Jer. 5:5 - BUKO SIPUNENAN

⁵ Maeruan kuei ka sirimanua siabeu tiboi tubu, samba patibo katubutra, aipoi sia le siagai enungan Tuhan, surukat Taikamanuanda.” Tapoi sia sangamberitda arabakbakakean bairanen, aratakkiakean sangamberi tali pasiapra'.

Jer. 5:5 Iomraidhean Croise

2Taw. 36:14

Ta sarat nenda, Uman Tuhan sikokoiakenen kai Tuhan, palolitrangannia sikebbukat laggai Jehuda, tai imam samba siberikabaga, kalulut aratutake masibuluiji tularat bulungan samba masitutake enungan purimanuaiatda si jo sibara ka laggai-laggai ka bebera.

2Mos. 32:25

Againangan si Mose, si Aron aiobaake tai Israel kele kuro sibebela ka geli, bailiunangan sia gagatietda tai saggakda.

Jes. 1:23

Sautemui iate sitaimareddet samba musara ka sipananangkou. Sangamberitda raoba masisilo bulagat ka sitaimaroipo samba masikukru bulagat ka enungan sitaimaroipo. Ta araropake sitaina ka siripot siloketda, samba ta raoba masiarepi pakaroatda tailumang.

Jer. 2:20

Aipoi kateteret siburu pei le' anubakbakngakean bairanennu, anutakkiakean sesere pangampram, samba masikua: Ta'akuoba minca tupaguguletnake Aku. Mandean leu ka senen uddut leleu sipununuinuiat samba ka senen tei loina simalibbut nuperep samba muolop tubu.

Jer. 2:31

Muntogat aponia kam nene? Lelekngake le' tiboiet Tuhan! Aibailiuan lepa Aku su'su' simatangeu ka tai Israel ele polak simagepgep le'? Iageti angoi rakua sapaamianKu: Abelangan kai, ta'an kuoba kai moi katubuM?

Jer. 30:14

Sangamberi pununtukietbagam masikalipogi ekeu, ta'an raparerereake ekeu minca. Bulatnia, Aku boboan ekeu pasamba bobobora tai saggak, pasamba liliso ka golu simakope, kalulut maigi selemui, jomui bulat maigi.

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 8:7

Beri uma' kailea katei manua iagai teteret gogoinia, limendeu, laggi-laggi samba seggu iagai teteret itoiliat, tapoi paamianKu, ta'raagai surukat Tuhan.

Jer. 9:3

Rapabetek le' jalaira kele rourou; boko samba ta'pubulanan masaibat bagat laggai; bulatnia, muenung le sia baratda ka pukakatai ei kapukakatai, tapoi si Tuhan ta'raagai.

Jehz. 11:2

Kuanangan katubukku: “Ale togat sirimanua, nene te sirimanua siisiake pukakatai samba sikarapake nganturat sikatai ka laggai nene,

Ams. 4:1

Arepake tiboiet nene, ale sangamberi jaui Basan, sibabara ka leleu Samaria, sipasiraraurau sitaioitubu, sipaperaki simageba', sipasikukua ka taimanteumui: ambit le' sene, bule tapulo'!

Ams. 6:1

Matei le' sangamberi sirimanua simasanang puririmanua ka Sion, ka sangamberi sirimanua simaeru puririmanua ka leleu Samaria, ka sangamberi sirimanua sikebbukat laggai sibara ka bangsa sipuboboiki, siailiakenenda samuntogat Israel!

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Malk. 2:7

Kirenangan galaiakenendra tai Imam geti iate masigelaiake simaeru pagalaiat Aku, Tuhan Sipulugege. Ka tubudda te raparerere' sapaamian pagalaiat apa obaket bagaKu, kalulut sia nenda poi pakoinienKu.

Luk. 18:24

Kinerenangan nia Jesus kuanangan, “Bulat mabesi ka simakayo tuguru ka Purimataat Taikamanua.

Luk. 19:14

Tapoi malaga le bagada taikaumania ka tubunia. Kuruk teiteinia koiniakerangan pakoiniet masikua, ‘Ta koba kai nia ibailiu nia rimatamai.’