Jer. 44:10 - BUKO SIPUNENAN

¹⁰ Paatuatra Ta'amabubu' teret kineneiget, ta' maloto sia samba ta'aratut surukatKu samba ukumKu siakeKu katubumui samba ka taikebbukatmui.

Jer. 44:10 Iomraidhean Croise

1Rim. 21:29

“Anuitcoan leu si Ahab masiepeake tubu ka mataKu? Kalulut nenda, ta Kubabaraake geti pugejaat baga, kateteret aipeilenia muririmanua. Kateteret togania geti baraakekungan pugejaat baga ka muntogatnia.”

2Rim. 22:19

oleinangan bagam samba repeakenungan patuatnu ka mataKu. Akuisiakean masiukum Jerusalem samba sirimanua sikuddu ka bagania. Kubabailiuake te laggai nenda sara itcoket kalotoakenen, samba onin Jerusalem bailiuakekungannia oni pateleiat. Tapoi kele anuarep pagalaiat palotokatKu nene, pusounungan samba biritakenungan leppeinu toggaiat reureu bagam. Akuarepan panindogatnu,

2Taw. 32:26

Tapoi kalepakatnia si Hizkia samba sangamberi tai Jerusalem bauakeragan patuatda, bailiu ka burunia purimanuaiat Hizkia ukuman nenda ta atuenungake.

2Taw. 33:12

Kabagat pangoringannia nenda, bauakenangan patuatnia katubut Tuhan Taikamanuania, manindou itiddou paromanNia.

2Taw. 33:19

Kabagat buko Pungunguan Pagalaiat tai Nabi atusuratakean leu panindogat Manasye, alegiat Taikamanua ka panindogatnia nenda samba leu pagalaiat sangamberi jonia kepei ibauake patuatnia. Kabagat buko nenda leu atusurat sangamberi kudduat pasibuluijiat sabulungan tularat Asyera sigalainia samba leu sangamberi bulungan panindogietnia.

2Taw. 34:27

oleinangan bagam samba bauakenungan patuatnu katubukKu. Akuteuakean masiukum Jerusalem samba silaggaijinia, tapoi kateteret anuarep pagalaiat siteuakenenKu nenda pusounungan samba biritakenungan leppeinu toggaiat reureu bagam. Akuarepan panindogatnu,

PSALMEN 34:18

Sangamberi sirimanua simatopit musoga, samba arepinangannia si Tuhan, belaakenangan sia ka senengamata puokkiman.

PSALMEN 51:17

Ale Tuhan, buka le bibokku, bule ngungungku masipaagaiake pasiumun katubum!

PSALMEN 78:10

ta araukkaake ka palelengan Taikamanua samba magila murimanua siripot surukatNia.

2Mos. 10:3

Lepa si Mose samba si Aron mei masiailiake si Parao samba masikua katubunia, “Tuhan, Taikamanuanda tai Ibrani, masikua: “Pigamoian le ta numareddet katubukKu? Obaakean paamianKu, bule raei rapanindou katubukKu.

2Mos. 9:17

Kenanen kisedda, aipeile nukekeraake paamianKu bailiu taiobaakenungan ratuitui sapaamianKu.

2Mos. 9:30

Tapoi kuagai, tuanku samba siabeu tiboi tubu ta'pei leu maloto katubut Tuhan, Taikamanua.”

Pangt. 14:16

Sirimanua simasiku patuat mariuriu le ijago tubunia samba iareuake tubunia ka sikatai, tapoi sirimanua sitaiagai patuat maruei ipugolu, lepa masanangnangan.

Pangt. 16:6

Sirimanua simariuriu topit ka Taikamanua isilo le katuappekat, kalulut loto katubut Tuhan iate siareuake sirimanua ka sikatai.

Pangt. 28:14

Mauktuk te sia sirimanua simariuriu loto katubut Tuhan, tapoi sirimanua sikelaake patuatnia iorak le nia geti gejat baga.

Pangt. 8:13

Loto ka Taikamanua iate masipulagaki baga sikatai, malaga bagakku ka pubuangan patuat samba paraboat sikatai, samba ngungu simasun patajuat.

Jes. 42:24

Kasei amasisegeake si Jakob bule ibailiu raurauget, samba Israel ka sipasiraraurau? Ta pa Tuhan le? Kalulut amajongan sita katubuNia, samba ta raoba sirimanua masitut enungan sinausauNia, samba sirimanua ta raoba masiarepi nganturatNia.

