Jer. 6:16 - BUKO SIPUNENAN

¹⁶ Kasene le' ngangan Tuhan: “Ala le' kudduatnu ka sangamberi enungan, samba itco le' Pare're' le' sangamberi enungan siburu, kaipangannia enungan simaeru, enungi nenda, kise te' ibara kasasanang ketsatnu. Tapoi rakua le': Ta'kuobakai masienunginia!

Jer. 6:16 Iomraidhean Croise

1Rim. 8:36

bule nuarepi sia ka manua. Samba appeake le jot paamianNu Israel samba rimatatda. Gelaiake le sia masigalaiake apa simaeru. Lepa nenda, oi Tuhan, beleake le urat ka tobbou laggai nene, tobbou laggai sikauNu ka paamianNu bule ibailiu bakkatda teret buru-buru.

2Taw. 19:11

Imam Sabeu si Amarya kukau gege sabeu ka sangamberi pakaroat sipaakkup ka surukat arat. Si Zebaja togat Ismael, iate Ute laggai Jehuda, kukau gege sabeu ka sangamberi pakaroat bagei. Tai Lewi buita rapasikeli bule sangamberi sitakkiakenen ka pakaroat buita tugalaiake. Reddet kam sangamberi enungan nene samba galaiake kam ka subulatnia. Bule si Tuhan masipaalei sirimanua sipuparaboat simaroipo!”

PSALMEN 116:7

Sanangake ekeu minca ale ketsatku, kalulut aigalaian si Tuhan simaeru katubum.

Jes. 2:5

Ale, muntogat Jakob, sita kam muenung kabagat patot Tuhan!

Jes. 28:12

Nia sipaninibo katubutda: “Nene te kudduat puariat, kau kam puariat ka sirimanua sitaoi tubu; nene te kudduat puaroiat!” Tapoi ta raoba masirepi.

Jes. 30:21

talingamui masiarep geti tiboiet nene sibara ka teiteimui: “Nene te enungan, puenung kam nutut kamnia.”

Jes. 46:9

Repdep kam sangamberi pagalaiat barania ka siburupeile, Aku te Taikamanua samba taanai sabagei, Aku te Taikamanua taanai kele Aku,

Jes. 57:2

samba tugurunangan ka kudduat simaaban; sangamberi sirimanua sipuririmanua kabagat linat patuat rasese le puariat ka peremannia.

Jes. 8:20

“Gaba le nganturat samba pasimunengan!” Kasei ta manibo kele tiboiet nenda, oto ta bebela pato katubunia.

Jer. 12:16

Samba ke'bai bulat sibulatnia ragelai enungan puririmanuan paamianKu bailiu pusupparangan ka oningKu, ‘Kai Tuhan sipuririmanua,’ kele siboiki ragelaiake paamianKu musuppa kai Baal, Iageti sia leu turioake ka talagat paamianKu.

Jer. 18:12

Tapoi rakua le': Ta'anai lulunia! Aipoi kuoba le' kai mugalaitubu masitut pinaatumai senemai samba senenda masigalaike masitut pukelakat paatuatnia sikatai.”

Jer. 18:15

Tapoi paaminKu arakalipogingan Aku, aralabo' le' buluakenen katubut taikamanua pusiboboiat; atusoksokan sia bele' ka sangamberi enunganda, iate sangamberi enungan baranangan kasiburu pei le', samba tusoip ka enungan, iate enungan sitaigagaktukngakenen.

Jer. 2:25

Jago le', bule bui tamutarangai rerem samba bule buita imaonggou tolou lolokkatnu! Tapoi kuanungan: Siboboi le'! Siboboi le'! Aipoi manuntu bagakku ka sangamberi sirimanua siooiake', oto kuoba le' masitut sia.

Jer. 22:21

Amanibongan Aku katubum aipeile ekeu maeru puririmanua, tapoi anukua le': Ta'kuoba masiarepmake!” Nenda te' galaitubum kateteret bau tubum, aipoi ta'anuoba masiarepi ngangangKu!

Jer. 31:21

Rioake' le' panausau enungannu galai le' kekeu toggaiat enungan; puletsei le' simakolou enungan sabeu, iate enungan sienungiennu! Toili le', ale sioko Israel toili le' ka sangamberi laggaimui nene!

Jer. 42:3

Bule ipaagai si Tuhan Taikamanuam katubumai enungan enungienmai samba aponia kugagalaiake kai.”

Jer. 44:16

“Ta'kuoba kai masiarepi apa sikuam katubumai kaonin Tuhan.

Jer. 50:5

Raparereake geti enungan ka Sion, iageti puenungrangan kaenungan siei sedda. Konan kam tapatabraake tubu kai Tuhan, patabra ka sara palelengan simatom sitaoitukalipogi!

Jer. 7:23

sarat nene le' Aku parentaake katubutda: Arepake le' ngangangKu, iageti bailiunangan Aku Taikamanuamui samba kam ibailiu geti paamianKu, samba tut le' sangamberi enungan siparentaakenenKu katubumui, bule imaangka bagamui!

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Jer. 7:3

Kasene le' tiboiet Tuhan sebaot, Taikamanuan Israel: Paeru le' paraboatmui samba galai tubumui, oto Kuoba le' mukuddu pasamba kam ka kudduat nene.

Malk. 4:4

Repdem le kam sangamberi sigalaiakenen Mose paguguletKu, repdep sangamberi surukat samba sangamberi parenta sikauKu ka tubunia ka leleu Sinai sibailiu reddenen sangamberi pamian Israel.

Luk. 16:29

Kuanangan si Abraham, ‘Aian ka tubuda surat Mose samba tai nabi, ia te aremenda.’

Joh. 12:35

Kuanagan ka matada Jesus, “Taan mauuju ikuddu ka kam pato. Oto puenung kam ka teteret ai pei le pato ka kam, bui isaksak kam gepgep; aipoi sipueenung ka gepgep, ta iagai kaipa ieei.

Joh. 13:17

Ke anuagaian kam nene, mauktuk te kam ke nugalaiake kam nia.

Joh. 5:39

Nugelai kam Surat Sipunenan, ka bagamui poi ka bagania le ibabara ka kam purimanuaiat sitaitatata; oto Surat Sipunenan leu masimunengake pagalaiat tubuku.

Pugap. 17:11

Tai Berea nene makatopit sia bele pei tai Tesalonika; bulat raoba masisilo tiboiet Taikamanua samba senen gogoi rabasa Surat Sipunenan masilelekngake ele bulatnia leu sangamberi sikuada.

ROMA 4:12

Abraham bailiu ukkui leu ka sia sipususunat, ta pususunatnia le, tapoi masitut leu tonem bagat ukkuita si Abraham ka teteret tapei amusunat nia.

5Mos. 32:7

Repdep kam ka teteret siburu, lelekngake kam ka teteret reddenan situsasabau. Parereake kam ka saukkui-inamui, bule rapaagainia ka tubumui.

Kol. 2:6

Anusiloan poi kam Kristus Jesus, Tuhanta, oto puparaboat kam ka bagania,

Ibr. 11:2

Kalulut tonem baga poi taikebbukatta siburu bailiu tumunengake sia.

Ibr. 6:12

bule ta ibailiu kam simabeili, tapoi bailiu sipasitututnake sia sipasiikep palelengan Taikamanua kalulut tonem baga samba om baga.

Pas. 2:17

Tapoi ta arapuletcei tai sipasiukum nenda. Rabuluiji le sabulungan bagei, samba ta matopit sia ka tubut Tuhan. Ta' araului enungan purimanuiat taikebbukatdra simareddet ka parentat Tuhan.