Jer. 6:13 - BUKO SIPUNENAN

¹³ Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 6:13 Iomraidhean Croise

Jes. 28:7

Tapoi sirimanua sikuddu sene leu mapuineng kalulut anggur samba mapuineng kalulut arak. Tai imam samba leu tai nabi mapuineng kalulut arak, taan amakolou kalulut anggur; mapuineng sia kalulut arak, mapuineng kabagat pasiitco pamoilianan, maliggai kabagat masiala katakkikat.

Jes. 57:17

Mugolu le Aku kalulut puseleat alau bagania, Kuukum le nia, Kulipputake matakKu samba mugolu, tapoi ikaddiuake le katonemiennia, bailiu enunginangan enungan sipilit patuatnia.

Jer. 14:18

Ke'bai belaaku ka su'su', sedda ai sirimanua simateiakenen lanjau! Ke'bai tuguruaku kabagat laggai, sedda ai sirimanua simabesi pulalalaje'! Nabi samba imam masigejengi laggai taiaagaietda.”

Jer. 17:11

Kele gou'gou' leleu sikepkemi ta'kepkemiennia, kisedda sirimanua sigaigai pukayoat ka sitaimaroipo, kailet talaga rurania geti pepe le' sangamberinia, samba ka kalepakat rurania maagainangan sirimanua simakela paatuat le' nia.

Jer. 2:26

Kele imaila sipanananggkou kateteret ituailinia, kise te' imaila muntogat Israel, iate tai rimatania, sikebbukat laggainia, tai Imamnia samba tai nabinia,

Jer. 2:29

Angoi nuoba kam paukle pasamba Aku? Kam sangamberimui masigalai sikatai katubukKu kise te' ngangan Tuhan.

Jer. 2:8

Tai imam ta'an aparere' sia minca: Kaipangan si Tuhan? Sangamberi sirimanua sigalaiake' surukat ta'an araagai Aku, samba sia sipasijajago muparaboat sikatai ka tubuKu. Kaonin Baal le' rapanibo tai nabi, ratut le' sita'anaipaluluat.”

Jer. 22:17

Tapoi matam samba paatuatnu sarat masibesiake ka pasikukukru uktuk le', ka pasimamateiake sirimanua sita'sele, ka pasiraraurau samba ka pasioorei!

Jer. 23:10

Laggai asun sangamberi sirimanua sipaelet; bulatnia, kalulut pateleiat nene garak le' laggai samba laju' le sangamberi se'se' ka su'su; apa le' rakukru iate pukakatai, samba ronda iate ta'katuroipoat.

Jer. 23:11

“Bulatnia, nabi samba leu imam masigalaiake le'; ka lalepKu leu et Kuaili le' pukakataira' kise te' ngangan Tuhan.

Jer. 27:15

Aipoi ta Akukoiniake sia, kise' te' ngangan Tuhan, tapoi sibalatda patajuat le' ka oningKu, bailiu Kupasagai le' kam samba ibailiu le' masubu simakere' pasamba tai nabi sipusisibala katubumui nenda.

Jer. 32:32

kalulut senengamata pukakatai sigalaira tai Israel samba tai Jehuda sibaraake besit paatuatKu, kalulut sia, tairimatatda, sangamberi siukebbukatda, tai imamda, tai nabitda, tai Jehuda samba sipulalaggai ka Jerusalem.

Jer. 42:1

Lepa nenda oi sangamberi sautet saladdu, katalagatra ai si Johanan togat Kareah samba si Azarya togat Hosaya, pasamba sangamberi taikauma, barania kataigoiso pat aili ka sabau,

Jer. 5:31

Tai nabi masipatuptup sipatataju samba tai imam sipasigegelaiake ka obat baga, samba sapaamianKu raoba le' kise! Tapoi aponia le' geti nugalaikam ke' bai amoian kalepakatnia?

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Sou. 4:13

Tapoi pagalaiat nenda amuailingan, kalulut jotda tai imam samba tai nabi. Apamateian sia, ramateiake sirimanua sitasele.

Jehz. 22:12

Sirimanua katubum sisilo uktuk sitaimaroipo bule rapamatei, alanungan bungan bulagat ele masiala uktuk samba masigebaake saaleinu kabagat pasirauraugat, tapoi nukalipogi le kam Aku, kise te tiboiet Tuhan Taikamanua.

Jehz. 33:31

Moi le sia katubum kele rurukat siberikabaga samba mukuddu kamatam sibailiu paamianKu, arepirangan leu aponia sikuakku, tapoi ta aragalaiake; ngungunda sun le tiboiet punununtut baga, tapoi patuatda masikukru puuktungan simalolit.

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Mik. 3:5

Arapajongan sapaamianku tai nabi, sia siagai sipuaaili simeru katubutdra sipasikakau bulagat, masisaggangi samba masipaepe sirimanua sitaipasikakau. Kise te aipanibo si Tuhan katubutdra tai nabi,

Luk. 16:14

Kele araarep sangamberinia nene tai Parise simaereu bulagat, asarangan Jesus.

1Tim. 3:3

bui simasosot mulo simapuinengen, sitaimaoddoi, simaleppe baga le, simaaban, bui simaereu bulagat,

2Ptr. 2:1

Siburu amuottou tai nabi sipatataju ka talagat bangsat Taikamanua. Kisedda leu ka talagamui momoi te tai guru sipatataju, siguruake nganturat pasipepe sibaraake kalimaiat, samba Tuhan sipanebui sia raputata; kisedda te imaola rabaraake ka tubuda pulangokat.

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.