Jer. 42:11 - BUKO SIPUNENAN

¹¹ Ba'maloto ka rimata Babel kalotoakenenmui nenda. Ba'maloloto katubunia, kise te' ngangan Tuhan, aipoi Kupaalei le' kam addeat masipaaraukam samba addeat masibelaake kam ka kabeinia.

Jer. 42:11 Iomraidhean Croise

2Rim. 25:26

Iageti putuituirangan sangamberitda tai Jehuda, simakayo, simageba samba leu sautet saladdu ka Misir, kalulut lotora ka taio Babel.

PSALMEN 118:6

Tuhan ka rubeiatku, taan maloloto aku. Aponia momoi ragalai sirimanua katubukku?

PSALMEN 46:11

Mengmengake kam samba agai kam, Aku te Taikamanua! Raabeuake le Aku sangamberi bangsa, tuabeuake ka polak!”

PSALMEN 46:7

Sangamberi bangsa mulamau, sangamberi purimataat ipaukjak, Ipaarep le ngangaNia, samba polak leu mugeret.

Jes. 41:10

bui' numaloto, kalulut Aku masipaalei ekeu, bui'numakarat baga, aipoi Aku nene Taikamanuam; Aku le geti masiroronake samba leu masiroromake ekeu; Aku le geti masiukkaake ekeu pasamba kabeiKu sikattoet sibaraake kamanangan.

Jes. 43:2

Ke nulipoki ekeu ka oinan, Kupaalei le geti ekeu, ele ka kabagat oinan, ta mararaggai ekeu; ke muenung ekeu ka obengan, ta mararagget ekeu, samba julu obengan ta ilalabo ekeu.

Jes. 43:5

Bui' numaloto, kalulut Kupaalei le ekeu, Kuake le geti sateteunu sibara ka kabelaiat sulu, samba Kururuake geti ekeu sibara ka kabelekat sulu.

Jer. 1:19

Rasaggangi le' geti ekeu, tapoi ta' te' geti momoi rakalaake ekeu, aipoi Kupaalei le' ekeu addeat masibelaake' ekeu, kise te' tiboiet Tuhan.”

Jer. 1:8

Bui numaloto katubutda, aipoi Kupaalei le geti ekeu addeat masibelaake ekeu, kise le' ngangan Tuhan.”

Jer. 15:20

Katubut bangsa nene Kubailiuake' le' geti ekeu, sibailiu kele irip laggai sibara tembaga; rasaggangi le geti ekeu, tapoi ta'momoi rakalaake ekeu, aipoi Kupaalei le' ekeu addeat masipaarau samba masibelaake ekeu, kise te' ngangan Tuhan.

Jer. 27:11

Tapoi bangsa sioba masikau te'tekatnia katei bairanen rimata Babel samba simakala katubunia, iageti obaakekungan sia ka polakda, kise te' tiboiet Tuhan samba galairangannia samba kuddu sia sedda.”

Jer. 27:12

Katubut Zedekia, rimata Babel, aku tiboakean simakere, kuakungan: “Kau le' tetekatnu masibairat bairanen rimata Babel, kaunumakala ka tubunia samba ka takaumania, iageti purimanuanungan.

Jer. 27:17

Bui nuarepikam sia, makala le' ka rimata Babel, iageti murimanua le' kam. Angoi laggai nene ibailiu le' karagatat?

Jer. 41:18

addeat masiareuake tubu ka tai Kasdim, kalotoakenenra, kalulut si Ismael togat Natanya aimateiakean si Gedalya togat Ahikam siriokenen rimata Babel ka laggai nenda.

4Mos. 14:9

Sarat, bui tumakela patuat katubut Tuhan, samba bui' numaloto kam katubutda tai bangsa ka laggai nenda, kalulut takokoilo le' sia ratata. Sipasisakkeri sia arakaddiuakean sia, tapoi si Tuhan ipaalei le' sita; ba' maloto kam katubutda.”

Mat. 10:28

Ba kakalotoake kam sia simateiake tubu sitaioi masimateiake ketsat. Taikamanua simagege masimateiake ketsat samba tubu ka narako le kalotoake kam.

Mat. 28:20

Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”

Pugap. 18:10

Ai le kupaalei ekeu, ta anai kasei pa siooi masigalai apa pa ka tubum, aipoi maigi sirimanua bakkatku ka laggai nene.”

ROMA 8:31

Oto kipangan le takukua ka pagalaiat sangamberinia nene? Ke Taikamanua masipaalei sita, kaseian le sisaggangi sita?

5Mos. 20:4

Aile iropmake kam Tuhan Taikamanuamui, samba iaake kamanangan ka kam.”

2Tim. 4:17

Tapoi aipaaleian aku si Tuhan samba aiparonan aku, bule ioi kupaarep simasun Katuareman Simaeru samba sangamberi sipuarat sabulungan masiarep. Ia te akubela ka ngungun singa.

Jos. 1:5

Ta' anai berisara sia momoi masikalaake ekeu, Josua, ka burut purimanuaiatnu. Kalulut Aku masipaalei ekeu kele siboiki Aku paalei si Mose. Ta' Kukakaddiuake ekeu.

Jos. 1:9

Repdem, Akuakean parenta ka tubum bule numatonem baga samba numagege! Bui numaloto ele numasaggo, kalulut Aku Tuhan Taikamanuam masipaalei ekeu ka senen eijanannu.”