Jer. 47:7 - BUKO SIPUNENAN

⁷ Tapoi kipa ioi ipuari? Ta' pa' si Tuhan le masipaparentaakenia? Ka Askelon samba ka bebet buggei sedda te Ikoiniakenia!”

Jer. 47:7 Iomraidhean Croise

Jes. 10:6

Kukoiniake le nia ka laggai simakela patuat, samba kukoiniake le nia isaggangi paamian goluketKu, bule ragalaiake pasirauraugat, samba rapaperaki sia kele loti ka enungan.

Jes. 13:3

Akukoiniakean sirimanua sipunenanKu, atusogaian simagege bule ragalaiake ukuman oloi golukKu, sapamianKu sipuaangka baga samba sipugora baga.

Jes. 37:26

Ta pei pa anuarepman, sangamberinia nenda akuteuakean ka gogoi situsasabau samba akupaatungan barania katetere siburu peile? Kineneiget Kupatoilania, nugalai sangamberi laggai simaron bailiu matangeu ibailiu karagatat bukku,

Jer. 48:10

Tutelei le' sirimanua sipuarak galaiakenen sibara kai Tuhan. Tutelei le nia sitaioba masipupunuake lanjau samba masimatei.

Jehz. 14:17

Ke Kubaraake lanjau ka laggai nenda samba kuakungan: Ale lanjau, gejengi laggai nene. Kusappruake le sirimanua samba tarimeu ka laggai nenda,

Jehz. 21:14

Samba ekeu togat sirimanua, pupatuptup samba pupokpok, eddangan ibailiu lanjau nenda rua ngaminca rua, telu ngaminca telu. Nenda lanjau sipamamatei, lanjau pamamatei simakope, sipasibobokko isappruake sia.

Jehz. 21:30

Toiliake minca nenda ka umania! Ka Kudduat aitubaraake ekeu samba laggai kabaraiatnu, Kuukumake le ekeu.

Jehz. 21:9

“Ale togat sirimanua, pupatuptup samba kua: Kise te tiboiet Tuhan: Lanjau! Lanjau! Silepa ajat samba leu tusasai!

Jehz. 25:16

Kalulut nenda, kise te tiboiet Tuhan Taikamanua Kuukum te tai Filistin samba masipamatei sia. Kumateiake te senen sirimanua sipulelegei peile ka kupkumen bebet koat Filistin.

Ams. 3:6

Ke tuulup bai pipiau ka sara laggai, ta pa mugegeret tubutda sipulalaggai? Ke muaili pugejaat baga ka sara laggai, Ta pa si Tuhan amasigalaiake?

Mik. 6:9

Bulat sipaatu muloto kai Tuhan. Pusoganangan ka sipulalagggai, “Arepake kam ale kam siparuru ka laggai!

1Sam. 15:3

Oto, kenan kam samba saggangi kam tai Amalek samba pakatai kam sangamberi bakkadra. Bui' nulegeiake kam apapa, mateiake kam sangamberi taimanteu, tainanalep, tatoga samba tatoga sigoiso, samba leu et jaui, biribiri, unta samba kalidei.”