Jer. 41:5 - BUKO SIPUNENAN

⁵ oi sirimanua sibara ka Sikhem, sibara ka Silo samba sibara ka Samaria, igitda ai sia balu puluh, bulut baklatra sikirit, bibiletra simabibirit samba tubutda sarat sikirinan; ambitrangan panguruat sitattatnakenen samba kemeinyan addeat tupangurutnake ka Uman Tuhan.

Jer. 41:5 Iomraidhean Croise

1Mos. 33:18

Kabagat puenunganan barania ka Mesopotamia, sega le si Jakob ka laggai Sikhem ka kupkumen Kanaan kabagat arau baga. Lepa rioakenangan sapounia ka sara su'su' kalegret laggai.

1Mos. 34:2

Kateteret si Sikhem, togat Hemor sibailiu rimata ka kupkumen nenda masiitco si Dina, ambitnangan siokko nenda, lepa pajonaungannia.

1Mos. 37:12

Ka sara gogoi ei sasarainan Josep ka Sikhem masijago terimeu ukkuira.

2Sam. 10:4

Lepa koiniakenangan sia si Hanun masilaba' sangamberi sikoiniakenen David nenda, samba koiniakenangan rakirit bulut ngungunda sapakoinien David nenda sangasila samba leu ratippu leppeira teret koddokra, lepa koniakenangan sapakoinien David nenda bule ratoili.

1Rim. 12:1

Si Rehabeam mei ka Sikhem, kalulut sangamberi tai Israel ka isit ka bare aparuruan sia sedda addeat masirioakenia ibailiu rimata.

1Rim. 12:25

Kele aibailiu si Jerobeam Rimata Israel, paronnangan laggai Sikhem ka kupkumen laggai leleu Efraim, iageti kuddunia sedda tapoi ta amaburu. Iageti kaddiuakenangan Shikem, samba paronangan laggai Pnuel.

1Rim. 16:24

Tapoi lepa geti sakinangan sara leleu sakinia enem ngaribu bulagat perak ka sara sirimanua sipuoni Semer. Lepa galainangan sara laggai ka leleu nenda samba kaunangan oninia Samaria, masitut onin Semer, sibakkat leleu nenda siburu.

1Rim. 16:29

Ka rura telu pulu balu puparentaat Rimata Asa ka Jehuda, si Ahab togat Omri murimata ka Israel samba ipuparenta ka Samaria rua pulu ngarura burunia.

2Rim. 25:9

Labonangan Uman Tuhan si Nebukadnezar, uma purimataat samba leu lalepda siabeu tiboi tubu ka Jerusalem.

1Taw. 19:4

Rimata Hanun masipalabaki sangamberi sikoiniakenen David nenda, masisapu bulut bakklatda, masitippu bibiletda teret kere koddok, samba masikoiniake sia mutuitui.

PSALMEN 102:14

Ekeu le geti tususuru samba masipunununtuki baga Sion, kalulut aiailingan teterenia tupununtukinia baga, aiailingan teteretnia siteuakenen.

PSALMEN 78:60

ribbaiakenangan pukudduananNia ka Silo sapou kudduijietNia katalagat manusia;

Jes. 15:2

Okkot Dibon manatra ka leleu pasibuluat musou; Moab mugeri kalulut Nebo samba Medeba. Sedda te rukuilu utera sangamberitda samba rakirit bulut ngungunda sibailiu toggaiat reureu baga.

Jer. 16:6

Sirimanua sabeu ele sigoiso mamatei le' geti ka laggai nene; ta'turarateiake sia, samba ta'anai sirimanua geti sisoibi sia; ta'anai geti sirimanua siorei tubuna samba sipasiguguluk ute' kalulut sia.

Jer. 41:4

Kale aimapato lepat aimateiake si Gedalya – kateteret nenda ta'peianai siagainia –

Jer. 47:5

Oraknangan tai Gaza pureureugat baga sabeu, sipulaggai ka Askelon ibailiu muatangeu; pigamoian le kam tai Filistin nuariakekam mureureu baga?

Jer. 48:37

Sangamberitra arasapungan alai ka ute' samba bulut bakla, kaparatdra ai sinajakat, samba pakeirangan komak goni toggaiat reureubaga.

Jer. 7:12

Tapoi kenen boiki ka kudduatKu ka Silo nenda, kaipa Akugalai oningKu mukuddu boiki, samba itco aponia sigalaiakenenKu katubunia kalulut pukakatai paamianKu Israel!

Jer. 7:14

kalulut nenda te' ka lalep, ka uddutnia tusogaake oningKu samba atciakenenmui nenda, samba ka kudduat, siakeKu katubumui samba ka taikebbukatmui nenda, Kugalai te' geti kele sigalaiaKu ka Silo;

Jol. 2:13

Birit ake patuatnu samba bui bibiletnu, Mattai kai Tuhan Taikamanua, simaom baga samba simanuntu baga, simakate baga samba simasut nuntut baga le Nia. Mangka bagaNia masiappeake, tak ioba masienungake pasiukuman.

5Mos. 14:1

“Kam nene iate paamian Tuhan Taikamanuamui. Oto ka teteret ai kam murereureu baga kalulut sirimanua sitatata', bui' nubaraake kam mauju' ka tubumui ele nusapu kam alaimui ka mata kele sigalaiakenendra tai bangsa bagei.

Jos. 18:1

Kele ai lepa rakalaake tobbou laggai sipalelek Tuhan, paruru'rangan sangamberi paamian Israel ka Silo, lepa rioakerangan Sapou Paailiat kai Tuhan.

Jos. 24:32

Abbitrangan tai Israel tolat Josep sibara ka Misir, rateiakerangannia ka Sikhem ka polak sisakit Jakob sakinia sangotu bulagat perak ka tatogat Hemor, ukkui Sikhem. Polak nenda atukaunia ka muntogat Josep.

Pas. 18:31

Tularat sabulungan sigalai Mikha nenda ai peile ka Lais kipa burunia ikuddu Sapou Tuhan ka Silo.

Pas. 9:1

Ka sara gogoi ei si Abimelekh togat Gideon ka laggai Sikhem kudduatdra saepput inania. Sedda panibonangan katubutda, kuanangannia,

1Sam. 1:7

Ipuaili pagalaiat nenda ka senen rura, ke mei sia ka Uman Tuhan, sarat ibesiki le patuat Hana si Penina. Bulat mareirei ipusou si Hana samba ta ioba mukom kalulut ipaloloinia.