Jer. 44:3 - BUKO SIPUNENAN

³ Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jer. 44:3 Iomraidhean Croise

Neh. 9:33

SigalaiakenenNu maroipo, nuukum le kai si jo. Mariuriu le topitNu kenanen kai sisun paloloiat le.

Jes. 3:8

Bulatnia, amakataian Jerusalem! samba Jehuda leu amaragatan; kalulut tiboiet samba sigalaira masisaggangi si Tuhan samba masiputata geget Tuhan.

Jer. 11:17

Tuhan Sebaot, sigalai eku mutu'tu', aiteuakean pugejaat baga ka tubum kalulut pukakatai sigalai muntogat Israel samba muntogat Jehuda sibaraake besit paatuatKu pasamba masilabo buluakenen katubut Baal.”

Jer. 16:10

Ke'bai nusegeake sangamberi tiboiet nenda katubut bangsa nene samba kuarangan katubum: Angoi iloto' kai si Tuhan pasamba sangamberi pugejaat baga nene “Apoinia puseleatmai samba aponia jo sigalaiamai katubut Tuhan, Taikamanuamai?

Jer. 22:9

Raalegi geti sirimanua: Kalulut arakalipogingan poi palelengan Tuhan, Taikamanuanda, samba amanindouan sia ka taikamanua bagei samba musuru' katubunia.”

Jer. 29:19

sibailiu ukuman taiaarepida tiboietKu, kise te' ngangan Tuhan, sinegeakenenKu katubutda simariuriu ka paneiteianda sapaguguletKu, iate tai nabi; tapoi taanuarepi kam, kise te' ngangan Tuhan.

Jer. 32:30

Aipoi tai Israel samba tai Jehuda sarat masigalaiake sikatai kamataKu le sia kateteret sibau tubunia; bulatnia, tai israel sarat masibaraake besit paatuatKu pasamba sigalai kabeira, kise te' ngangan Tuhan.

Jer. 44:23

Anulaboaan kam buluakenen samba amajongan kam kai Tuhan. Ta'nuoba kam masiarepi ngangan Tuhan samba masitut surukatNia, SiteuakenenNia samba Enungan sigalaiNia, nenda te' lulunia iorak kam paoreat, kele simakokoinong kineneiget.”

Jer. 44:8

Angoi nuobakam masibaraake besit paatuatKu, kasigalai kabeimui, iate masilabo buluakenen ka taikamanua begei ka laggai Misir sigurukimui sibailiu kam siooiake sedda? Angoi nuoba ibailiu kam teleiet ka talagat siberikabaga ka polak?

Jer. 5:19

Ke' bai panounou kam: Angoi le' pa' igagalaiake sangamberinia nene si Tuhan, Taikamanuanta ka sita, iageti aleginungan sia: Kele anukaddiuake kam Aku samba anupaguguletnakekam tubumui ka taikamanua bagei ka laggaimui, kise te' nupaguguletake kam tubumui ka sangamberi siooiake ka saralaggai ta' ka laggaimui.”

Jer. 5:29

Kipangan pa' ta' Kuukum sia kalulut sangamberinia nene?, kise te' ngangan Tuhan. Iangan pa' ta' Kulumunake besit paatuatKu ka bangsa kele nene?”

Jer. 7:19

PaatuaKu pa' sibulatnia arabesiki, kisedda te' ngangan Tuhan, ta' pa' patuatda le', bailiu maailarangan?

Sou. 1:8

Jerusalem masipalolit tubunia, igalaiake jo simigi sikatai. Sangamberi siabeuakenia siburu, kineneiget rapaloloinia, kalulut masiitco pububulutunia; samba muhoihoi le nia, kalulut ailania.

Sou. 4:13

Tapoi pagalaiat nenda amuailingan, kalulut jotda tai imam samba tai nabi. Apamateian sia, ramateiake sirimanua sitasele.

Jehz. 9:9

Aleginangannia katubukku: “Puseleat muntogat Israel samba Jehuda bulat maigi, bailiu polak nene sun le utak logau samba laggai nene ta'anai puroipoat; kalulut rakua le: Aikaddiuakean si Tuhan polak ne'n'e samba ta'an aipaitcoake si Tuhan.

Dan. 9:5

Akugalaian jo samba sele. Akugalaian kai pukakatai samba ta amareddet kai. Akupasabauan kai parenta samba surukatNu.

5Mos. 13:6

Ke ai sasarainamui ele tatogamui taimanteu ele tainanalep, ele sinanalepmui simanuntu bagamui ele sasuruakmui igalai sipinakele ina'na' kam: Sitakam musipaguguletnake tubu ka taikamanua bagei sitaiagaietmui ele sitaigaijetdra taikebbukatmui,

5Mos. 29:25

Samba alegiatnia iate, “Kalulut ta arapuletcei palelengan Tuhan, Taikamanuan taikebbukatdra, palelengan sigalaiNia pasambadra ka teteret aibelake sia ka laggai Misir.

5Mos. 29:26

Rapaguguletnake tubudra ka taikamanua sitaiagaietdra, kenanen aikerangan sia si Tuhan masipanindogi taikamanua nenda.

5Mos. 32:17

Panguruatnakerangan buluakenen ka sangamberi ketsat sikatai ta Taikamanua, ka taikamanua sitaiagaietdra, taikamanua sibau sitaipulotokietdra taikebbukatdra.

Ibr. 3:16

Kasei poi sia sikelaake paatuat, kenanen araarepman ngangania? Ta pa sia sangamberida sibelaakenen Mose ka laggai Misir?