Jer. 44:6 - BUKO SIPUNENAN

⁶ Ia te lulunia Aku belaake oloi goluKu samba goluKu ka laggai Jehuda samba ka enungan ka Jerusalem. Sangamberinia Kulabo pat bailiu siragatat samba simagarak kele simakokoinong kineneiget.

Jer. 44:6 Iomraidhean Croise

Jes. 1:7

Laggaimui bailiu matangeu, sangamberi laggaimui sappru imalabo; ka matamui sangamberi sirimanua siooiake masikom bua sibara ka polakmui. Bulat matangeu laggai nenda kele siluggaakenenda sirimanua siooiake.

Jes. 51:17

Suruake ekeu, suruake ekeu, suruake ekeu, ale Jerusalem, ale ekeu sipulolo sibara ka kabei Tuhan sibara kabagat pulokat oloi goluNia, ekeu silo, sipotpot itata sibara kabagat pulokat simapuinengen!

Jes. 51:20

Sangamberi tatogam amugailaan sia kalulut saggo ka sangamberi tu'tut enungan kele simatsura ialania sesere; iorak le sia golut Tuhan samba paasekat Taikamanuam.

Jes. 6:11

Lepa parerekungan, “Piga ngagogoi teterenia ipuaili kele nene Tuhan?” Lepa aleginangannia si Tuhan: “Teret imakatai laggai nene samba ta ibara sikudduijinia, samba ta ibara sirimanua ka sangamberi lalep samba polak ibailiu matangeu.

Jer. 21:12

“Kasene le' ngangan Tuhan, ale muntogat David: Beleake le' ukum simaroipo senen simancep samba obaake le' kakabei sipasirauraunia sirimanua sioppu pubabakkatnia, bule oloi guluKu bui ipasilabo' kele obengan samba ipujulu ta'anai sipe'akenia, kalulut sangamberi galaitubumui sikatai!

Jer. 21:5

Aku le' geti masisaggangikam pasamba kabei situtotottoi, pasamba para simaron, pasamba golu, pasamba oloi golu samba pasamba golu' siabau.

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 36:7

Baleu panindougatda sege ka matat Tuhan samba senenda masibauake paatuatnia ka galai tubu sikatai nenda, aipoi bulat abeu le' golu' samba oloi golu' siisiakenen Tuhan katubut bangsa nene.”

Jer. 4:27

Aipoi kise le' ngangan Tuhan: “Sangalio laggai nene ibailiu geti simatangeu, tapoi ta'Kubabailiuakenia isapru.

Jer. 4:4

Sunat tubum addeat kai Tuhan samba areuake le' kulit keikeiet paatuatnu, ale tai Jehuda samba sipulaggai ka Jerusalem, bule bui ipugege goluKu kele obengan, samba ipujulu taanai simateiakenia, kelulut galai tubumui sikatai!”

Jer. 42:18

Bulatnia, kasene le' tiboiet Tuhan Sebaot, Taikamanuan Israel: Kele itubura goluKu samba imaoloi patuatKu ka sipukukuddu ka Jerusalen kise te' geti itubura oloi paatuatKu ka tubumui, ke'bai mei kam ka Misir. Ibabailu le' geti kam teleiet, bulat kalotoakenen, pateleiet samba lolit; ta'an nuitco kam minca kudduat nene.

Jer. 44:22

Ta'an aiopmake si Tuhan masiitco puparaboananmui sikatai samba kasitsinakenen sigalaiakenenmui; kalulut nenda laggaimui leu ibailiu le karagatat, kalotoakenen samba telei ta'anai sikudduijinia, kele simatotoila kineneiget.

Jer. 7:17

Ta' pa' anuintco aponia sigalaiakenenda ka sangamberi laggai Jehuda samba ka sangamberi enungan Jerusalem!

Jer. 7:20

Kalulut nenda kasenen le' tiboiet Tuhan Taikamanua: Bulatnia, goluKu samba oloi guluKu mapili ka kudduat nene, ka sirimanua, ka tarimeu, samba ka sangamberi loina ka su'su' samba ka buania siureman; golu' nenda mujulu le' samba ta'mamatei.”

Jer. 7:34

Ka sangamberi laggai Jehuda samba ka sangamberi enungan Jerusalem Kuaariake le' geti ngangan angkat baga samba gorat baga, ngangan simanteu samba ngangan sinanalep siputatalimou, aipoi laggai nenda ibailiu le geti simagarak.

