Jer. 5:6 - BUKO SIPUNENAN

⁶ Lulut nenda singa sibara ka leleu pabobokinangan sia matei, samba jojot leleu sibara kasimatangeu pakatainangan sia. Macan simagurik itaiko le' bebet laggaira, senen sirimanua sibebela itarakup le sia. Aipoi pasisasabaura bulat maigingan, samba kapepeatnia bulat mabeu.

Jer. 5:6 Iomraidhean Croise

2Taw. 36:14

Ta sarat nenda, Uman Tuhan sikokoiakenen kai Tuhan, palolitrangannia sikebbukat laggai Jehuda, tai imam samba siberikabaga, kalulut aratutake masibuluiji tularat bulungan samba masitutake enungan purimanuaiatda si jo sibara ka laggai-laggai ka bebera.

Ezra 10:10

Lepa geti purionangan si Ezra samba panibonangan katubutda. Kuanangan, “Sangamberimui amajongan kam samba nutuppai kam puseleat Israel kalulut nutalimouake kam tainanalep bangsa bagei.

Ezra 9:6

Kuakungan, “Oi Taikamanuangku, maila aku masisuruake ute'ku ka matam. Apareddetnan jomai ka ute'mai ailoulouan manua.

Job 10:16

Ke kuakkatnake uteku, kukrunungan aku kele singa. Samba patoilanungan minca gegem kiseiakenen katubukku.

PSALMEN 104:20

Ke Nuake gepgep, gogoi leu ibailiu masoibo; kateteret nenda te taddanangan ibela sangamberi tarimeu bakkat loina.

PSALMEN 80:13

Angoi nubukkatake iripnia, bailiu appekrangannia sirimanua senen situsasabau?

Jes. 1:23

Sautemui iate sitaimareddet samba musara ka sipananangkou. Sangamberitda raoba masisilo bulagat ka sitaimaroipo samba masikukru bulagat ka enungan sitaimaroipo. Ta araropake sitaina ka siripot siloketda, samba ta raoba masiarepi pakaroatda tailumang.

Jes. 59:12

Bulatnia, jo pukelakat patuatmai maigi kamatam samba jomai masimunengake isaggangi kai; bulatnia, kuseseake le kai pukelakat patuatmai samba kuagai kai pukakataimai:

Jer. 14:7

“Kenanen bai sangamberi puseleatmai masimuneng masisaggangi kai, ropmake le' kai, ale Tuhan, kalulut oniM! Aipoi maigi akutuareukai amajongankai katubuM.

Jer. 2:15

Murou le' sangamberi singa sibau tubu ka tubunia, nau ngangania iabeuake le'; ragalai le' sirimanua laggainia ibailiu magarak, sangamberi laggainia sabeu malabo', ta'ananai sikudduijinia.

Jer. 2:17

Ta' leu pa' ekeu le' amasigalai nene katubum, kalulut kakaddiuakenu, Tuhan Taikamanuam kateteret Ipalulu ekeu ka enungan.

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jer. 2:31

Muntogat aponia kam nene? Lelekngake le' tiboiet Tuhan! Aibailiuan lepa Aku su'su' simatangeu ka tai Israel ele polak simagepgep le'? Iageti angoi rakua sapaamianKu: Abelangan kai, ta'an kuoba kai moi katubuM?

Jer. 25:38

Kele singa Ikaddiuake bakkat se'se pulippunanNia, aipoi laggaira aibailiaun simagarak, kalulut kopet geget lanjau, kalulut goluNia sipujujulu.”

Jer. 30:14

Sangamberi pununtukietbagam masikalipogi ekeu, ta'an raparerereake ekeu minca. Bulatnia, Aku boboan ekeu pasamba bobobora tai saggak, pasamba liliso ka golu simakope, kalulut maigi selemui, jomui bulat maigi.

Jer. 30:15

Angoi nupugerei, kalulut besinu, kalulut pangoringannu bulat mabesi? Kalulut selem maigi, jomui bulat sabau, oto Akugalaian sangamberinia, nene katubum.

