat bulungan kabagat Uman Tuhan, kenanen aikuangan si Tuhan katubut David samba kai Salomo, togania, “UmangKu samba laggai Jerusalem nene, sikokoiakenenKu katalagat sipulurua muntogat Israel, iate kudduat siteuakenenKu sibailiu kudduat panindogat katubukKu teret buruburu.

Pangt. 15:8

Isilo le si Tuhan panindogatda sirimanua simatopit, tapoi malaga le bagaNia panguruatda sirimanua sikatai.

Jes. 48:2

sarapei rakua tubutda siripot laggai sipunenan samba mukaronan sia ka Taikamanuan Israel, Tuhan Sebaot oniNia.

Jer. 32:34

Rapagalak le' sabulunganda ka sitsitnakenen ka lalep ka uddutnia oningKu tusogaake addeat masikasitsitnakenia.

Jer. 34:15

Gogoi nene anubauakean paatuatnu samba masigalaiake aponia simaroipo kamataKu kalulut senen sirimanua masipaagai pasibelaiat ka sasarainania, samba anugalaian kam palelengan ka mataKu ka uma pasisoaagat oningKu.

Jer. 44:9

Anukalipogingan pa' kam pukakataira taikebbukatmui, tai rimata Jehuda, sikebbukat laggai, pukakataimui samba sinanalepmui sigalaira ka laggai Jehuda samba kasangamberi enungan ka Jerusalem?.

Jer. 7:11

Aibailiuan pa' rumun sipararaurau ka matamui lalep pasisogaiat ka oningKu nene? Ke' Aku, Aku le' masiitco sangamberinia, kisene te' ngangan Tuhan

Jer. 7:14

kalulut nenda te' ka lalep, ka uddutnia tusogaake oningKu samba atciakenenmui nenda, samba ka kudduat, siakeKu katubumui samba ka taikebbukatmui nenda, Kugalai te' geti kele sigalaiaKu ka Silo;

Jer. 7:30

Bulatnia, tai Jehuda aragalaiakean sikatai ka mataKu, kisene le' ngangan Tuhan. Aiuddetakean sangamberi taikamanua kasitsitakenen ka bagat lalep pasisogaiat oningKu nene addeat masilolitake.

Jehz. 20:39

Ale kam, muntogat Israel, kise te tiboiet Tuhan Taikamanua, eddangan senesenenda mei manindou ka sabulunganda. Tapoi lepa geti nuarep te geti kam Aku samba taan nupasasabau kam pusisipunen oningKu sipunenan kabagat panguruatmui samba sabulunganmui.

Jehz. 23:29

Ragalaiake le katubum kabagat lagat baga samba raraurau sangamberi buat besit tubum samba rakaddiuake le ekeu sibulutut, bailiu matoilanangan keikeiet puoloman tubum. Paeletnu samba puoloman tubum

Jehz. 23:37

Kalulut paelet le sia, mugorok le logai kakabeira samba paelet le sia kabagat masibuluiji subulungannia, beringan tatoga situ'tuakenenda bakkatKu rapanguruatake sibailiu buluakenen kabagat obengan katubutda sabulungannia sibailiu komen.

Jehz. 23:39

Raja'ja le tatogatda uktuk sabulunganda, moi le sia ka gogoi nenda ka kudduat sipunenanKu samba masipasabau pusisipunenannia. Bulatnia, nene te aragalaiake kabagat lalepKu.

Jehz. 33:25

Kalulut nenda kua katubutda: Kise te tiboiet Tuhan Taikamanua: Nukom le kam akkula pasamba logaunia, itcomuian leu sabulunganmui samba piliakemuian logau, mariuriu pa ibailiu bakkatmui polak nene?

Jehz. 33:31

Moi le sia katubum kele rurukat siberikabaga samba mukuddu kamatam sibailiu paamianKu, arepirangan leu aponia sikuakku, tapoi ta aragalaiake; ngungunda sun le tiboiet punununtut baga, tapoi patuatda masikukru puuktungan simalolit.

Jehz. 5:11

Kalulut nenda, Aku sipuririmanua, kise te tiboiet Tuhan Taikamanua, bulatnia te, kalulut anupalolit poi kudduat sipunenanKu kabagat sangamberi bulungannu kasitsitakenen samba sangamberi sigalaiakenennu sikatai, Aku le geti masibubukkatake ekeu. Ta te Kupunununtuki ekeu baga samba ta Kuagai katet baga.

Dan. 9:18

Oi Taikamanuangku, tongiake talingam samba arepi, bukaake matam samba itco katusubuatmai samba laggai oniakenen kabagat onim, ta kalulut putotopimai, tapoi kalulut sun pununtuat bagam le.

Hos. 6:9

Tai Imam ka laggai nenda makere le mungkuat sipasiraraurau sikrekreake sirimanua situsasabau. Ka enungan masiailiake kudduat sipunenan ka Sikhem leuet ragalaiake pamamatei! Sangamberi pukakatai nenda sipali' le ragalaiakenia.

Ams. 4:5

Labo le' buluakenen pusurakat sibara ka roti sibara sioman samba paarepmake sangamberi panguruat kateubaga; paagaiake le nenda! Aipoi ta'pa kise siobat bagamui, ale tai Israel?” kise te' ngangan Tuhan Taikamanua.

Zep. 1:5

Kusappruake le kasei pa situsasakai ka teitei lalep sipanindogi sulu, laggo samba panyanyat. Kutataake leu sia sipanindogi Aku samba sipususuppa sim ariuriu katubukku, tapoi musuppa leunia ka onin bulungan Milkon.

Malk. 3:15

Ataitcoan kam pusanangandra sangamberi sirimanua simabuak patuat. Sirimanua sikatai ta sarat ituppai erut puririmanuandra, tapoi ke' rasibo puoom bagat Taikamanua ragalaiake sikatai, bebela leu et sia.”

Mat. 23:13

“Paan te ka kam siagaisurat samba tai Parise, sipatataju! Nulekkereake le kam matatbaliu Purimataat Sorga. Ta poi tuguguru kam ka bagania, keramuian sabagei sioba tuguru. [

Joh. 13:18

Ta pagalaiat kam sangamberimui sikuaku nene. Kuagai poi sia sipiliku. Tapoi bule ipuaili siniboi Surat Sipunenan sipasikukua, ‘Alei pakomakenenku aikieakean rerenia ka tubuku.’

Joh. 18:28

Mamancep pei le taroakerangan Jesus ka purapanan barania kai Kayafas. Sia geti ta atuguru sia ka purapanan, bui ramalolit, bule ioi rakom Paska.