Jer. 8:3

Tapoi sangamberi sirimanua sipulelegei ka muntogat sikatai nene raoba le' matei bele pei murimanua ka senen kudduat kaipa Kupasabu sia, kisene te' ngangan Tuhan Sebaot.

Sou. 1:1

Kineneiget Jerusalem bulat matangeu siboiki laggai nene magaugau. Siboiki abeunia katalagat sangamberi laggai, kineneiget ibailiu kele silumang. Siboiki laggai nene abeuakenen kineneiget ibailiu pagugulet.

Sou. 1:13

Sibara ka manua Igorosatake le obengan sipasilabo pat aili ka unou tolatku. Kaunangan sesere kamatakku sibailiuake aku kubele. Lepa obaakenangan aku kupusara mangorik ka sanganantat gogoi.

Sou. 5:18

kalulut leleu Sion simagarak, ka pugejengan jojot leleu.

Jehz. 20:33

Kalulut Aku sipuririmanua, kise te tiboiet Tuhan Taikamanua, Kuparentaake le kam kabagat kabei simaron samba para situtototoi samba kabagat golu sibebela.

Jehz. 20:34

Kuambit le geti kam bela katalagatda tai bangsa samba masiruruake kam baramui ka sangamberi laggai, ka kudduat anupasaragai kam tubumui kabagat ka kabei simaron samba para situtototoi samba kabagat golu sibebela,

Jehz. 24:13

Kalulut anupalolit poi tubum ka paeletnu, samba Kuoba masilinaake ekeu, tapoi ta amalina ekeu ka pulolinannu, oto taan tulilinaake ekeu, teret Kubelaake goluKu katubum.

Jehz. 24:8

Kalulut golu sibebela samba lumun sitususuru Kupiliake le logaunia ka uddut leleu bukku siguluk bule bui' itutabbo.

Jehz. 5:13

Kubelaake le geti golukKu katubutda, bailiu masanangnangan patuatKu simaoloi samba masegenangan bagakKu; samba agairangan getinia, Aku te Tuhan sipasikukua kabagat tu'tut bagakKu, kateteret Kubelaake golukKu katubutda.

Jehz. 6:12

Sikuddu ka reunan matei le sia kalulut besi' simasappo, sikuddu ka legre mutagguilu le sia kalulut lanjau samba situaarau samba leu sipuririmanua matei le geti kalulut pulajeat. Kisedda te Kubelaake golukKu katubutda.

Jehz. 8:18

Kalulut nenda Kulumunake le geti kabagat goluKu. Ta te manununtu bagakKu samba ta Kuagai katet baga. Samba kenanen musoga sia katubukKu ka nganga sabeu, ta Kuarepi sia.”

Dan. 9:12

Aironnakean tiboietNia, sinegeakenenNu katubumai samba ka sautemai. TiboietNu nenda masikua katubumai, Nubabaraake te pugejaat baga sabeu sitapei amuaili ka polak kele sipuaaili ka Jerusalem.

3Mos. 26:28

iageti kabagat golu Kusaggangi le geti kam, samba masiukum kam pitu ngaminca sanet ukuman kasilelepa'.

3Mos. 26:31

Kupabubukkat le sangamberi laggaimui bailiu siragatat, kudduat panindogatmui Kupakakai le samba sangaberi buluakenenmui ta Kusisilo.

Nah. 1:2

Tuhan Taikamanua ta'ioba ibara sitakainia, bulat tuukum le sirimanua sisagganginia. Ka kopet goluNia, siliakenangan besit patuatNia katubutdra.

Zakh. 1:2

Si Tuhan masiparentaake aku bule kupanibo katubut paamianNia kise, “Ka siburu, Aku, Tuhan Sipulugege, bulat magolu ka tubutda taikebbukatmui.

Zakh. 1:6

Katubutda tai nabi sapaguguletKu sipuboiki, Akusegeakean sangamberi parenta samba paasekatKu ka tubutdra taikebbukatmui. Tapoi ta rapuletcei bailiunangan bui ta rabairat ukum siripot taimaletceira. Iapei oleinangan bagatdra samba seseakerangannia, Aku, Tuhan Sipulugege amasiukumake sia simateu ka puseleatdra samba kele siripot siteuakenenKu.”

Zakh. 7:14

Kele rusa simaron, Kusabuake sia pat kuddu sia ka sangamberi tobbou laggai sitaiagaijetdra. Oto polak simagabru nene bailiunangan matangeu ta'an anai sikudduijinia samba magarakngan.”