Jer. 30:24

Golut Tuhan sipujujulu nenda tapepe teret igalaiake samba masitubuake aponia sipinaatuNia kabagat paatuatNia; ka gogoi ka kalepakatnia agaimuian geti pagalaiat nenda.

Jer. 4:7

Atusurungan singa sibara ka bakkat se'se', sipakatai sangamberi bangsa amutuituian, abelangan sia ka kudduatda addeat masibailiuake imagarak laggaimui; sangamberi laggaimui tubailiuake le' geti siragatat, taanai sikudduijinia.

Jer. 49:19

Kele ituloddoi singa barania ka leleu ka bebet Onina Jordan samba masibelaiji su'su kuddut biribiri ipasikom parou, kisedda geti Kuoi samba Kukau ratuitui tai Edom ka laggaira sinulut. Lepa sausaukungan sara siuteake masiparenta bangsa nenda. Kasei pa' momoi tupakere pasamba Aku? Kasei pa' maeme maspagoluake Aku? Ai leu pa' saute moi masisaggangi Aku?

Jer. 8:5

Angoian le' rapaitsa bangsa nene, mupitsa le' simariuriu? Tuaddai le' ka patajuat, rakeraake le' toili minca.

Jer. 8:7

Beri uma' kailea katei manua iagai teteret gogoinia, limendeu, laggi-laggi samba seggu iagai teteret itoiliat, tapoi paamianKu, ta'raagai surukat Tuhan.

Sou. 1:5

Sangamberi saggaknia muangka baga kalulut aioi arakupkupakenia. Tuhan masigalai ipangorik, kalulut makope igi jonia. Silaggaijinia aratangsiakean, samba tuambit ka kudduat katuribbaiat.

Jehz. 16:25

Ka senen parubaiat enungan galainungan kudduat pasibuluat. Sakiakenungan laingen tubum bailiunangannia sikatai kabagat nunga'ngaake karua bakkapatnu ka senen sirimanua situsasabau, bailiu tuppainangan puoloman tubum.

Jehz. 22:27

Sikebbukat laggai katalagatda iate kele jo'jot leleu sipasitarakkup komennia kabagat oggou logau, sisubuake sirimanua bule iuktukake tubunia ka enungan sikatai.

Jehz. 23:19

Igalaiake simaigi peile puoloman tubunia samba irepdep kateteret sibau tubunia, kateteret aipuolop tubu ka Misir.

Dan. 7:4

Siboiki putubuatnia kele singa, ai kappo kele manyang. Kateteret aikukikinere, sinulut tutoktoknangan kapponia. Lepa geti tuakkatnangan barania ka polak samba turioake ka rerenia kele sirimanua, lepa kau katubunia patuat sirimanua.

Dan. 7:6

Kateteret aikulelelekngake, ottou minca tarimeu bagei. Putubuatnia kele macan tutul, tapoi kateiteinia ai epat kappot uma'. Tarimeu nenda ai epat utenia, samba katubunia tukau pubebeunan.

Hos. 5:14

Kele ipasaggak singa, kisedda te Kusabbak geti tai Israel samba tai Jehuda. Sarakku le masipabibirit sia, lepa kaddiuakekungan sia. Ke Kugirit sia ratuitui, berisara sia sioi masibelaake sia.

Hab. 1:8

Kuro'ra simaola sisaliu peile' nangkat singa, samba sisaliu geget jojot leleu simalaje. Saladudra sipukukuro' baradra ka laggai simareunan, raoi kele manyang ilalau ibania.

Zep. 3:3

Sangamberi siabeu tiboi tubu ka laggai nenda kele' singa sipurorou. Sipasiukumnia kele jojot leleu simalaje: bulat maalau bagadda bailu berisara tolat tak aralegeiake komen mancep.

4Mos. 32:14

Samba kineneiget, nugalai kam taimareddet kele sangamberitdra saukkuimui! Kirenangan kam mungkuat sirimanua sijo sibaraake golut Tuhan sabeu ka bangsa Israel!

Pamoil. 13:2

Tarimeu siitcoku nenda makere kele tubut arimau, rerenia kele reret baruang samba ngungunia kele ngungun singa. Naga masikau ronnia samba uddenan purimataatnia samba gegenia sabeu ka tubut tarimeu nenda.