Jer. 48:2 - BUKO SIPUNENAN

² umun tubut Moab sapru. Tai saggak aralauan Hesybon samba sedda paaturangan rasapruake sangamberi tai Moab. Sangamberi nganga ka laggai Madmen muaari le kalulut laggai nenda rasasaggangi geti tai saggak.

Jer. 48:2 Iomraidhean Croise

Jes. 15:1

Tiboiet Tuhan pagalaiat Moab. Bulatnia te, kabagat sangasoibo Ar-Moab atupakataian, atusubuakean; bulatnia te, kabagat sangasoibo Kir-Moab atupakataian, atusubuakean!

Jes. 15:5

Mugeri le aku kalulut kuitco Moab, sipujajaujau aiailingan sia ka Zoar, Eglat-Selisia. Bulatnia te, manatra le sirimanua ka panatarat Luhit sialei sou; samba ka enungan siei Horonaim mugerei le sirimanua kalulut iorak sia gejat baga.

Jes. 16:14

Tapoi kineneiget Tuhan masikua, “Kabagat telu ngarura, siripot tetere pugagalaira saladdu siupaiji, oto pubebeunan Moab, pasamba pusangamberi pukayoat atciakenenda, ibailiu le geti loloiet, samba sirimanua sipulelegei ta maigi sia samba ta ibabailiu sia saute.

Jes. 25:10

Kalulut kabei Tuhan le geti masisakkeri leleu nene, tapoi Moab tupaperaki le geti ka kudduatnia, kele siperakat tupaperaki kabagat lobok simalolit.

Jer. 25:15

Kasene le' ngangan Tuhan, Taikamanuan Israel, katubuku: “Ala' le' kakabeiKu pulokat ai kabagania anggur oloi golu' nene samba bagania kauralonia sangamberi bangsa kaipai Kukoiniake ekeu,

Jer. 25:17

Iageti alakungan pulokat anggur nenda kakabei Tuhan, kaukungan ralonia sangamberi bangsa kaipa aikoiniake aku si Tuhan,

Jer. 31:36

“Bulatnia, kele sangamberi siteuakenen nene ta mututuitui ka mataKu, kiste te' ngangan Tuhan, kisedda leuet muntogat Israel ta' muaari ibailiu bangsa ka mataKu kasanganantat tetere.

Jer. 33:24

“Ta' pa' anupulelek aponia sikuatda sangamberi sirimanua nene: Karua muntogat sipilit Tuhan nenda aitataakean” Kalulut nenda ragegei le' paamianKu, ta'an iaddeakenia sara bangsa.

Jer. 46:28

Bui numaloto, ale paamianKu, Momoi geti Aku masipaarau ekeu. Siberikabaga, ka kudduat Akupasabu ekeu, sangamberinia geti Kususubuake le, tapoi ekeu ta'Kukusasapruake. Kirenangan ta'bebela ekeu ka ukum tapoi ukumKu iate simaroipo siripokat siteuakenen katubum. Aku, Tuhan, amanibongan.”

Jer. 48:17

Ale kam sangamberi laggai pabebeakenen Moab siagai puaabeunia, pureureugikamnia! Kua, ‘Moab ta'ananai gege, puaabeu samba puroronnia asaprungan!’

Jer. 48:42

Moab geti mamakakai le samba taan ibabailiu sara bangsa, kalulut ibuakngake patuatnia katubukKu.

Jer. 48:45

Situtuitui sitaioi tubu mei masigaba sakkerat ka Hesybon, tapoi laggai nenda aimalalabo samba purimataan Rimata Sihon leu ai lalabo obengan. Obengan ailaboan puteterat samba paleleuleu Moab, laggaira sioba pasaggak.

Jer. 49:3

Ale tai Hesybon, pusou kam aipoi laggai Ai amakataian! Ale tainanalep ka laggai Rama, pusoukam! Leppeiake kam komak goni taggaiat reureubaga. Purio kam sedda kele sitaiagai kolou. Milkom sabulunganmui tuambit geti ka pasiribbaiat pasamba tai imam samba sipugagalai ka pamarentania!

Jer. 49:37

Kugalai le ramaloto tai Elam ka saggak sioba masimateiake sia. Bulat magolu le Aku katubutra samba tusubuake le sia. Kukau le saladdu sisaggangi sia teret sapru.

4Mos. 32:37

Suku Ruben masirioake minca laggai Hesybon, Eleale, Kiryataim,