Jer. 5:11 - BUKO SIPUNENAN

¹¹ Aipoi muntogat Israel samba muntogat Jehuda sibulatnia taan aragalaiake topit katubukKu, kise te' ngangan Tuhan.

Jer. 5:11 Iomraidhean Croise

Jes. 24:16

Barania ka tutut polak arepmaian urai pasiumun: “Pulatsanan ka Sipuluroipo!” Tapoi pusogakungan: “Mangorik le aku, mangorik le aku. Matei le aku! Sipatataju mupatajuat, sipatataju riuriu le ragalaiake patajuat!”

Jes. 48:8

Ta anuarep ele anuagai, kisedda leu piunu ta atubuka barania peile siburu; tapoi Akuagaian, nugalaiake le simakopet katai, samba sirimanua masikua ekeu: simaukkat barania peile ka suruket.

Jer. 12:1

Kerenangan sineseat le' Ekeu, ale Tuhan, ke' kipa bai kupaukleake Ekeu! Tapoi kuoba' le' patibo pasamba Ekeu pagalaiat puroipoat: Angoi sangamberi sirimanua sikatai maeru puririmanuan, makolou puririmanuan sangamberi sitaimatopit?

Jer. 3:20

Tapoi bulatnia, kele sara sikalalep sitaimatopit ka saaleinia, kise' te' taimatopitmui katubukKu, ale muntogat Israel, kise te' ngangan Tuhan.

Jer. 5:10

Sakai le' ka monen anggurnia si orat', pakatai le', tapoi ba' sasapruake. Ribbaiake le' sangamberi ran loina anggurnia, aipoi sangamberinia nenda ta' si Tuhan sibakkatnia!

Jer. 9:2

Ke'bai kasimatangeu ai kudduat pugogoiat addeat sangamberi sirimanua kabagat puenungan, Iageti kaddiuakekungan leu bangsaku, samba tuareu katubutda! Aipoi sia sangamberitda iate sirimanua sipaelet le', sara parurukatda sangamberi sirimanua sitaimatopit,

Hos. 5:7

Ta' matopit sia kai Tuhan, tatogadra leu ta'tatogaNia. Kalulut nenda tat mauju te tumateiake sia samba sangamberi monendra.

Hos. 6:7

Tapoi kele kai Adam, anupasabau kam palelenganmui ka tubuku.