Jer. 6:21 - BUKO SIPUNENAN

²¹ Kalulut nenda kasene le' ngangan Tuhan: Bulatnia Kukakau le' geti bukku katusoksongan ka matat bangsa nene, bule rabele' situsosoksok kalulutnia; saukkui samba leu tatoga, pabebeakenen lalep samba saaleinia, sangamberitda masusubu le.”

Jer. 6:21 Iomraidhean Croise

2Taw. 36:17

Iageti si Tuhan masitubbui patuat rimata Babel bule rasaggangi sia. Rimata nenda masimateiake tai Jehuda sibau tubu, samba leu sikukuddu kabagat Uman Tuhan. Ta aipununtuki baga berisara sirimanua, simabaja samba sibau tubu, taimanteu samba tainanalep, simabesi samba simaarau tubu. Sangamberitda nenda kaunangan sia Taikamanua katubut rimata Babel.

Jes. 8:14

Ibailiu le Nia geti kudduat sipunenan, tapoi leu et ibailiu bukku rapeet bukku katusoksongan ka rua muntogat Israel nenda, samba lei ibailiu sesere samba luluplup ka sipulaggai ka Jerusalem.

Jes. 8:15

Samba maigi te katalagatda situsosoksok, bele sia samba bara siorangan katubutda, tulaba samba tuluplupake.

Jer. 13:14

Lepa Kupalulukluk le' geti sia senenda, pat katai, saukkui pasamba tatogania, kise te' ngangan Tuhan. Kususubuake le' geti sia ka tatat katet baga, tatat nunutut baga samba taiappeakenen.”

Jer. 13:16

Latsatake le' si Tuhan Taikamanuam, kepei Igalaiake gogoi pugepgeman, kepei tusoksok rerem ka uddut sangamberi leleu sisaluki soibo, kele airangengena, toro tapoi Ibailiu le' mainep samba silinangannia bailiu magepgep.

Jer. 18:21

Kalulut nenda kau le' sangamberi tatogadra ka pulajeat, samba obaake le' ite'te' sia lanjau! Eddangnia tainanalepdra imapepe toga samba taimanteura; eddangania ramatei taimanteu kalulut besi' simalangoket samba sangamberi matei kalulut lanjau ka pasaggangan!

Jer. 18:23

Tapoi Ekeu, ale Tuhan, Nuagai le' sangamberi sipinaatutdra masimateiake aku. Ba' appeake puseseletda, samba ba' poposa jotda kamataM, tapoi eddangania ratusoksok ka mataM; galaiake' le' katubutda ka gogoi pugolukatNu.”

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 8:12

Siripokatnia maaila le' sia, aipoi aragalaian paloloiat; tapoi ta'raagai aila samba tatuagai lolitda. Kalulut nenda mabukkat le geti sia, katalagat sangamberi sirimanua simabubukkat, tusoksok bele le' sia kateteret tuukum sia, ngangan Tuhan.

Jehz. 3:20

Ke sara sirimanua simatopit ikaddiuake putotopitnia samba galainangan patajuat, samba galakkungan bukku pasisoksok kamatania, matei le nia. Kalulut ta anuparepdepnia, matei le nia kabagat jonia samba sangamberi sigalainiakenennia simaeru taan turerepdep, tapoi kutitiddou te silit engania katubum.

Jehz. 5:10

Kalulut nenda, sangamberi saukkui katalagmui rakom le geti tatogatda samba tatoga rakom le geti saukkuira samba Kuorakngake le geti ukuman katubum, oto sangamberi sipulelegei peile katubum Kusaragaiake le geti ka sangamberi matat rusa.

3Mos. 26:37

Pababalau le geti ekeu samba tusoksok le ekeu pasamba sabagei kenanen taanai sipasikukuru. Samba tanuoom geti masisaggangi sangamberi saggakmui.

ROMA 11:9

Samba si David masikua, “Kau ibailiu punenda bailiu sesere samba papakpak, kabelekat samba pasilumunan ka sia.

ROMA 9:33

kele sitususurat: “Bulatnia kugalakngake ka Sion sara bukku tuluiet samba sara bukku katusoksongan, samba kasei sikatonemi nia, ta tupakakaila.”

1Ptr. 2:8

samba “Bailiu bukku tuluiet, samba bukku katusoksongan.” Tusoksok sia sedda kalulut ta mareddet sia ka tiboiet Taikamanua; kisedda te aiteuake Taikamanua ka tubuda.