Jer. 44:8 - BUKO SIPUNENAN

⁸ Angoi nuobakam masibaraake besit paatuatKu, kasigalai kabeimui, iate masilabo buluakenen ka taikamanua begei ka laggai Misir sigurukimui sibailiu kam siooiake sedda? Angoi nuoba ibailiu kam teleiet ka talagat siberikabaga ka polak?

Jer. 44:8 Iomraidhean Croise

2Taw. 7:20

iageti keklekungan kam ka laggai siakeKu katubumui. Kaddiuakekungan leu Uma nene siteuakenenKu sibailiu kudduat panindogat katubukKu. Bailiuakekungan leu Uma nene loloiet samba gagatiet.

Jes. 19:1

Nene te tiboiet Tuhan pagalaiat Misir. Itco, mei le si Tuhan simaola kabagat tanai rusa samba meiNia ka Misir, oto sangamberi bulunganda tai Misir mugeret tubu ka mataNia, samba maneleinangan bagatda tai Misir.

Jes. 3:8

Bulatnia, amakataian Jerusalem! samba Jehuda leu amaragatan; kalulut tiboiet samba sigalaira masisaggangi si Tuhan samba masiputata geget Tuhan.

Jes. 65:15

Buita nugalakake kam onimui katubutda sirimanua sipilikKu bule itukau sibailiu suppa pateleijat nene: Bule Tuhan Taikamanua ibailiuake ekeu kele sia! Tapoi sapaguguletKu tuoniake le sia ka oni bagei,

Jer. 11:12

Samba kenenen bai sangamberi laggai Jehuda samba sipulalaggai ka Jerusalem musoga katubut taikamanua panindogiedra pasamba buluakenen sirarak, tapoi taikamanua nenda ta'moi geti iropake sia keteteret iorak sia pasisiboat nenda.

Jer. 11:17

Tuhan Sebaot, sigalai eku mutu'tu', aiteuakean pugejaat baga ka tubum kalulut pukakatai sigalai muntogat Israel samba muntogat Jehuda sibaraake besit paatuatKu pasamba masilabo buluakenen katubut Baal.”

Jer. 18:16

Iageti rabailiuake le' laggainia ibailiu kalotoakeken bailiu le' gegeiet teret buruburu. Senen sirimanua sipasisasabaunia ibailiu le' maloto', samba rapagilik le' geti utera.

Jer. 24:9

Kubabailiuake geti sia kalotoakenen ka sangamberi purimataat ka polak, ibailiu simalolit samba pasikat, ibailiu sailuket samba telei ka sangamberi kudduat kaipa Akupasaragai sia.

Jer. 26:6

iageti Kugalai le' geti uma nene makere le' kele Silo, samba laggai nene ibailiu le' telei kasangamberi bangsa ka polak.”

Jer. 29:18

Kukukukru le' geti sia pasamba lanjau, pulajeat samba besi sipamamatei samba Kugalai le ibailiu sia kalotoakenen sangamberi purimataat ka polak, ibailiu telei, katuge'gekat, gegeiet samba kalolinan katalagat sangamberi bangsa kai pa' Kupasabusia,

Jer. 32:30

Aipoi tai Israel samba tai Jehuda sarat masigalaiake sikatai kamataKu le sia kateteret sibau tubunia; bulatnia, tai israel sarat masibaraake besit paatuatKu pasamba sigalai kabeira, kise te' ngangan Tuhan.

Jer. 42:18

Bulatnia, kasene le' tiboiet Tuhan Sebaot, Taikamanuan Israel: Kele itubura goluKu samba imaoloi patuatKu ka sipukukuddu ka Jerusalen kise te' geti itubura oloi paatuatKu ka tubumui, ke'bai mei kam ka Misir. Ibabailu le' geti kam teleiet, bulat kalotoakenen, pateleiet samba lolit; ta'an nuitco kam minca kudduat nene.

Jer. 44:12

Oto ke' tai Jahudi sipulelegei raoba mei ka Misir mukuddu sedda, mamatei le sia sangamberitra. Sangamberi sabeu samba tai goiso mamatei le sia ka Misir kabagat pasaggangan ele kalulut pulajeat. Maloto le sirimanua masiitco sia samba rapaloloi le sia. Oninra rabailiake pateleiat.

Jer. 44:3

Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jer. 44:7

Oto kineiget, kise le ngangan Tuhan, Taikamanua Sebaot, Taikamanuan Israel: Angoi anubaraake kam pangoringan sabeu katubumui? Nuobakam sasisubuake tai manteu, tai nanalep, tatoga samba sibau mutu'tu mata sibara ka Jehuda, berisara sirimanua sipulelegei?

Jer. 7:9

Kiangan le' manangkou ekeu, pamatei, paelet, pataju, masilabo buluakenen ka Baal samba masitut taikamanua bagei taiagaietnu,

Jehz. 33:11

Kua katubutda: Kalulut Aku sipuririmanua, kise te tiboiet Tuhan Taikamanua, ta ioba bagakKu ka kamateiatda sirimanua sikatai, tapoi Kuoba le ibauake patuatnia sirimanua sikatai bule ipurimanua. Bauake kam patuatmui, bauake kam patuatmui ka purimanuaiatmui sikatai nenda! Angoian le numamatei kam, ale muntogat Israel?

Jehz. 9:6

Sangamberi simabaja', sangamberi tailainge samba taiokko, tatoga sigoiso samba tainanalep, mateiake samba subuake kam sia! Tapoi sangamberi sirimanua sibara toggaiat T nenda, bui nubekbek kamnia! Samba taddaake kam barania ka kudduat sipunenanKu!” Iageti taddaakerangannia barania ka simabaja sikuddu kamatat Uma Sipunenan.

Hos. 4:13

Ka sangamberi kudduat panindogat sabulungan ka sangamberi tinambu samba leleu, nupanguruatnake kam buluakenen samba nulabo kam kumanyang katei sangamberi loina sabeu simeru buttet sedda kalulut kudduat nenda makunem. Tapoi kipa kalepakatnia? Sangamberi taiokkomui ibailiu sipasisasakiake tubu samba sangamberi talikumui sinanalep sipaeelet!

Hab. 1:16

Lepa geti panindogirangan jalo nenda samba kaurangan pusurakat buluakenen, aipoi kalulut jalo nenda le arasese puuktungan simalilimai samba sibaraake uktuk.

5Mos. 32:25

Pasaggangan sibaraake kamateiat ka sangamberi enungan iorak sirimanua pulotokat ka lalep. Sibau tubu samba taiokko tumateiake, samba leu tatoga sigoiso samba simabaja'.

Ibr. 3:16

Kasei poi sia sikelaake paatuat, kenanen araarepman ngangania? Ta pa sia sangamberida sibelaakenen Mose ka laggai Misir?