Jer. 6:2 - BUKO SIPUNENAN

² Ai pa' okko Sion makere' kele su'su' bulat obaket,

Jer. 6:2 Iomraidhean Croise

Jes. 1:8

Sioko Sion mulegei sarania kele sapou ka monen anggur, kele sapou ka monen timu samba kele laggai sialou.

Jer. 4:31

Aipoi kuarep le' nganga kele ngangan sinanalep sipususule', ngangan sirimanua situokip kele ngangan ina sipasitu'tu'ake matat toga siboiki, ngangan okko Sion simaengai, sipasirerepaake kabainia: “Paan te' kaku, aipoi matei le' aku kamatatda sipamamatei!”

Sou. 2:1

Galaiakenangannia si Tuhan kabagat golu, salukinangan Sion pasamba gepgep. Puaabeu Israel kele buak manua airibbaiakean ka polak. Kateteret aipugolu si Tuhan ta aipuletsei umaNia ka Sion.

Sou. 2:13

Oi Jerusalem, Laggai Sion kilibet baga, karagatatnu bele peile kele liot koat. Aponia momoi kukua kuake pusuibiat bagam? Kalulut, tapei anai sipangongorik kele ekeu. Bulatnia taanai sioi masiarauake ekeu.

Sou. 4:5

Sia simatukkle masinanam komen simananam, samba sipurimanua kabagat pusanangan, kineneiget mugurui masigaba komen ka pasiribbaiat simalolit, samba matei ka enungan kalulut laje.

5Mos. 28:56

Beringan leu tainanalep siabeu tiboi tubu simakope topit samba simakope kayo sita'pei amusila igagalaiake leu kele kisedda.