Jer. 6:12 - BUKO SIPUNENAN

¹² Sangamberi lalepdra tukau le' geti kasabagei, kisedda leu sangamberi mone samba sangamberi tainanalepda. – Bulatnia, Kutotoiake le' kabeuKu masisaggangi sikudduiji laggai nene, kise te' ngangan Tuhan.

Jer. 6:12 Iomraidhean Croise

1Taw. 21:16

Si David masiitco malaika nenda mumanyang ka oggak manua samba polak. Sibara lanjau ka kabei, malaika nenda matarek addeat masisubuake Jerusalem. Iageti si David samba sangamberi siuteake sarakyat, kateteret nenda aimubibilet komak goni toggaiat olei baga, murekkuk ka polak.

Jes. 10:4

Tamomoi nugalaiake kam aponia pa, mukuddu le kam katalagatda sipatpatakenen, samba matei katalagatda sirimanua simateiakenen Kenanen muaili sangamberinia nene, goluNia ta leu et tatata, samba kabeiNia aipeile tutototoi.

Jes. 5:25

Kalulut nenda pugolunangan si Tuhan ka paamianNia, totoiakenangan kabeiNia katubutda samba bobonangan sia; pugeretnangan sangamberi leleu, samba tubutda simamatei kele siribaiat sirimanua katalagat enungan. Kenanen muaili sangamberinia nene, goluNia ta ibebeleki samba kabeiNia aipeile tutototoi.

Jes. 9:12

Tapoi paamian nenda ta atoili sia katubuNia sipasiukum sia, samba ta aragaba si Tuhan Sebaot.

Jes. 9:17

Kalulut pukakatai nenda mujulu kele obengan sipasilabo itata bekbek kurut samba parou, lepa labonangan bakkat loina ka leleu bailiu turot kujuk paruru ka pata.

Jer. 15:6

Ekeu le' amasikeraake Aku, kise le ngangan Tuhan, ameian ekeu nukaddiuake Aku. Iageti Kutotoiake' le' kabaiKu samba masimateiake ekeu; amagelangan Aku masiopmake golu.

Jer. 21:5

Aku le' geti masisaggangikam pasamba kabei situtotottoi, pasamba para simaron, pasamba golu, pasamba oloi golu samba pasamba golu' siabau.

Jer. 38:22

Bulatnia, sangamberi tainanalep sikukuddu pei le' ka uma purimataat rimata Jehuda tugerit sia ka uja kamatatda saladdu rimata Babel, sialei soga: Tupajo le' ekeu, rakalaake le' ekeu sangamberi saaleinu. Tapoi iapei aituusep rerem ka loti, arasoksokngan ratoili.

Jer. 38:23

Sangamberitda tainanalepmui samba tatogamui tugirit geti ka uja kamatda tai Kasdim nenda. Samba ekeu geti ta'bebela kakabeira, tapoi ilalaba le' ekeu rimata Babel. Samba laggai nene tulabo' pasamba obengan.”

Jer. 7:20

Kalulut nenda kasenen le' tiboiet Tuhan Taikamanua: Bulatnia, goluKu samba oloi guluKu mapili ka kudduat nene, ka sirimanua, ka tarimeu, samba ka sangamberi loina ka su'su' samba ka buania siureman; golu' nenda mujulu le' samba ta'mamatei.”

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Sou. 2:8

Aiteuakean si Tuhan buita tubukkatake le sangamberi rupit laggai Sion. Sangamberi rupi irip nenda aikirekingan si Tuhan, bule ioi ipakatainia sangamberinia. Sangamberi rupit irip laggai samba kudduat pujagoat, kineneiget sangamberinia aibailiuan siragatat.

Sou. 3:3

Ipaboboki le aku simareirei, kabagat tatat nuntut baga ka sanganantat gogoi.

Sou. 5:11

Tainanalep ka Sion ragalai sikatai katubutda, samba taiokko ka Jehuda rapajo.

Sou. 5:2

Ikepakenenmai aiat ka kabeira sirimanua sabagei, sangamberi lalepmai arakudduijingan siooiake.

Sou. 5:3

Ukkuimai aramateiakeat tai sagggak, kineneiget inamai silumang, samba kai sitaukkui.

Jehz. 35:3

samba kua katubunia: Kise te tiboiet Tuhan Taikamanua: Ibailiu le geti Aku saggaknu, ale leleu Seir samba Kutotoiake te kabeiKu masisaggangi ekeu samba masibailiuake ekeu masubu samba leu simatangeu.

Jehz. 7:24

Kuobaake le raoi tai bangsa bulat sikatai samba tai bangsa nene alarangan leu lalepda ibailiunia bakkatda. Kukappluake le pubuangan patuatda, sibaraake puroronda nenda, samba palolitrangan geti sangamberi kudduat sipunenanda.

Mik. 2:4

Uktuk tubum rapakei le sirimanua sibailui pasailukat, samba leu ragalai urai pureureugat baga. Aialaan si Tuhan laggaimai nene samba aikauannia ketubutda sipasiuukumkai.

Zep. 1:13

Pukaioatdra turaurau samba lalepdra leu tupakatai. Ragagalai lalep tapoi tak rakukudduiji. Rabesiake' leu ragalai monen anggur, tapoi tak ralo anggurnia.”

Zep. 1:4

Kuukum ake tai Jerusalem samba sangalio Jehuda. Sipulelegei katukelat masipanindogi sabulungan Baal kutataake kakudduat nenda. Imam-imam sipasikeli sabulungan Baal bulat tairepdeprangan sia sirimanua.