Jer. 51:4 - BUKO SIPUNENAN

⁴ Sangamberi sirimanua simateiakenen parapponangan sia geti ka laggaira tai Babel samba sirimanua sibara mauju' simakope ka sangamberi enungannia.

Jer. 51:4 Iomraidhean Croise

Jes. 13:15

Senen sirimanua raaili punurangan sia, samba senen sirimanua silaba matei tagguilu kalulut lanjau.

Jes. 14:19

Tapoi ekeu nene aturibbaiakean, tuareu ka rateinu, kele silibetat kasitsitakenen, itabbonia tubut sirimanua simamatei kalulut lanjau samba bele ka bukkut ratei kele tolat sirimanua simamatei sipaperaki.

Jer. 49:26

Kateteret nenda tailaingenia matei ka enungan laggainia, samba sangamberi saladdunia tusubuake.

Jer. 50:30

Kalulut nenda sangamberi tailenge matei le geti ka senen enungan laggainia, samba sangamberi saladdunia tupakatai. Aku, Tuhan, amanibongan.

Jer. 50:37

Iorak le lanjau kuronia samba kereta pasaggaknia. Saksak le sangamberi saladdu siupa! Bulat ta'maoi tibuta! Pakatai kam pukaioat Babel! Parauraugi kam pukaiatnia!

Jer. 51:53

Kenanen bai Babel maoi itusakei ka manua samba galainangan kudduat pulekenan sitaoi tuaili, mariuriu le Kukau sirimanua masipakatainia, kise te tiboiet Tuhan.