Jer. 42:1 - BUKO SIPUNENAN

¹ Lepa nenda oi sangamberi sautet saladdu, katalagatra ai si Johanan togat Kareah samba si Azarya togat Hosaya, pasamba sangamberi taikauma, barania kataigoiso pat aili ka sabau,

Jer. 42:1 Iomraidhean Croise

2Rim. 25:23

Kele araarepnia sautet saladdu Jehuda sitaioba masitut rimata Babel pagalaiat uuddetakena si Gedalya sibailiu rimata, ailiakerangan si Gedalya sia sautet saladdu, iate si Ismael togat Natanya, Johanan togat Kareah, Seraya togat Tanhumet sibara ka laggai Netofa samba si Jazanya sibara ka laggai Maakha.

Jes. 29:13

Aikuangan si Tuhan: “Kalulut raoi ramalegre sirimanua nene sarat ka ngungunia le samba sarat ka bibonia le raabeuake Aku, tapoi patuatda areu katubukKu, samba panindogatda katubukKu sarat tiboiet sirimanua sigelai le,

Jes. 48:1

Arepake kam tiboiet nene, ale muntogat Jakob, sikua tubunia ka oni Israel samba iate muntogat Jehuda, sipupalelengan ka onin Tuhan samba siseseake Taikamanuan Israel tapoi ta sibulatnia samba ta sibara ka linat patuat,

Jer. 37:3

Ka sara tetere rimata Zedekia koiniakenangan si Jukhal togat Selemya samba Imam Zefanya togat Maaseya katubut Jeremia masitiddou: “Panindou le' addeat kakai kai Tuhan Taikamanuanta!”

Jer. 40:13

Kasara tetere si Johanan, togat Kareah samba sangamberi sautet saladdu sikukuddu pei le' ka laggai bagei moi kai Gedalya ka Mizpa

Jer. 40:8

Iageti ei sia katubut Gedalya ka Mizpat; sia nenda iate Ismael togat Netanya, Johanan togat Kareah, Seraya togat Tanhumet, tatogat Efai tai Netofa nenda, samba Jezanya, togat sara sirimanua sibara ka Maakha pasamba sapakoiniennia.

Jer. 41:11

Tapoi kele aiagainia si Johanan togat Kareah samba sangamberi utera saladdu pasambania, pagalaiat pukakainia sigalaiakenen Ismael togat Netanya.

Jer. 41:16

Lepa geti ruruakenangan si Johanan togat Kareah samba sangamberi sautet saladdunia pasambania masiruruake sangamberi taikauama sipulelegei siambit sibailiu luplupmakenen Ismael togat Netanya ka Mizpa, lepat aimateake si Gedalya togat Ahikam: iate taimanteu, sangamberi saladdu, tainanalep, tatoga samba sipasijajago uma purimataat tuambit minca ka Gibeon.

Jer. 41:18

addeat masiareuake tubu ka tai Kasdim, kalotoakenenra, kalulut si Ismael togat Natanya aimateiakean si Gedalya togat Ahikam siriokenen rimata Babel ka laggai nenda.

Jer. 42:20

Anupatajungan kam tubumui samba masibaraake kamateiatmui, kateteret nukoiniake kam aku kai Tuhan Taikamanuamui, samba masikua: Panindou le' addeat kakai katubut Tuhan Taikamanuanta, samba paagai le kakai simakolou aponia sitiboakenen Tuhan, Taikamanuanta, bule kugalaiakekainia.

Jer. 42:8

Iageti pusoganangan si Jeremia kai Johanan togat Kareah samba sangamberi sautet saladdunia pasambania, samba sangamberi taikauma, barania ka sigoiso pat aili ka sabeu.

Jer. 43:2

Ia geti panibonangan si Azarya togat Hasaya samba Jonatan togat Kareh pasamba sangamberi sirimanua bagei simabuak paatuat katubut Jeremia: “Boko le' sikuam! Tuhan Taikamanuanta, ta' ai koiniake ekeu masikua: Ba'ei ka Misir mukuddu sibailiu sirimanua sioiake sedda,

Jer. 44:12

Oto ke' tai Jahudi sipulelegei raoba mei ka Misir mukuddu sedda, mamatei le sia sangamberitra. Sangamberi sabeu samba tai goiso mamatei le sia ka Misir kabagat pasaggangan ele kalulut pulajeat. Maloto le sirimanua masiitco sia samba rapaloloi le sia. Oninra rabailiake pateleiat.

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Jehz. 11:1

Iageti akkatakenangan aku ketcat nenda samba abbitnangan aku ka matatbaliu isit sikalaut ka uman Tuhan, matatbaliu simatai ka isit kabelaiat matat sulu. Itco, kabagat matatbaliu nenda ai rua pulu lima sia sirimanua samba katalagatda itcokungan Jaazanya togat Azur samba Pelaca togat Benaya, iate siuteake bangsa.

Jehz. 33:31

Moi le sia katubum kele rurukat siberikabaga samba mukuddu kamatam sibailiu paamianKu, arepirangan leu aponia sikuakku, tapoi ta aragalaiake; ngungunda sun le tiboiet punununtut baga, tapoi patuatda masikukru puuktungan simalolit.

Jehz. 8:11

Samba kamatania murio pitu pulu sia sikebbukatda samuntogat Israel, pasamba si Jaazanya togat Safan katalagatda. Senenda masiukkaake tutungan kumanyang kakabeira, samba singin kujuk kumanyang nenda tusakai kapata.

Mat. 15:8

‘Ka ngungunda le raumun aku bangsa nene, paatuatda geti areu kaku.

Pugap. 8:10

Sangamberi sirimanua taigoiso samba sabeu masitut nia, kuarangan, “Sirimanua nene te ron Taikamanua oniakenen Ron Sabeu.”