Jer. 44:2 - BUKO SIPUNENAN

² Kise le' ngangan Tuhan Sebaot, Taikamanuan Israel: Anuorikngan kam sangamberi paoreat sibaraakenenKu ka Jerusalem samba ka sangamberi laggai Jehuda; bulatnia, sangamberinia nenda aibailiuan siragatat samba beri sara sia sikukuddu sedda.

Jer. 44:2 Iomraidhean Croise

2Rim. 21:13

Kuukum te geti Jerusalem kele akuukum Samaria samba si Ahab rimata Israel samba leu muntogatnia. Kusasabui te geti Jerusalem imalina kele piring silepa bui samba tulukkeake.

2Mos. 19:4

“Anuitcoan kam sigalaiakenenKu katubutda tai Misir, samba kipa Akuambit kam sene katubukKu ka kudduat nene kabagat gege sabeu, kele uma' manyang iambit togania ka uddut kapponia.

Jes. 24:12

Sipulelegei kabagat laggai sarat simakakatai, matatbaliu atupakataian.

Jes. 6:11

Lepa parerekungan, “Piga ngagogoi teterenia ipuaili kele nene Tuhan?” Lepa aleginangannia si Tuhan: “Teret imakatai laggai nene samba ta ibara sikudduijinia, samba ta ibara sirimanua ka sangamberi lalep samba polak ibailiu matangeu.

Jer. 25:11

Iageti sangaliot laggai nene ibailiu geti siragatat samba magarak, samba sangamberi bangsa nene ibailiu geti pagugulet katubut rimata Babel pitu pulungarura ujunia.

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 4:7

Atusurungan singa sibara ka bakkat se'se', sipakatai sangamberi bangsa amutuituian, abelangan sia ka kudduatda addeat masibailiuake imagarak laggaimui; sangamberi laggaimui tubailiuake le' geti siragatat, taanai sikudduijinia.

Jer. 44:22

Ta'an aiopmake si Tuhan masiitco puparaboananmui sikatai samba kasitsinakenen sigalaiakenenmui; kalulut nenda laggaimui leu ibailiu le karagatat, kalotoakenen samba telei ta'anai sikudduijinia, kele simatotoila kineneiget.

Jer. 44:23

Anulaboaan kam buluakenen samba amajongan kam kai Tuhan. Ta'nuoba kam masiarepi ngangan Tuhan samba masitut surukatNia, SiteuakenenNia samba Enungan sigalaiNia, nenda te' lulunia iorak kam paoreat, kele simakokoinong kineneiget.”

Jer. 7:34

Ka sangamberi laggai Jehuda samba ka sangamberi enungan Jerusalem Kuaariake le' geti ngangan angkat baga samba gorat baga, ngangan simanteu samba ngangan sinanalep siputatalimou, aipoi laggai nenda ibailiu le geti simagarak.

Jer. 8:3

Tapoi sangamberi sirimanua sipulelegei ka muntogat sikatai nene raoba le' matei bele pei murimanua ka senen kudduat kaipa Kupasabu sia, kisene te' ngangan Tuhan Sebaot.

Jer. 9:11

Jerusalem Kubailiuake le geti siragarat kudduat pulippunan jojot leleu; Kugalai le' geti sangamberi laggai Jehuda ibailiu matangeu, ta'an anai sikudduijinia.”

Sou. 1:1

Kineneiget Jerusalem bulat matangeu siboiki laggai nene magaugau. Siboiki abeunia katalagat sangamberi laggai, kineneiget ibailiu kele silumang. Siboiki laggai nene abeuakenen kineneiget ibailiu pagugulet.

Sou. 1:16

Iate lulunia ipuguguruk elukku, taanai siake ron patuat samba pusuibiat; taan anai sibabara ka laggaiku, kalulut kopet geget saggakku.”

Sou. 5:18

kalulut leleu Sion simagarak, ka pugejengan jojot leleu.

Dan. 9:12

Aironnakean tiboietNia, sinegeakenenNu katubumai samba ka sautemai. TiboietNu nenda masikua katubumai, Nubabaraake te pugejaat baga sabeu sitapei amuaili ka polak kele sipuaaili ka Jerusalem.

3Mos. 26:31

Kupabubukkat le sangamberi laggaimui bailiu siragatat, kudduat panindogatmui Kupakakai le samba sangaberi buluakenenmui ta Kusisilo.

3Mos. 26:43

Tapoi polak nenda buita tukaddiuake le boiki kasipulalaggainia, bule sibulatnia ipuari. Samba sapaamianKu buita raenungi le sangamberi ukuman sikauKu katubudra kalulut taiobara masireddet sangamberi surukat samba parentaKu.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Zakh. 1:6

Katubutda tai nabi sapaguguletKu sipuboiki, Akusegeakean sangamberi parenta samba paasekatKu ka tubutdra taikebbukatmui. Tapoi ta rapuletcei bailiunangan bui ta rabairat ukum siripot taimaletceira. Iapei oleinangan bagatdra samba seseakerangannia, Aku, Tuhan Sipulugege amasiukumake sia simateu ka puseleatdra samba kele siripot siteuakenenKu.”

5Mos. 29:2

Koiniakenangan sangamberi tai Israel si Mose bule raparuru, lepa kuanangan katubutda, “Anuitcoan kam apa sigalai Tuhan ka tubut rimata Misir, sipugagalai ka tubunia samba ka sangalio laggainia.

Jos. 23:3

Anuitcoan kam sangamberinia sigalaiakenen Tuhan Taikamanuamui katubutda sangamberi bangsa sene kalulut kam. Si Tuhan le' apasaggak sibailiu uktukmui.