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Jes. 66:2

Ta pa kabeiKu le amasigalai sangamberinia nene bailiu puailinangan sangamberinian nene? kise te tiboiet Tuhan. Tapoi ka sirimanua nene te kumataiake matakKu: ka sirimanua situoorei, ka simabele baga samba simaloto ka tiboietKu.

Jer. 10:7

Kasei pa' ta'maloto katubuM, ale Rimata sangamberi bangsa? Bulatnia, katubuM le' siripokatnia paraboat kele nene: Kalulut katalagat sangamberi sirimanua simaagai katalagat tai bangsa samba katalagat tai rimatada, ta'anai simakere kele Ekeu!

Jer. 26:4

Oto kua le' katubutda: Kasenen le' ngangan Tuhan: Ke'bai ta'nuoba' masiarepi Aku, ta'nuoba' masitut surukatKu singananggakenenKu kamatamui,

Jer. 32:23

Lepa geti gurukirangan samba kudduijirangannia, tapoi ta'araarepi ngangaM samba galai tubutra ta'siripokat surukatNu; ta'aragalaiake sangamberi aponia addeat tugalaiake. Lulut nenda Nukau le' katubutda senengamata pugejaatbaga nene.

Jer. 36:24

Rimata samba leu sipugagalainia, sipasiaarep sangamberi tiboiet nene, berisara sia atugege' samba ta'arapabirit leppeira.

Jer. 44:23

Anulaboaan kam buluakenen samba amajongan kam kai Tuhan. Ta'nuoba kam masiarepi ngangan Tuhan samba masitut surukatNia, SiteuakenenNia samba Enungan sigalaiNia, nenda te' lulunia iorak kam paoreat, kele simakokoinong kineneiget.”

Jer. 5:3

Ale Tuhan, ta' pa' nuipoake mataM ka pubulanan? Nu bo'bo' le sia, tapoi ta'amabesi sia; Pabubunangan sia, tapoi ta'araoba' masisilo nganturat. Rakelaake le' patuatda, bele pei bukku, samba ta'raoba masibauake paatuat.

Jer. 6:15

Siripokatnia maaila le sia, kalulut aragalaiakean le' kasitsitnakenen; Tapoi ta'araagai aila samba ta'araagai lolitda. Kalulut nenda bele le' geti sia katalagatda sirimanua sibebele'; tusoksoksok le' sia kateteret Akuukum sia, ngangan Tuhan.”

Jer. 8:12

Siripokatnia maaila le' sia, aipoi aragalaian paloloiat; tapoi ta'raagai aila samba tatuagai lolitda. Kalulut nenda mabukkat le geti sia, katalagat sangamberi sirimanua simabubukkat, tusoksok bele le' sia kateteret tuukum sia, ngangan Tuhan.

Jehz. 9:4

Kuanangan si Tuhan katubunia: “Puenung katalagat laggai, iate Jerusalem samba surat T ka bukkut utera sirimanua sipuhohoihoi kalulut sangamberi galajet sikatai sigalaiakenenda sedda.”

Malk. 4:2

Tapoi ka kam simareddet ka tubukKu, bebela te gegeKu kele sulu siarauake, samba toronia sibaraake katualeat. Tuujamuian samba maangka baga kele togat jaui simaruei tubelaake ka gulak.

Mat. 27:54

Kele araitco ngeungeu polak samba sangamberi sibabara kapiten saladdu samba saladdunia sipasijajago Jesus malotorangan simakope kuarangan, “Bulat Togat Taikamanua leu bai sinene.”

Luk. 23:40

Aleginangan nia sisara iase nia pele ngangania, “Ta maloto ekeu ka Taikamanua, kenanen makere ukumanta?

ROMA 11:20

Aisesengan! Aitugetai tedda sia kalulut taimatonem bagada, samba kam tuottot kalulut tonem baga. Bui nubuakngake kam paatuatmui, kau le numaloto kam!

1Ptr. 5:6

Oto paepe kam tubumui ka tei kabei Taikamanua simaron, bule ibuakngake kam ka teterenia.

Pamoil. 15:4

Kasei te ta masikakalotoake ekeu, Tuhan, samba sitailatsatnake onim? Sarat ekeu le poi sipunenan; sangamberi bangsa le momoi samba murappo ka matam, amatoilaan poi roiponia pasiuukumnu!”